雲吞麵食店 荃灣

雲吞麵食店 評價 相片

今日第二次去食, 第一次已經覺得好唔妥....點解碗麵個味咁似我2x年前美孚食個間車仔麵既? 再望一望個老闆娘...咁熟口面.....小弟嚴重怕羞...唔敢問, 食完就走...今日食晏完去, 今次見到老闆, 堅唔妥, 又咁面善.....食飽膽粗粗問下佢廿幾年前係唔係美孚做車仔麵, 點知真係佢.....佢仲話我已經唔係第一個認得出佢地講返野食, 我係車仔麵控, 車仔麵老手, 食左咁多間, 我只會推薦元朗合興, 深水埗文記, 石硤尾肥哥, 同埋呢一間合興同呢一間係一二之爭, 文記只係可以排佢地之後, 永年士多直頭係晒氣p.s. 千色米之蓮車仔麵....真係名過其實得太緊要....今日廿年後再食, 同老闆傾, 業主加租, 做到2月.....

雖然佢叫雲吞麵食店，但除左雲吞麵、魚旦粉外，佢仲會供應燒賣呀、車仔麵。

而雖則喺佢隔離有拎左米芝蓮嘅千色車仔麵，但我覺得呢間無論係味道、價錢，甚至服務方面都比千色好好多。

店面比較細，有5張4人檯，檯下有一層俾你放袋，唔駛擺地下。

揀食車仔麵嘅話，檯附近有點餐紙同筆俾你自己圈。

麵方面除咗基本嘅，仲有上海麵、日本拉麵，同埋可以加錢揀豬骨或味噌湯，幾特別。

餸菜選擇都幾多，豬呀牛嘅部位疑似列哂出黎，有啲特別到唔知係餸黎，好似柚皮🧐每樣餸都係$69，三餸麵會送一杯點餐紙列出嘅嘢飲，凍都唔駛加錢，雖然我都唔飲凍嘢😛跟餐可加$8配碟油菜，佢嘅油菜真係好好味👍🏻麵可以揀汁，推介佢嘅辣汁，好多蒜粒好惹味，如果唔食得辣，可以叫佢落少啲試下😋🙏餸方面，佢嘅蠔皇冬菇、魷魚都唔錯👍🏻👍🏻

每個星期做完 yoga, 經過此小店，都見到有柚皮食，所以先尼油菜加柚皮 😉正，已經好小人識整柚皮，回味無窮，好小年紀細識食柚皮，所以老板話唔整得唔多，賣晒就冇，另外仲有豬心豬潤夠新鮮正，牛筋夠林，粗麵夠爽👍

本來來呢邊係食千色車仔麵，但見到隔離新開左呢間舖， 就打算試下。

一入去，環境衛生不錯，雖然舖位細細，但坐位唔太迫。

感覺不錯👍🏽點餐紙揀餸揀麵㨂湯底，見到餸的選擇都幾多，都幾有心做， 可能因為做埋雲吞麵，所以有牛腩/雲吞/牛肉呢d 較特別的選擇， 仲要有有柚皮，真難得。

友人食呢碗， 豬腸👍🏽👍🏽， 豬腸最驚店家洗唔乾淨會臭，但呢間就無呢個問題， 而且都鹵得入味。

反而鹵汁無咩特別。

我就食呢碗米粉牛肉夠嫩；豬潤煮得剛最緊要係個辣汁， 夠辣，又唔死鹹成餐感覺良好。

係最尾，吃待應加辣汁時， 廚師👨‍🍳，應該係老闆，好似一面不悦咁， 其實成餐飯， 都聽到廚師老闆心情麻麻， 不斷話水吧（疑似老闆娘） 🤔🤔不過小店而言，品質不錯，選擇也多。

值得一試

呢間位於千色店旁邊嘅車仔麵，我間唔中都會幫襯一下，因為貪佢點車仔麵可以配上我至愛嘅凍奶茶，都係只需加三蚊 ， 如沒有太多要求， 包埋嘅凍豆漿亦都唔錯 ！呢度車仔麵餸選擇十分多，而且套餐價都係非常之經濟實惠！鮮牛肉份量十分多，味道亦唔錯！牛丸，十分細心，將佢切開一半，令到兩邊加熱十分平均，最怕食到啲牛丸出面熱裏面仲係凍！呢度最佳選擇係豬腸，除咗脂肪不算太多，而且清理得十分乾淨，入口味道很香濃， 車仔麵點少得叫豬腸！呢度嘅醬汁我提議選擇咖哩汁，十分惹味！

雲吞麵食店餐單提供港式, 粉麵, 米線, 小食店, 咪嘥嘢食店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「雲吞麵食店」有何 comment？

雲吞麵食店餐廳詳細資料：

• 雲吞麵食店地址:
  荃灣兆和街51號昌耀大廈地下4號舖
  雲吞麵食店, Shop4, G/ F, Cheong Yiu Mansion,51 Shiu Wo Street, Tsuen Wan
• 雲吞麵食店電話:  
• 雲吞麵食店價錢: $50以下
• 分類: 港式, 粉麵, 米線, 小食店, 咪嘥嘢食店
• 座位: 未知
• 付款: 現金
• FB專頁: 雲吞麵食店 Facebook

更多雲吞麵食店相關資料:

• 雲吞麵食店分店
• Youtube
• Facebook
• Twitter
• Google