Délifrance 荔枝角

Délifrance 評價 相片

噚日同啲單車友行山，今日輪到陪老婆行一轉短嘅，其實，都喺由美孚兜上去馬騮山，再兜返落嚟。

不過，上山前就先過嚟荔枝角嘅Delifrance食晏，再改由荔枝角起步行上饒宗頤，兜過去馬騮山。

點解隔個地鐵站過到嚟Delifrance食嘢，咪就喺晌啲報紙剪咗啲$50優惠券囉。

 由於餐廳揸嘅喺廠廈食堂牌，所以，門面無招牌，都喺認住藍白紅法國國旗三間。

個鋪位好深，整個地方都幾大，小咖啡店格局，枱櫈編排亦唔會好逼，加上星期日嘅晏晝真喺客人唔多，而今次我哋就揀坐入面，感覺悠閒。

 收銀處頭上有電子餐牌配，不過，拎個實體餐牌埋位慢慢睇好過。

簡單而言，可以分為兩大類：經典精選（麵包、焗薯嘅配搭）、法式滋味（主食粉麵飯嘅配搭）。

你會發覺每樣食物都有兩個價，一個喺雙拼套餐價，另一個喺三拼套餐價，除主食，就視乎你想配跟餐沙律、是日餐湯、餐飲中嘅一款定兩款而已。

此外，仲有款二人套餐，定價$175，包頭盤、主菜、餐飲、甜品，都幾划算。

 除恆常餐牌外，仲有個季節性餐牌，有一款扁意粉，以及一系列跟利口樂聯乘嘅特飲，有凍有熱嘅。

 精選餐湯今日嘅餐湯喺意大利雜茶菜湯，喺老婆嘅心水西湯之一，佢較鍾意啲蔬菜湯多過啲忌廉湯。

個湯落足料，熬得幾濃郁，酸香鮮活又熱辣辣，仲伴了一片法包嚟襯吓。

 素菜千層麵配薯蓉 $78/$88呢一款千層麵可揀肉醬或素菜，所以，想食素一樣有得揀，絕對可以滿足老婆偏素嘅訴求。

素菜嘅話裡面喺夾咗翠玉瓜、青瓜、燈籠椒之類，味道幾清新嘅，問題喺啲瓜有啲未焗得透，仲喺硬硬哋；反而啲薯蓉就好正，又香又軟滑。

 紅酒汁燴牛尾扁意粉 $78/$88小弟就試咗個新品，其實，本身都鍾意食牛尾，所以，順理成章揀佢。

牛尾都幾大份量，至少你都見到成碟面都喺牛尾，而且，確喺燴得好入味，有點點紅酒香；而扁意粉亦煮得恰到好處，咬落有韌勁，又掛滿汁，好食。

 即磨咖啡二拼、三拼都喺差$10，咁就梗喺俾多$10要杯靚嘅即磨咖啡嘆吓啦，因為都唔喺第一次嚟，之前飲過佢啲咖啡確喺靚豆有質素嘅。

 食飽飽，抖一抖先起行，又喺一個陽光普照，天氣和暖嘅下午，行行山，吸吸新鮮空氣，人都舒服醒神，加上食咗餐唔錯嘅午餐。

上次食完送左張50元優惠卷一直未用,今日的起心肝用左去同同事叫左二人餐$17550 另外加左$9轉rose cappuccino埋單先$134 又有甜品飲品前菜主菜  之後仲要再送多$50下次又可以去用 無限Loop咁....杯rose cappuccino幾好飲架另外個杯係芒果梳打 都唔錯頭盤叫左沙律同焗薯批其實應該叫薯仔先岩 都唔錯呀 我比較喜歡吃一舊舊既薯仔多過薯容都係用忌廉同芝士焗既拿破崙大蝦蜆肉炒天使麵睇個樣平平無其 但幾好食 麵幼 就算汁唔結達達都好掛汁大蝦有陣雪味 蜆肉都幾多下招牌雞排煙肉全麥包見到雞扒我就心心眼 以為得一半會好細點知其實好大份入面係有2塊雞扒!!! 同同事一人一半真係飽到上心口之後仲有雪糕配脆卜卜既蝴蝶酥

平民價豐富西餐每次去食一定嗌２人餐（另外留意報紙／食２人餐通常又會有張５０蚊Coupon），變相Full Set 前菜+2個主食+飲品+甜品都只係$125，抵到爛！！今次例牌叫左煙三文魚意粉（２人餐唔洗另外加錢）同埋肥仔千層麵。

煙三文魚意粉通常都係好食，份量好似比以前少左，不過百物騰貴，都明既。

千層麵除左肉醬同芝士好香之外，薯蓉都好有驚喜架：非常Creamy,表層焗過更脆更香口，忌廉味都濃。

飲品同甜品（蝴蝶酥＋雲呍拿雪糕）水準依舊，仍然係好豐富好滿足的一餐。

呢個價錢食到咁多野，仲有都幾靜既環境，真係幾抵。

偶然想食個西餐，又想經濟實惠啲嘅，可以選擇嚟呢度。

鋪面隱藏喺荔枝角工廈地下，唔小心就會行過龍。

今次我地有$50 coupon，消費滿$100就可以使用一張。

所以我地點咗一份兩人套餐$175，有沙律或湯，兩份主菜，兩杯嘢飲，仲有兩個甜品，性價比算高！食物質素咁多年都保持水準，雜菜湯唔會淡貿貿，頗足料。

拿坡里大蝦蜆肉炒天使麵係熱賣推介，天使麵爽口彈牙，夾上嚟仲係冒緊煙架。

另外，鮮菠菜三文魚芝士汁燴飯，煙三文魚份量都幾多，意大利飯鬆軟黏口，煮得均勻而且熟透，唔會出現有生米嘅情況。

最後飲啖熱生果茶配個蛋糕仔，為呢餐飯畫上完美句號。

早上本来是想到附近的 Pacific Coffee 吃早餐，可能假期关系，今天休息，只好找了 Delifrance 替代。

正门不是太突出，没有招牌，不是熟客会很容易看漏眼。

餐厅的环境颇为宽敞，卫生也做得不错，第一感觉已经有好印象。

早上的套餐也不少选择，平均都是40多元，价格合理。

付完款站在一旁等着，心想这种普通套餐应该是马上搞完，结果等了超过10分钟，如果赶着上班就真的很糟糕。

餐的质量是可以的，牛角包够大，含很香的牛油香味，如果略为加热会更好吃。

另外，鸡扒也是值得一赞，虽然有点儿小块，但肉质细嫩，而且十分入味，中间不会淡而无味。

这种早餐是贵一点点，但还是在接受范围，希望日后效率能提高。

Délifrance餐單提供法國菜, 麵包店, 三文治, 沙律, 咖啡店, 咪嘥嘢食店等推介美食位於荔枝角區，餐廳座位數未知人均消費約$51-100，結賬可以用Visa,Master,AlipayHK,支付寶,現金,八達通,AE,銀聯,Apple,Pay,Google,Pay,OpenRice,Pay，Booking訂位可以電話致電 22426669 查詢。

您對於荔枝角餐廳「Délifrance」有何 comment？

Délifrance餐廳詳細資料：

• Délifrance地址:
  荔枝角長沙灣道800號香港紗廠工業大廈一、二期地下C2D舖
  Délifrance, Portion Dof Unit C2, G/ F, H K Spinners Indbldg Phs I& I I,800 Cheung Sha Wan Rd, Lai Chi Kok
• Délifrance電話: 22426669
• Délifrance價錢: $51-100
• 分類: 法國菜, 麵包店, 三文治, 沙律, 咖啡店, 咪嘥嘢食店
• 座位: 未知
• 付款: Visa,Master,AlipayHK,支付寶,現金,八達通,AE,銀聯,Apple,Pay,Google,Pay,OpenRice,Pay
• FB專頁: Délifrance Facebook

更多Délifrance相關資料:

• Délifrance分店
• Youtube
• Facebook
• Twitter
• Google