麻辣川米線 荔枝角
最後更新:
麻辣川米線推介
餐廳提供三十多種配料予客人選擇，而湯底有酸辣，麻椒，雞湯等湯底，客人可任意配搭。
荔枝角麻辣川米線
| 餐廳分店 | 麻辣川米線 |
|---|---|
| 地區 | 荔枝角 |
| 電話訂位 | 沒有電話提供 |
| 餐單 Menu | 川菜, 四川, 粉麵, 米線 |
| 人氣指數 | 813 |
| 價錢幾錢 | $50以下 |
麻辣川米線訂位位於荔枝角區，詳細地址是荔枝角長沙灣道638號長盛豪苑C舖，餐廳寬敞座位數目共有未知幾多個。麻辣川米線幾錢？價錢優惠後人均消費大約$50以下埋單，早餐午餐晚餐麻辣川米線餐單包括有川菜, 四川, 粉麵, 米線等美食，付款方式有AlipayHK,支付寶,現金付款。
麻辣川米線優惠
麻辣川米線 評價 相片
呢日因為要出長沙灣拎東東, 所以 lunch time 就搭地鐵向目的地進發~拎完之後, 就係醫肚時間!!不過, 呢頭真係唔知食咩好, 一邊行一邊望一邊諗......叮!!! 比我諗到平時響巴士, 好多時都會路過既一間小店店....於是就快快腳滾過去, 好遠呢~熱呼呼, 汗流流.....終於到步!!還好啱啱有位, 不過係門口位置, 無計啦, 唔等啦, 仲要返工嘛~呢間一直都無食過, 安全起見都係要最簡單, 我又最鍾意食既先:麻酸辣 (小辣) + 豬潤 "因為天氣太熱, 又坐響門口位, 都係試左小辣先"呢度落單係自助形式, 自己剔紙仔, 然後再交比侍應....選擇都算多, 如果有選擇困難症就慘了, 哈哈~落左單之後, 都等左大約 1015 分鐘先有得食.....無計啦, 可能真係人太多, 坐落之餘, 走一枱又黎返一枱, 真係好好生意~講返碗粉, 個碗好得意呀, 係三角形的!!習慣性地先試一啖湯.......................wowowooo!!! 好味喎!!!!個味道同平時響出面食既好唔同...平時食米線果D, 個湯底既味道一般都係好似湯底還湯底, 然後加D麻辣/酸辣落去, 食得出個味係同湯底分開既~但係呢間既湯底......麻辣/酸辣同湯底個味道好夾好 match, 真係有完全溶入個感覺!!!所以未開始食個米線, 我已經飲左好多啖湯, 哈哈哈~然後, 米線亦煮得啱啱好, 唔太軟亦唔太硬, 有咬口!!至於豬潤, 呢個反面有D失望, 唔係黃沙之餘, 自然無左爽口果種感覺, 而且煮得太熟太老~整體黎講, 唔計個豬潤, 呢碗米線真係好好食...成碗比我清左, 湯都無........lol不過呢, 如果佢可以用埋黃沙豬潤, 咁就真係 good fit 啦, 簡直就大滿足, 哈哈哈~食完就即刻閃人啦, 滾去搭車回歸返工, 嘿嘿!!******************************呢次食完之後, 一直都念念不忘, 所以中途有一次走左去總店試....去總店個心態係......既然分店咁好食, 總店應該會更加好味~!?可惜, 期望愈大, 真係失望愈大..............................******************************所以, 再一月之後既呢日, 帶左幾粒同事仔黎食返呢間分店!!!呼~ 終於都又回味到啦~ 今次忽然想食......呢樣!!就一於試下豬潤以外既野: 麻酸辣 (小辣) + 墨丸呢日等位等左大約 1520 分鐘, 真係好多人食呢~先拎紙仔自己剔, 一有位就交比侍應, 然後就等........湯底一如之前既美味, 米線軟硬度亦保持得好好!!4 大粒白雪雪既墨丸, 好不吸引!!!一啖咬落去, 嗯~ 唔算彈呀, 有香香既墨魚味, 還可以~另外, 今次仲試左 "燒紹興酒雞中翼"一上枱, 燒雞翼就香氣撲鼻, 好有 BBQ 既感覺....食落, 反而酒味全無, 但係雞中翼醃得入味, 隻隻燒得外脆內熱又, 肉又唔會干身, 唔錯!!!有機會, 都會再黎食, 嘿嘿~
麻辣牛腩米線 HK$27 有充足的及正路的麻辣香味 湯底夠味, 個味夾麻辣味 米線爽口好趙 牛腩夠林, 但略嫌帶多點肥膏 價錢合理 (學生更有優惠) 中辣都幾辣, 如果唔係好食得辣就叫小辣好了, 因為沒有加湯服務.4.5/5 分奇異果汁 HK$10 用了黃金奇異果, 夠甜唔酸 (我飲出來的) 好像加了蜂蜜, 有小小出位影響主角奇異果味的比重 (所以扣0.5分) (我飲出來的) 適量加水, 恰到好處 抵飲, 因為我去超市用HK$11.00買3個奇異果都未整到呢一大杯果汁4.5/5分
今日比係一d唔上唔落既時間叫去荔枝角開會, 回程時見到"麻辣"兩字既小店舖, 小的忍唔住就入左去食返個. 橫定就快到食飯時間, 就當我仲開緊會啦!佢係長沙環郵局則面既一間小店, 門面很小, 但是裝修還不錯. 吸引我停下腳步既係門口貼住既報紙, 令我突然好想食麻辣米線店子真的很小, 但是在工業村位置多小不要緊, 因為多數都係外賣(這就不知生意好不好了, 我不是本地人) , 而在吃完準備走時正好是中學放學時間, 很多學生衝入來, 看來在繁忙時間要來食野大家要有心理準備要等位....叫左個酸菜米線 (另一個配料忘記了....) , 另外外加了腐皮同雜菌 , 份量夠 (謎之音: 加咁多野唔夠就奇啦!!) ......我好鐘意佢既湯低 , 我叫左小小辣, 佢既湯底飲起來其實就唔辣 , 似酸辣多d , 好o岩一d食唔落辣野既人, 好醒胃. 米線就同多數米線店既一樣, 不過不失但又搵唔到d咩可以嘈既地方, 配料上, 腐竹很爽口, 唔係煮太耐林滋滋既野, 雜菌就配上酸菜一齊食, 味道很夾.佢出來既野食唔會令人失望, 價錢也不貴, 可是位置在兩地鐵站之間, 交通上就不是很方便了!
最遺憾的事係無帶相機, 但一定會再去, 仲會帶朋友去! 目的係多order唔同菜式!是晚, 我同先生倆人按侍應的推介揀選了麻辣雞窩, 實際上係火鍋, 大大煲仲好快上檯!附送的唐HO菜非常新鮮, 乾淨, 最難得係洗得乾身之餘係完整的一棵棵, 並不似時下火鍋店的濕水版, 散成一塊塊菜葉狀的. 成棵的一兜菜份量多好多, 也都不容易係煮到爛融融, 撈唔到.你明唔明呢種用心, 火鍋湯底最忌濁, 而麻辣火鍋的菜, 烙太短時間就只有辣味沒有鮮味, 太長時間又怕爛晒!我比第一個感動!!(半隻雞$88, 送大大兜菜, 好抵, 不可不試)我同先生係不折不扣川菜迷, 食川菜唔可能避得過令你痛愛的花椒,呢間不起眼的小店使用的花椒, 色澤新鮮, 天然的香氣令你嚼落不感痛苦, 香氣在口腔環繞之餘, 麻辣才不慌不忙地佔據你的味蕾.我的第二個感動, 做人不可做俗人, 煮食最忌FLAT, 只有揀o岩香料調味, 送菜先會有深度, 有層次!我地試的係小小辣, 建議選擇中辣or小辣, 湯底的平衡最出色, 不油膩.雞窩裡面的雞, 建議大家最後食, 因為我發覺一個鐘頭後, D雞竟然越煮越滑, 好入味.放心喇, 呢個鍋, 唔會香料多過雞, 好清好容易打撈, 哈哈!我地另外order左$58的薑蔥廣島蠔, 不算大隻, 但很鮮甜, 大約8隻左右, 超值!重慶來的薯粉煙韌棉柔, 吸收湯底精華後味道更加吸引.$18凍豆腐好似都係好平, 但好多塊, 食得我地非常開心.生力啤酒做特價, 大大支$16.捧肚價買單$213
之前食過呢間野~覺得幾好食~~所以今日由太古特登去荔枝角食~~呢碗就係我叫既豬腸大辣米線+肉醬..佢d辣真係好好食...我最喜愛食辣~~但係佢d肉醬好難食...又唔知加左d咩..又油淋淋..結左食左一小口..成碗都唔要....呢碗就係我男朋友叫既豬腩肉+累墨魚太小辣米線~冇咩點食..但係男朋友都話好好味~因為仲有學生證~所以+$1有一杯豆漿~抵呀~~不過唔知係咪辣得濟..我食完全日個胃都痛痛地....下次都係唔好叫咁辣~hahaa
麻辣川米線餐單提供川菜, 四川, 粉麵, 米線等推介美食位於荔枝角區，餐廳座位數未知人均消費約$50以下，結賬可以用AlipayHK,支付寶,現金。
您對於荔枝角餐廳「麻辣川米線」有何 comment？
麻辣川米線餐廳詳細資料：
- 麻辣川米線地址: 荔枝角長沙灣道638號長盛豪苑C舖 麻辣川米線, Shop C, Charming Garden,638 Cheung Sha Wan Road, Lai Chi Kok
- 麻辣川米線電話:
- 麻辣川米線價錢: $50以下
- 分類: 川菜, 四川, 粉麵, 米線
- 座位: 未知
- 付款: AlipayHK,支付寶,現金
- FB專頁: 麻辣川米線 Facebook
更多麻辣川米線相關資料:
香港餐廳2026推介8月