金不換泰國餐廳 荃灣

金不換泰國餐廳 評價 相片

同同事食晏，入座無講過用餐時間45分鐘. 我地食到一半，侍應行過嚟話，粗聲粗氣講：「你地差唔多啦喎！」我地個刻先知有時限，無法，拿拿林食埋碟野飲埋杯野. 5分鐘後佢又行過嚟，收碟. 收還收，扯走埋客人張餐墊，放係上面既搓手液跌咗當無事發生. 只係一味聲大大重複：「呢啲唔要架啦嗎？」我地飲多啖野預備走，發現原來身後佢推左架執枱車「啤」住我地. 原來係咁嘅方式多謝光臨. 金不換荃灣店永遠Blacklist.

今天三人行來到荃灣廣場吃午餐，早前在尖沙咀海港城吃過貴價的金不換，今天決定來吃大碟夾抵食的金不換，同樣都是金不換價錢相差太遠了！三人都是叫了是日午餐:1. 炒金邊粉$60地道的炒金邊粉，有花生碎豆腐乾芽菜等，金邊粉帶一些甜味，呢個粉一般啦，唔太突出，但一個人食唔晒。

2. 原個菠蘿海鮮炒飯$62係用一個細小小嘅菠蘿類似台灣鳳梨咁上下大細盛載住，小小嘅菠蘿装到一個山咁滿，有蝦、鲜魷、蟹柳、提子乾同肉鬆，當然最多既梗係切左粒既菠蘿，吃這個菠蘿炒飯真的很滿足。

3. 肉碎煎蠔餅飯$62只看這個煎豪餅那麼大塊把所有米飯都蓋住，就知道是正貨，蠔仔不是太細份量也不少，蛋邊煎得很鬆脆點一些泰式魚露太有風味了。

每一份午餐還包一杯熱飲或冷飲，冷飲是不需要再另外加錢的，而且不用加一。

整個午餐份量我覺得非常足夠，所以午飯時間都坐無虛席，而且我們還有商場的coupon這個午餐勁抵食值得推介

係幾年前同屋企人食過呢間泰國菜係覺得好好食既 最有印象係原個菠蘿海鮮炒飯 事隔幾年 見咁耐冇食過泰國菜 今次又再約屋企人一齊去食 當日係假期紅日 晏晝3點前有lunch 4點後就開始係散點 咁我地就冇乜所謂 有冇set都唔緊要 岩食就可以了 當日大約晏晝4點去到 餐廳入面只有一枱 而我地係第二枱 後尾佢地都走埋 變左我地包左場 之後一路都冇客入過 可能係散叫 價錢都唔算平 冇乜人我地三個人叫左兩個主食 一個小食 一個甜品同一杯飲品 主食我地照舊叫左個原個菠蘿海鮮炒飯 佢係用原個菠蘿上 岩晒打卡 好令 入面係有一粒粒菠蘿 海鮮同埋炒飯 估唔到個份量都好大下 以為得好少 點知原來係好足料 海鮮有蟹柳 蝦 魷魚菠蘿同海鮮炒飯呢個配搭好好 好夾好好味 另外仲有啲肉鬆同腰果分開上俾你自己撈埋落去食 另一個主食係蛋網海鮮炒金邊粉 呢個一上到枱已經覺得佢好令 岩晒打卡 係有成個蛋網包住海鮮同金邊粉 個份量又係好大份 好足料 海鮮又係蝦 蜆 魷魚 蟹柳 金邊粉食落酸酸甜甜 令人感覺幾開胃 側邊仲會有啲花生碎俾你自己加埋落去食 加埋落金邊粉度食會更加好食 更香口小食叫左個燒豬頸肉 睇圖都見好大碟 唔係得個幾塊 個份量都真係好大下 有好多塊 開頭上面個幾塊食落真係麻麻地 太瘦食落好鞋身 係下面個堆會好啲 肥返小小 冇咁鞋身 同埋薄啲 好食啲 同埋佢係另外跟左個醬 個醬係好辣下 唔食得辣既真係唔好點會好啲 但舊豬頸肉唔點汁又真係會完全冇味甜品我地叫左個芒果糯米飯 佢有細size同大size開頭我地都唔識揀 驚唔夠食又驚太多 最後店員話我地知三個人揀個細既size已經夠 可能見我地已經叫左三樣野 揀細既應該夠 店員話細size係一個芒果 而大size係兩個芒果 芒果糯米飯一上枱係幾令 芒果食落都鮮甜 但個飯就麻麻地 同之前食過既感覺有啲唔同 感覺上冇咁好食 有啲失望飲品叫左杯芒果汁 味道正正常常 冇乜特別整體黎講 店員既服務係好好 好有禮貌 好滿意 食物都唔錯 幾好味

今晚又來金不換泰國餐廳食dinner,好彩有訂位，不過都要第一陣先有位，咁多人等位就知好食啦😋😋😋，大約等左20分鐘先有位，都算快👍🏻👍🏻，今日三個朋友食飯都叫左五樣嘢，有柚子沙律、小食拼盤、蒜子胡椒鮮魷、海鮮炒雜菜、胡椒炒蜆，飲埋芒果沙冰就一流。

我覺得柚子沙律就應該跟返個汁好啲，真係純柚子，乜配菜都無，但好好食，我地問佢攞個鳳爪汁，佢都好樂意比🥂👍🏻👍🏻，鮮魷我覺得油左油左啲，炒蜆係幾正，但細隻左啲yummy

係荃灣想食泰國野，係荃灣廣場揾到呢間，座位環境都好舒適。

而且員工服務都好好，留意返呢間係無得book位，只接受walkin呢。

菜式味道正常，不過每碟份量都好多，賣相唔錯，岩曬幾個人gathering食🔸蛋網海鮮炒金邊粉 (HK$168)蛋網煎煮得十分整齊，賣相好靚。

金邊份唔會過於油膩，酸酸甜甜，仲有大量花生增添口味。

海鮮配料就有蝦、蜆、蟹柳等。

🔸燒豬頸肉 (HK$158)豬頸肉薄切脆身， 仲有辣汁可以更惹味醒胃🔸海蝦刺身 (HK$120)海蝦size適中，咬落彈牙新鮮🔸青咖哩炒飯 (HK$110)可選雞/豬/牛，青咖哩味略淡，飯粒偏腍身，重口味的朋友可能不會太滿足。

【推介指數5⭐滿分】環境：⭐ ⭐ ⭐味道：⭐ ⭐ ⭐打卡：⭐ ⭐ ⭐服務：⭐ ⭐ ⭐⭐回頭率：⭐ ⭐ ⭐

金不換泰國餐廳餐單提供泰國菜等推介美食位於荃灣區，餐廳座位數100人均消費約$101-200，結賬可以用Visa,Master,現金,銀聯，Booking訂位可以電話致電 24111399 查詢。

您對於荃灣餐廳「金不換泰國餐廳」有何 comment？

金不換泰國餐廳餐廳詳細資料：

• 金不換泰國餐廳地址:
  荃灣大壩街4-30號荃灣廣場地庫B111-113號舖
  Sweet Basil Thai Cuisine, Shop B111-113, B/ F, Tsuen Wan Plaza,4-30 Tai Pa Street, Tsuen Wan
• 金不換泰國餐廳電話: 24111399
• 金不換泰國餐廳價錢: $101-200
• 分類: 泰國菜
• 座位: 100
• 付款: Visa,Master,現金,銀聯
• FB專頁: 金不換泰國餐廳 Facebook

更多金不換泰國餐廳相關資料:

• 金不換泰國餐廳分店
• Youtube
• Facebook
• Twitter
• Google