好好運快餐店 荔枝角

好好運快餐店 評價 相片

火紅到爆燈~ 被吹捧為神級沙嗲牛~本想過咗熱潮後先試，但突然消息傳出店鋪會搬舖，但又怕搬咗舖後味道有所不同，所以都想臨搬舖前試一試當日早上七點半已到舖經排隊，目測大約有二三十人，大約等咗一個鐘頭就可以入內進餐。

點了紅腸煎蛋沙爹牛麵 早餐上枱後即時呷一口湯，滿滿的沙嗲味，配上大光麵，掛湯十足 但略嫌欠缺花生味。

牛肉大件嫩滑不柴，紅腸係煎的，加埋厚切值得加分 太陽蛋煎到金邊底，非常香脆雖然味道不是心中所想般神級， 但的確係比一般茶記的沙爹牛出色，茶記的沙爹牛以此作標準就啱喇

香港沙爹牛肉麵關注組最人氣食店很肯定係好好運，群組加持後每日大概中午時份沽清沙爹牛肉，近日公佈2月11日光榮結業（後來在訪問中稱租約期滿，將選址重開）更提早致九點十點完售！為趕上尾班車，加上我班好同事們又肯陪我顛，昨晨七點就去排隊！當時已經人龍大概有廿多人，快餐店室內只有三張枱，室外有四張枱，所以等第二輪翻枱先有位坐，大概排左50分鐘！（輪候時排我後面的直接打電話叫外賣，後來見職員拎起電話唔接單了...）百搭早餐 $35 可選三餸麵，配凍飲加$1，價錢超值，性價比高！沙爹牛肉當然必食！沙爹醬花生味濃，少少辣幾惹味，撈麵一流！而麵質係爽麵，有少少咬口，可以嗒多陣沙爹味。

牛肉嫩滑夠腍，份量又多，仲有洋蔥添，正！第二個餸點了好多網民力推的紅腸，其實我都鍾意食紅腸，但平時茶仔又薄又無味，所以好少叫，呢度紅腸外皮少少脆，重點係厚切！好滿足，正！最後一餸煎太陽蛋，半熟蛋白蛋黃，我最愛啜！正！另加$7有份多士，奶醬多烘底，奶醬剛剛好，每啖都食到醬，但唔會覺得膩。

食完飽到唔想食午餐。

.坐在室外旁邊就是人龍，個個望住真係有啲壓力，嗱嗱臨食完就讓座比其他食客（其實就我自己都趕返工...）離開時人龍更長，見到有電視台採訪，播出後應該更多人慕名潮聖！雖然返工前特登搭車去食個沙牛麵早餐好瘋狂，但我覺得值得一試，始終間間餐廳沙爹牛肉都唔同，好好運堅係好食，我唔識形容有幾獨特，但我覺得性價比係高過元朗永順同慈雲山榮記。

不過要排一個鐘我就未必會二刷。

.*最新消息，因店方多次遭發告票，所以即日起不設室外堂食，即係得返室內三張枱！關注組報告今晨已有超過三十人排隊等開門......（好彩已經食左，唔係真係可以放棄）

呢排興沙嗲牛～ 朋友見到好好運就快要結業！ 決定返工前去食一次！好好運開7點～ 而我05分到 前面已經排左接近有20個人🥱 排左9個字左右終於入到去食！ 8點仲聽到收銀講已經唔再接沙嗲牛外賣！ 如果想食真係要早啲去～太陽蛋火腿沙嗲牛麵 $35太陽蛋同火腿都係茶記水準～ 重點都係係沙嗲牛到！ 個湯底咸同偏辣 但不自覺咁會飲好多啖湯～ 牛肉份量有好多 甜味都好出～不過略嫌個麵唔夠淋～ 偏硬身！！ 見到有人叫通粉 我諗通粉應該仲入味仲濃郁！見到關注組講原來吉列豬都好出色！ 有機會一定會去試下！！

📍全港第一沙爹牛麵 · 排晒長龍都要食‼️ 好好運快餐店🍜🥇===========================由於有香港沙爹牛麵關注組加持，近排一開facebook同ig都比呢間荔枝角人氣小店洗版🤣🤣見到有啲谷友晨咁早就去排隊，為嘅就係食呢碗堪稱全港最好食嘅沙爹牛肉麵‼️‼️早幾日小店突然宣布會係2月11號光榮結業，小編琴日就約埋@neverfullhk 一齊去試下🤩我讀者8:45去到舖頭已經見到長長嘅人龍，目測都有接近30人～去到大約9:30突然聽到店員話沙爹牛賣晒啦！😹（好彩原來佢係講緊外賣嘅沙爹牛賣晒🤫🤫）最後我哋10:00入座，仲好好彩坐到室內嘅位！🤤⭐️沙爹牛肉+紅腸+煎蛋米粉（$35）湯底飲落惹味，仲有少少辣勁好正‼️🤩🤩米粉食落爽身，掛湯力唔錯，啖啖都有沙爹湯嘅精華🤤睇張相沙爹牛肉好似得好少，但其實有勁多塊沉咗喺底，數數都有10塊㗎，好足料😋沙爹牛肉上面嘅沙爹醬惹味濃稠，仲有花生碎‼️🤩牛肉肉質超腍，完全無筋，肉味濃郁😍我哋兩個一路食都忍唔住一路話好正😹紅腸同樣有驚喜，好厚身，食落頗有油脂香😚整體嚟講沙爹牛真係無得頂🤩排咗咁耐都值得吖！🤤💖我哋食嘅時候見到出面條隊越排越長，亦都不斷聽到有人打電話嚟叫外賣，但都比店員告知賣晒😂嚟緊人潮應該會越嚟越多，想食嘅朋友可能真係要早啲排定啦😎賣相：7/10味道：9/10性價比：8/10回頭度：7/10

朋友介紹近期至hit 嘅沙爹牛麵，上星期一就去會一會佢啦。

去到已經十一點幾，門外有7,8個人等外賣，非常好運入面有位，呢d 時間沙牛當然已經售罄啦除左沙牛，最想試嘅係佢。

"酸辣吉列豬扒米線"酸辣湯底頗多料，蕃茄，酸菜，雞腳，芽菜，蔥花，湯味道帶酸相信酸味來自酸菜，帶點辣。

湯頭較清。

這個酸辣湯底不太特出。

奶茶有茶味帶滑吉列豬扒同想像一樣，一上枱，急不及待咬一口，新鮮熱辣，剛炸起（雖然有點熱氣，但顧不了😆）皮脆肉嫩有肉汁，吉列皮部分薄薄。

讚！鐘意佢無落鬆肉粉醃製，仍能保持肉嘅鬆軟口感，無太多調味料，無花巧野。

實實在在，簡單嘅味道，卻給味蕾帶來滿足感買了個黑椒牛扒意粉外賣，到家試一口，港式黑椒汁，有黑椒香帶微辣，濃味，意粉軟硬剛好，吾林，牛扒就無試了值得再去的一間誠意小店🤗

好好運快餐店餐單提供港式等推介美食位於荔枝角區，餐廳座位數20人均消費約$50以下，結賬可以用現金。

您對於荔枝角餐廳「好好運快餐店」有何 comment？

好好運快餐店餐廳詳細資料：

• 好好運快餐店地址:
  荔枝角醫局西街1035號匯華大廈地下4-5號舖
  Very Good Luck Fast Food Shop, Shop4-5,1035 Yee Kuk West Street,, Lai Chi Kok
• 好好運快餐店電話:  
• 好好運快餐店價錢: $50以下
• 分類: 港式
• 座位: 20
• 付款: 現金
• FB專頁: 好好運快餐店 Facebook

更多好好運快餐店相關資料:

• 好好運快餐店分店
• Youtube
• Facebook
• Twitter
• Google