幸腹滿屋日本料理 荔枝角

幸腹滿屋日本料理 評價 相片

公司樓下嘅餐廳，午市經常爆滿，就同個朋友夜晚黎食啦！呢間餐廳門面係睇唔到入面嘅，好神秘。

餐廳入面唔算大間，晚飯時間嘅人客都唔算多。

我同朋友就揀咗一個四人卡位坐。

冷喬麥麵（$78）✨我叫嘅喬麥麵係用一個裝滿咗冰嘅大盆裝住嘅，上面擺咗個竹蓆隔住，放咗啡色嘅喬麥麵同一啲紫菜喺面頭。

凍嘅喬麥麵好好食，一齊上嘅仲有麵汁、蔥、鵪鶉蛋。

冰凍嘅喬麥麵加上室温嘅汁唔止更易入口，仲豐富咗佢嘅味道。

加埋蔥同鵪鶉蛋就更香。

呢個我會比4.5/5分，如果夏天先黎食就更正啦～立魚豆腐湯（$88)✨朋友叫咗立魚豆腐湯，入面嘅材料非常豐富，絕對真材實料。

除咗立魚塊之外，仲有粉絲、菜、豆腐。

好鮮甜好好味。

4.5/5分！海鰻長卷（$78）✨之後就係我最愛嘅一樣嘢食——海鰻長卷。

顧名思義，佢就係鰻魚壽司啦。

但佢唔係普通嘅鰻魚壽司，唔係普通嘅壽司飯、紫菜加鰻魚。

佢係一個壽司卷，入面有蟹柳、青瓜同玉子，然後再加上面嘅鰻魚。

鰻魚仲非常肥美，十分正。

5/5，爆分！

#fafafoodblog#fafafoodblog日本菜 #fafafoodblog荔枝角🍴滑蛋雞肉飯 98 蚊🥚🍚外表其實成堆野甘 但食落好有驚喜 首先蛋整得好香滑 連埋紫菜 加左少少脆口感 洋葱幾香甜爽口 雞扒 大細適中 👍🏻口感彈牙 佢既醬汁豉油味偏甜 十分唔錯🍴雜錦魚生飯180 蚊 🐟魚生好多好豐富 香滑海脆 肉味濃既赤身 juicy既魚子鮮甜帶子同甜蝦🦐 肥味左口魚 仲有三文魚 馬刀魚 油甘魚等等 壽司飯都幾有口感🍚 撈埋豉油同少量 wasabi好味👍🏻#魚生 #刺身 #三文魚 #雞飯 #炒蛋 #日本菜Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#幸腹滿屋日本料理 荔枝角長沙灣道912 至914 號 時信中心地下 1 號鋪~~~~~~~~~~~~

朋友之前介紹我食呢間魚生丼，見今日咁岩經過荔枝角，一於試下佢！門面都幾隱蔽，一唔覺意其實好容易走過龍，建議店員可以擺多啲招牌，令門面明顯少少～講返呢度價錢，價錢唔算平，走中價日本料理路線呢個雜錦丼真係不得了😻有齊哂我最鍾意既吞拿魚蓉、三文魚子，最緊要係有埋海膽！！！全部用料都好新鮮，解雪技巧好🤓加埋一只係$180，有丼飯、前菜同麵豉湯，以呢個質素黎講，價錢算不錯～總括來講，如果呢度經過呢邊，可以試一試，但就冇必要特登過嚟幫襯啦！.👅好食：⭐️⭐️⭐️⭐️⭐️💰抵食：⭐️⭐️⭐️⭐️🖼環境：⭐️⭐️⭐️⭐️⭐️🙇🏻‍♀️服務：⭐️⭐️⭐️⭐️⭐️（最高為五粒星）

同個好耐無見既朋友聚聚舊想搵間近地鐵站既餐廳~見到荔枝角依間日本菜只離mtr幾分鐘就過來試試了餐廳有種家庭料理既感覺裝修好有日式感平日既晚上客人不多完全唔洗等位menu上有好幾款食物都寫不供應有點可惜～不過定價合理幾抵食我地叫左一款卷物、一款小食同一個飯✨明太子玉子燒 $68鬆軟既蛋卷夾住好多明太子鹹鹹地既明太子同蛋卷好夾～✨海鰻長卷 $78一客有6件而且海鰻夠新鮮！食完佢都飽飽地啦✨和風燒牛肉飯$108蔬菜同肉既份量都好多牛肉汁送飯一流~飯餐仲有冷盤同麵豉湯送

唔可以話難食一般一百蚊水平賣二百蚊牛肉鍋得個咸字，刺身飯唔係話唔新鮮，好過放題果啲咁囉。

味噌湯，普通日本餐廳果啲，呢個價錢，我expect 係自己煲落真味噌果隻。

幸腹滿屋日本料理餐單提供日本菜, 壽司, 刺身, 居酒屋等推介美食位於荔枝角區，餐廳座位數未知人均消費約$201-400，結賬可以用現金，Booking訂位可以電話致電 23704288 查詢。

您對於荔枝角餐廳「幸腹滿屋日本料理」有何 comment？

幸腹滿屋日本料理餐廳詳細資料：

• 幸腹滿屋日本料理地址:
  荔枝角長沙灣道912-914號時信中心地下1號舖
  幸腹滿屋日本料理, Shop1, G/ F, Trust Centre,912-914 Cheung Sha Wan Road, Lai Chi Kok
• 幸腹滿屋日本料理電話: 23704288
• 幸腹滿屋日本料理價錢: $201-400
• 分類: 日本菜, 壽司, 刺身, 居酒屋
• 座位: 未知
• 付款: 現金
• FB專頁: 幸腹滿屋日本料理 Facebook

更多幸腹滿屋日本料理相關資料:

• 幸腹滿屋日本料理分店
• Youtube
• Facebook
• Twitter
• Google