雄記小食（大牌檔） 荃灣

雄記小食（大牌檔） 評價 相片

見架車污污漕漕, 就駛去聯仁街某某車房洗車. 洗車時發現呢間大排檔, 老闆話主打醉雞煲同羊腩煲. 女友喜歡吃雞, 二話不說就坐底o左..1. 醉雞煲 ($148) 杞子同櫰山等葯材味香, 花鵰酒味濃, 而且深入雞肉內層, 吃起來著實入味 . 雞肉不太肥, 老闆話每日由大陸冰鮮運到, 聽到冰鮮時心裡涼了一下, 但食落卻比本地活雞更有雞味, 結果在女友爭食底下, 20 分鐘食完一隻雞. 再用湯匙片走湯的雞油, 大大碗湯灌入喉嚨, 鮮甜~2. 鯪魚球 食完雞, 湯底唔好浪費, 用o黎打邊爐, 老闆話新開張, 未有太多配料, 只有鯪魚球, 鯪魚球由老闆手打, 肉質夠滑, 味道算中上.3. 餃子 豬肉餃子食得出係自家貨, 皮有質感, 豬肉餡內除了一陣蔥香之外, 仲有一陣不知明的香味, 令我有追餃子食o既衝動. 食完又唔記得問老闆... 下次要問個究竟...4. 藍妹兩大枝 無青島著實有少少遺憾, 粗粗地飲住藍妹...總括來說：下次洗車要再幫襯!

第一次去食醉雞煱, 已覺很好味, 雞好滑, 大隻有雞味,藥材湯底用瓦煲..滾住, 好入味...第二次再去食, 都覺得真係好有heart...老闆雖然喜歡傾計, 但非常細心, 食物講究,醬汁調解得很好味....可以預早打比老闆, 想要甚麼海鮮, 會當日即時買來打邊爐...仲有兩隻好乖的狗狗, 行來行去..

十二月中旬老闆是位吹水機，逢有客走跟他，他會善意又預設客人不介意的聽他分享他的生平事職，話說他出身酒店，又不知怎的逃出凡籠，一個人開心地頂下這個舖位，不做午市，只開晚市招呼街坊客，至於大白天的他，原來在旺角花園街街市日陞小菜打工幹活．．．以上是無心插柳而被迫聽下的資訊，其餘還有百分之九十九，無心裝載亦懶得去記。

大冷天的羊腩鍋，沒有下雙冬，只得腐乳什麼的去炆，用煤氣爐加大火燒亦嗅不著醬香，味道單純得可以，羊腩斬得七零八落，吃起來除了夠鬆外，卻炆得不夠入味，不著佳處，話說回頭，醬汁無味時，又何來入味可言？偶在傾著電話，未經當事人同意下，老弟接過一碟老闆自己都未試過的水餃，皮厚難吃，竟敢收$48？！真箇是間黑店。

另一味椒鹽魷魚，吃起來有著萬年油味，魷魚切細碎濕粗韌，還好他不稱作鮮魷，否則就更多的把柄來罵，再問他雞雜新鮮嗎？他說新鮮得很，放在雪櫃才不過三天，什麼？！？！三天的新鮮雞雜，你當客人是白癡嗎？！？！辣塊媽媽不開花，開花出了個零九頭號傳記人物，吃到無明火起，頭也不回地埋單去！

雄記小食（大牌檔）餐單提供港式, 粉麵, 米線, 大牌檔等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「雄記小食（大牌檔）」有何 comment？

雄記小食（大牌檔）餐廳詳細資料：

• 雄記小食（大牌檔）地址:
  荃灣聯仁街熟食小販市場
  雄記小食（大牌檔）, Luen Yan Street Cooked Food Hawker Bazaar, Tsuen Wan
• 雄記小食（大牌檔）電話:  
• 雄記小食（大牌檔）價錢: $50以下
• 分類: 港式, 粉麵, 米線, 大牌檔
• 座位: 未知
• 付款: 現金
• FB專頁: 雄記小食（大牌檔） Facebook

更多雄記小食（大牌檔）相關資料:

• 雄記小食（大牌檔）分店
• Youtube
• Facebook
• Twitter
• Google