雄記粉麵 荃灣
地址: 荃灣荃興徑17號C地下
最後更新:
雄記粉麵推介
光榮結業前點都要食多次，回味一下魚肉春卷雖然外型好樣衰，但最好味一刻係剛剛炸起，外脆內軟嗰時，不過好難遇到，因為你永遠唔知幾時剛剛炸起仲有舊牛筋味道非常濃郁，燜得勁淋好膠好正。可惜呢度特色係碗麵份量真係好細，雙拼的話牛筋得2粒，食完真係無乜感覺，好想叫多碗但又驚俾人笑大食，而且服務態度麻麻地，最好去到坐得即刻叫唔好諗食乜優勝之處係夠懷舊，港式風味難捨難忘，食咗N咁多年，始終都要光榮結業，希望後會有期。
荃灣雄記粉麵
| 餐廳分店 | 雄記粉麵 |
|---|---|
| 地區 | 荃灣 |
| 電話訂位 | 沒有電話提供 |
| 餐單 Menu | 港式, 粉麵, 米線 |
| 人氣指數 | 925 |
| 價錢幾錢 | $50以下 |
雄記粉麵訂位位於荃灣區，詳細地址是荃灣荃興徑17號C地下，餐廳寬敞座位數目共有未知幾多個。雄記粉麵幾錢？價錢優惠後人均消費大約$50以下埋單，早餐午餐晚餐雄記粉麵餐單包括有港式, 粉麵, 米線等美食，付款方式有現金付款。
雄記粉麵優惠
雄記粉麵 評價 相片
光榮結業前點都要食多次，回味一下魚肉春卷雖然外型好樣衰，但最好味一刻係剛剛炸起，外脆內軟嗰時，不過好難遇到，因為你永遠唔知幾時剛剛炸起仲有舊牛筋味道非常濃郁，燜得勁淋好膠好正。
可惜呢度特色係碗麵份量真係好細，雙拼的話牛筋得2粒，食完真係無乜感覺，好想叫多碗但又驚俾人笑大食，而且服務態度麻麻地，最好去到坐得即刻叫唔好諗食乜優勝之處係夠懷舊，港式風味難捨難忘，食咗N咁多年，始終都要光榮結業，希望後會有期。
今天是「雄記粉麵」營業的最後一天，雖然天氣不太好，天陰有毛毛細雨，但不減食客的熱情，舖頭內高朋滿座，各人都不理會政府的食肆人數要求，食客熱情地來到品嚐最後的雄記味道。
我沒有堂食只買了外賣，當然包括我喜愛的魚肉春卷，今日叫一個粉面只可以+1條魚肉春卷，有食客想多叫一條春卷但老板都婉拒了，一份食物只可以加一條春卷，因為要留給之後來捧場的食客享用。
熟客們都紛紛向老闆和老闆娘道別，這就是他們經營30年儲蓄下的人情味，這兒雖然沒有熱情的招待，但各人都守住自己的本份提供簡單美味的食品。
㊗️你們身體健康，好好享受退休生活，再見。
喺網上見到朋友發文話呢間屹立荃灣好多年嘅粉面店即將喺月底結業，算叫做喺荃灣長大嘅我，居然從來未食過，擇日不如撞日，放工拉住先生嚟「朝聖」一下。
去到已經被門口嘅「盛況」嚇親，睇嚟呢間麵店俘虜咗唔少荃灣街坊嘅心。
鋪頭屬於舊式麵店，店內座位數量唔算多，排隊等咗大概10分鐘左右，終於可以入座。
連餐牌都相當有歷史，聽聞以前係做普通嘅港式粉麵，近年先加入酸辣米線，而最出名嘅係自家製嘅魚肉春卷、墨丸、麻辣肚絲同鹹菜。
餐廳生意超旺，叫外賣嘅亦唔少，所以需要耐心等待。
先上枱嘅係油菜，我哋叫咗生菜，俾嘅係西生菜，油份夠，蠔油亦一啲都唔吝嗇，唔錯。
米線果然名不虛傳，湯底同一般出名嘅酸辣米線唔同，少咗常見嘅肉碎，望落較為清澈，但入口味道鮮濃，別樹一格。
平日食米線通常都係嗌雞絲、腩肉同豬軟骨之類，今次當然要試下佢最出名嘅肚絲同春卷。
平日食豬肚通常係粗切，而呢到嘅豬肚切得好幼細，而且非常入味，同酸辣湯底亦係絕配！自家製嘅魚肉春卷形狀似孖潤腸，咬落幾彈牙，而且味道鮮濃，個人認為比南記嘅更好食。
先生揀咗腩肉配春卷，腩肉偏瘦，好似石蔭雲南小鍋米線嘅名物腩肉咁，夠入味，而且肉質軟腍，非常有驚喜。
店家特製嘅蒜蓉辣醬幾惹味，但辣度好夠，只係食到小辣嘅話千祈唔好太自信，因為加少少已經好辣。
呢度嘅酸辣米線果然冇令人失望，如果早啲知道佢嘅存在就好，得返幾日就結業，實在係好可惜⋯⋯
真可惜，咁遲先至知道呢個美食😿最鍾意食小鍋米線嘅我，一食就愛上😻但可惜下個禮拜就已經要結業啦😿星期六日都唔使排隊，叫咗個小窩米線加春卷。
個春卷真係唔同南記嘅，好唔同，牛脷酥形狀，好有魚味，好香，大大件，好有口感！！！想一碗加多條春卷都唔得，或者外賣齋春卷都唔得，因為佢哋已經唔夠貨做唔切😿小窩米線小辣對我來講已經好辣，辣到出汗，好開胃，辣得來好好好味，啲肉碎同鹹菜味。
牛丸好彈牙。
仲有特別意外驚喜嘅就係炸魚皮！！！非常之新鮮爽脆！！！ 浸入湯仲會有沙沙聲，不得了，正！！！太可惜了咁遲先發現，琴日食完今日忍唔住再嗌外賣食，好可惜香港咁好嘅美食咁快就唔再做😿
荃灣從來都係米線激戰區，香車街老闆娘、唯一雲貴川、川味美食、雲家小鍋，多如天上繁星，仲要間間都出名。
當然人人都有自己嘅favorite list，不過從朋友L先生得知的雄記粉麵，原來係佢最愛，因他介紹吃過後，可以話係我暫時十分著迷之作。
你聽到雄記粉麵呢個名，可能完全諗唔起同米線有乜關係。
唔好理，如果你係米線嘅支持者，三月底前請來朝聖一下，絕對不會失望。
認識呢間餐廳嘅原因，就係因為佢三月會結業的消息。
結業應該同疫情無關，不過真係好可惜，特別當你吃完後覺得好好嘅話，更不捨得。
短短一個月來了兩次，就係好愛這𥚃米線的彈牙和煙韌感，掛湯又佳，而且個辣湯，好出色。
兩次都吃酸辣和酸菜麻辣大腸同肚絲米線，如愛大辣可以加，酸辣非常開胃，大腸和肚絲同樣都非常美味，二選一，我會選大腸，唔肥又好有口感，好此道必吃。
墨魚丸係呢度另一名作，和元朗嘉麗園有得比，墨魚味濃，而且彈性高，叫一碗剩丸吃，最滿足。
媽媽叫了雲呑來試，相對普通了一點，係小巧種類的雲呑，有散尾，多蝦少豬肉，看看這做法是不是你杯茶，不過一杯粉有六粒係佛心價。
當然一定要推介係呢度嘅名物，自家製的魚肉春卷。
勁大條的孖條，又粗又壯，口口咬落去都係魚肉 ，童叟無欺，就如打真軍，拳拳到肉。
最好的配搭係酸菜麻辣大腸加春卷，一碗墨魚丸，吃完兩次後，這是我最私心的選擇。
如果人多你又喜愛吃炸魚皮，即叫即炸的魚皮又是不可錯過，脆到不能自拔，一定愛上。
如果你吃不了那麼多，春卷和所有丸類都可以買番去自己煮，我上次便買了幾條春卷回家。
每次吃完都有心癮再食，同我一樣喜歡食米線的話，還有兩個星期便會光榮結業，要試，快手。
雄記粉麵 荃灣荃興徑17號C地下
雄記粉麵餐單提供港式, 粉麵, 米線等推介美食位於荃灣區，餐廳座位數未知人均消費約$50以下，結賬可以用現金。
您對於荃灣餐廳「雄記粉麵」有何 comment？
雄記粉麵餐廳詳細資料：
- 雄記粉麵地址: 荃灣荃興徑17號C地下 雄記粉麵, G/ F,17 C Tsuen Hing Path, Tsuen Wan
- 雄記粉麵電話:
- 雄記粉麵價錢: $50以下
- 分類: 港式, 粉麵, 米線
- 座位: 未知
- 付款: 現金
- FB專頁: 雄記粉麵 Facebook
更多雄記粉麵相關資料:
香港餐廳2026推介8月