韓閣 荃灣

韓閣 評價 相片

望一望佢餐牌上面有啲好抵食嘅小食，亦都歡迎食家可以叫外賣，我睇中咗佢份流心芝士條同紫菜粉絲卷，兩款加埋都係$23，點解可以平成咁㗎！非常之唔合邏輯，仲要每款有三至四件，而且佢質素唔差，簡直拍得住一般嘅正宗韓國人料理餐廳，芝士條又唔會整得太焦，外脆內軟，感覺啱啱好。

見到呢度有得點無骨豬手，我拿拿臨叫咗個例牌，上枱嘅時候仲有生菜同蒜頭，可以同豬手加埋一齊食，豬手醃上醬汁，山菜夾住多汁，蒜頭強烈嘅味道刺激我嘅味蕾，爽爆！食韓國嘢就梗係唔可以錯過炸雞，爆脆雞膇翼(蜜糖芥茉)，啲蜜糖芥茉醬汁好惹味，我食咗隻雞全翼，感覺好滋味，啲汁可以留返嚟送飯都得，哈哈。

小窩甜辣年糕跟粉絲，冇諗過可以做到咁出色，年糕夠煙韌，粉絲溝埋韓式醬汁入晒味，仲有魚糕襯底，好豐富呀！雜錦手卷係韓國人嘅早餐，清清地有啲似日本飯卷，內含腸仔、蛋、青瓜同泡菜，唔同口感嘅食材加起上嚟，真係攞滿分。

呢度必試嘅係牛骨蘿蔔湯，牛骨好入味，啲湯有鹹香，牛味濃郁，配上蘿蔔同一般配菜，帶有少許辛辣，飲一啖，頓時能暖一暖我的脾胃。

飲品可以話係包羅萬有，唔知係一般檸檬茶水咖啡奶茶果汁牛奶，而係有好多唔同品種嘅花茶、植物茶仲有非常特別嘅特飲，玉竹茶、粟米茶同橙汁菠蘿梳打都幾好飲！

以前有食開 見佢靚左又搬左去第二個鋪位 就黎試試 見到人流多左 個平左好多 食落仲要好好味😍😍 呢種性價比而家少有黎呢度必食嘅係芝士岩漿炒飯 lunch set 平好多 66蚊有交易 芝士非常拉絲 芝士味香濃飯入面仲包左幾足料嘅腩肉添🤤另外叫左個炸醬麪 好有韓國風味 而且比韓國食到嘅少左啲甜味 冇咁滯可以食到多啲就黎餓死嘅我地唔夠喉 當然要叫番半份韓國菜必食嘅炸雞啦 今次試佢新出嘅口味 烤芝士甜辣雞 感覺似泰式雞醬 甜甜酸酸 有啲辣咁 有crossover feel 惹味又熱辣辣 唔錯！另外值得一提係佢食餐跟飲品好平 平日正常一個餐跟一杯嘅飲 但今次天氣熱太口喝 再叫多杯梅汁 都係跟餐價 只係2蚊！！係良心店 😍 實在令人太驚喜啦 咁抵食 真心要番黎💞

唔覺意去荃灣行街一到就餓，梗係要消費顏色圈無得去旅行特別掛住食韓國嘢呢間小店feel，檯櫈都好韓😄👍🏻明明記得有影相😵舖面真係唔大，坐得逼逼地店員（？）係兩個叔叔，大聲咁播住韓文歌，感覺有趣一坐低就有兩個前菜👍🏻炸雞+炸醬麵同埋泡菜煎餅炸雞好似係甜辣，都幾辣下泡菜煎餅望落唔紅，都好香泡菜味同好足料貪心的我倆眼闊肚窄，又食到捧住個肚走✌🏻

🥘芝士岩漿炒飯..............$82好邪惡嘅芝士仲要拉絲熱辣辣 有得玩 又有得食炒飯偏濕帶微辣芝士控不妨試試.🥘泡菜豬肉芝士手卷.......$46食韓國菜必食Gimbap雖然未食到「韓國」嘅味道但都唔錯泡菜味比較重🥘炸雞球配魷魚圈蜜糖芥末醬雞球比較油膩 脂肪偏多魷魚圈炸得好香脆份量亦好多配埋芥末醬可將油腈嘅感覺中和🥘橙汁菠蘿梳打天氣好熱好口乾飲左一杯即刻爽曬好解渴!!!!!!!!!

由細鋪食到去大鋪，細鋪已經有幫襯，冇黎一排，原來已經搬左去大鋪，細鋪已經好多人排隊食，大鋪更加多人排隊等位。

餐廳好多座位，而且座位坐得舒服舒適。

芝士岩漿炒飯（$82）因為唔太食得辣，所以叫左走辣，但味道依然一樣好味，炒飯入面有五花肉，洋蔥，炒飯好香口，炒飯旁圍著蛋漿同芝士，好邪惡，而且仲有拉絲效果，將芝士、蛋漿，炒飯撈勻一齊食，芝士味非常濃郁，真心正。

蜂蜜牛油味炸雞（半份$108）去到韓國餐廳，炸雞一定必食。

炸雞有6件每件都大大件，粉漿厚薄適中，雞肉肉質唔乾身，入口一點都不油膩，外皮加上了蜂蜜牛油汁依然香脆。

蜜桃冰茶（$14）

韓閣餐單提供韓國菜, 韓式炸雞, 咪嘥嘢食店等推介美食位於荃灣區，餐廳座位數未知人均消費約$101-200，結賬可以用現金,八達通，Booking訂位可以電話致電 39568101 查詢。

您對於荃灣餐廳「韓閣」有何 comment？

韓閣餐廳詳細資料：

• 韓閣地址:
  荃灣青山公路275號富裕樓地下G4-6號舖
  Korean Loft Cafe, Shop G4-6, G/ F, Foo Yu Building,275 Castle Peak Road, Tsuen Wan
• 韓閣電話: 39568101
• 韓閣價錢: $101-200
• 分類: 韓國菜, 韓式炸雞, 咪嘥嘢食店
• 座位: 未知
• 付款: 現金,八達通
• FB專頁: 韓閣 Facebook

更多韓閣相關資料:

• 韓閣分店
• Youtube
• Facebook
• Twitter
• Google