翠蓮素食 荃灣
地址: 荃灣眾安街81號地舖
最後更新:
翠蓮素食推介
最近睇左套YouTube ,見到有介紹一間素食自助餐，我見好似幾多野食及幾好味，咁我當然要去試試啦！我地食2點左右，今日是星期五，但個場都已經坐滿9成，估唔到咁多人食睇睇任食餐單先中午連埋茶錢$84，都有好多野食，其實仲有張點心紙，但我忘記左影相，我哋叫咗齋滷味，咕嚕肉，蜜瓜奶，酸辣湯，雞絲生翅，炸饅頭，素先班，全都係高質野，難怪咁多客啦飲品方面，有茶及豆漿，正，食物值得推介，至於服務方面，全都是老一輩，睇之前食評，好多都話惡劣，但係今次比我嘅體驗就係明顯有改善，當然冇高級餐廳嗰啲咁好啦，但係老一輩來講都算唔錯啦，建議大家去試吓
荃灣翠蓮素食
| 餐廳分店 | 翠蓮素食 |
|---|---|
| 地區 | 荃灣 |
| 電話訂位 | 23516888 |
| 餐單 Menu | 粵菜, 廣東, 素食, 自助餐, 點心 |
| 人氣指數 | 835 |
| 價錢幾錢 | $51-100 |
翠蓮素食訂位位於荃灣區，詳細地址是荃灣眾安街81號地舖，餐廳寬敞座位數目共有未知幾多個。翠蓮素食幾錢？價錢優惠後人均消費大約$51-100埋單，早餐午餐晚餐翠蓮素食餐單包括有粵菜, 廣東, 素食, 自助餐, 點心等美食，付款方式有現金付款，Booking網上訂位可以電話致電 23516888 查詢訂座。
翠蓮素食優惠
翠蓮素食 評價 相片
最近睇左套YouTube ,見到有介紹一間素食自助餐，我見好似幾多野食及幾好味，咁我當然要去試試啦！我地食2點左右，今日是星期五，但個場都已經坐滿9成，估唔到咁多人食睇睇任食餐單先中午連埋茶錢$84，都有好多野食，其實仲有張點心紙，但我忘記左影相，我哋叫咗齋滷味，咕嚕肉，蜜瓜奶，酸辣湯，雞絲生翅，炸饅頭，素先班，全都係高質野，難怪咁多客啦飲品方面，有茶及豆漿，正，食物值得推介，至於服務方面，全都是老一輩，睇之前食評，好多都話惡劣，但係今次比我嘅體驗就係明顯有改善，當然冇高級餐廳嗰啲咁好啦，但係老一輩來講都算唔錯啦，建議大家去試吓
喺寶蓮素食未執之前我都成日來食同買外賣，以前係又平又好食，執咗之後一年先知原址開返間相類似的餐廳，話係原本的股東在原址重開喎，點知Ｄ價錢貴咗好多不特止，Ｄ食物份量又縮晒水，咁都算啦，有時真係想食返多少齋我間中係會買吓佢Ｄ發糕，２年前舊鋪只係賣＄６一個，但最近真係好嬲好嬲，過年買過一次係＄１２，心諗過年貴Ｄ係正常，諗住佢會同上年一樣過埋年會減返，佢伙計都話過年賣貴Ｄ，點知再去買多次都仲係咁買，都仲係成＄１２個，你個飽無料又比以前縮水好多又細左都賣成＄１２，唔好去搶
嘩！好耐冇去過啲餐廳既菠蘿焗飯係原個菠蘿上！可惜食唔晒，咁啱自己有帶袋，決定成個打包走，唔好浪費食物丫嘛！隔左陣職員姐姐A行過，見到碟上成個菠蘿唔見咗，姐姐A：「個菠蘿唔可以帶走架！」，姐姐B：「（個菠蘿帶走）要收錢架喎！」，男職員：「從來未聽過有人帶走個菠蘿！」，最後又聽到某姐姐話：「由佢啦，今次比佢帶走…」，其實一路食飯，個菠蘿已經沾滿小弟嘅口水，我覺得個菠蘿彷彿係我條女，已經係屬於我既。
加上個飯成 $80，加埋一即 $88，大拿拿 $88，比左錢點解唔可以打包走／加錢先可以帶走？再者，餐單上面又冇寫明原個菠蘿炒飯打包走要加錢／唔比帶個菠蘿走，係咪？！況且我又唔係拎埋隻碟走，另外，諗住成個菠蘿連飯拎走，咁就唔使用隻匙羹仔慢慢畢啲飯落袋（好浪費時間），坐太耐又怕阻人做生意丫嘛！我真係唔明點解個沾滿我口水既菠蘿唔可以拎走／加錢先可以拎走，唔通佢地發現我啲口水可以做燕窩？不過，最後佢地都係比我拎走個菠蘿，仲冇加收我錢添呀！真係大發慈悲，阿彌陀佛！好滾動哦！我呢，下次一定會叫多啲朋友去幫襯原個菠蘿焗飯，一人叫一個，然後一齊打包走！最後，補充少少，啲芋角、咸水角凍既，我好相信熱既時候幾好味，但凍左既味道真係不敢恭為，好彩只係叫兩碟點心…我好大方，會比改善機會人地，下次各方面都有改善既話，我一定比正評！
話說朋友的媽媽一直好想食‘寶蓮’的素鴨同想試下這裡的齋菜，但我和朋友之前已食過‘寶蓮’，都已覺得不太特別及好食。
見Auntie 咁想食就帶她去一次，點知上網搵下先知原來執咗，變咗家族分家嘅「翠蓮」。
見都有素鴨食就算啦，照帶Auntie 去。
一行三人差不多行到門口見咁多人，心諗唔係嘛轉咗名好食咗咩？？行到門口先知原來啲人係買門口啲齋小食。
😓咁好啦，直接推門進入，一個黑面著便服嘅女人大聲問幾多位，朋友答三位，黑面女人回應直入啦，咁我地就一路入經過類似行仔廚房廁所嘅地方入到去坐低。
朋友打開餐牌研究時，就同Auntie 說好似有自助餐齋食，但搵唔到餐牌有寫，心諗可能轉咗名冇，就嘗試問下侍應有冇啦。
叫了部長來問一下「唔該有冇自助餐呀？」，個部長好大聲一句飛埋黎答：「今日初一呀⋯⋯」就走咗。
我地不是拜佛何來會知道今天是初幾呢？？？你有必要用這種態度回答嗎？？？😡咁我地就慢慢睇餐牌食咩，另一侍應走埋黎大聲問食咩？我地只想到兩樣餸同要叫碟齋鴨，我地話畀碟芋頭魚呀，佢又一句大聲飛埋黎，「講Number 呀！！」大佬呀鬼知道落單要講Number 呀？你有必要咁嘅態度嗎？落完三樣菜，我地話再睇睇餐牌一陣先再叫，侍應即黑面轉身走。
隔一陣我地再叫侍應埋黎落單，佢啲態度已唔多想應咁。
上菜：第一味Auntie 最想食嘅齋鴨上枱了，睇賣相已覺麻麻，食落口時，成口都係油。
睇見Auntie個失望樣。
第二味芋頭魚，冇乜味道，冇驚喜。
第三味法蒲卷，水汪汪爛爛地，難食。
第四味粟米粥，冇特別。
最後係竹苼靈枝菇湯麵，麵好大陣鹼水味，啲湯都好鹼水，配料咸咸地，只能講哩窩麵係最有味嘅⋯鹼水味加味精味。
為咗免浪費食物，我地慢慢食哂啲餸。
終於食完。
在Auntie去了洗手間時，部長就埋黎說，你地係咪去埋廁所走嫁啦，我地話係，佢嗱嗱聲拎走張單話，咁你地埋單啦。
隨後轉身向坐了喺我地後面張大枱嘅三位客人講，你地轉哩張枱啦。
跟住另一侍應即時走過黎執哂我地枱面啲野，想飲多啖水都唔得。
總結就係食咗餐一肚氣又難食嘅素菜，以後都不會再光顧。
😤
同屋企人family day去左荃灣搵野食 見到齋舖就貢左入去一坐底 見到有個menu寫任飲任食自選餐？仲要唔貴 問清楚個staff之後仲要發現佢$88除左可以叫哩個餐牌上既野？仲有張點心紙都係任嗌真係太抵食了吧因為佢碟碟都係即叫即炒 所以d野上到枱都仲熱辣辣 唔似d素食自助餐 只係用個熱水keep住助熱d野不得不讚佢個五柳素仙斑真係炸得酥脆又熱辣辣 沾埋個酸汁減低d個油膩感一個人食一碟都唔係大問題🤣除左芋頭魚 香椿素肉炒飯都大推好香香椿味 炒得又夠火侯 好好食😋😋😋而佢個錦鹵雲呑個人唔太推薦 一黎上枱時唔係熱的 二黎佢似外淋內硬似冇糖既蛋散🤨認真麻麻地而佢個酸辣湯 都麻麻地 因為我地都叫左個雞絲生翅 冇乜特別 但酸辣湯係似喺個翅做底再加一pat豆瓣醬搞匀😂又咸 經過喉辣會辣 好奇怪😂唔係我認知既酸辣湯小菜冇試好多 試過既當中冇乜太特別的了而點心都不過不失既 一d都唔hea $88+1食咁多唔同種類既齋真心抵呀
翠蓮素食餐單提供粵菜, 廣東, 素食, 自助餐, 點心等推介美食位於荃灣區，餐廳座位數未知人均消費約$51-100，結賬可以用現金，Booking訂位可以電話致電 23516888 查詢。
您對於荃灣餐廳「翠蓮素食」有何 comment？
翠蓮素食餐廳詳細資料：
- 翠蓮素食地址: 荃灣眾安街81號地舖 Tsui Lin Vegetarian, G/ F,81 Chung On Street, Tsuen Wan
- 翠蓮素食電話: 23516888
- 翠蓮素食價錢: $51-100
- 分類: 粵菜, 廣東, 素食, 自助餐, 點心
- 座位: 未知
- 付款: 現金
- FB專頁: 翠蓮素食 Facebook
更多翠蓮素食相關資料:
香港餐廳2026推介8月