紫荊海鮮酒家 荃灣

紫荊海鮮酒家 評價 相片

同三五知己去打邊爐, 可以打到一肚氣食物是任叫的, 不單止錯晒單, 而且食物質素有問題, 好難理解為何在貢丸內又魚骨同沙, 食物是放在一大碟上, 有魚, 有枝竹, 有羅白,有栗米, 有豬腸, ... 放在一碟的, 如果X感染就不得了了最差是跟我們枱服務員的服務態度, 十分差, 你可以見取流水上枱時, 罐底向上放在枱上嗎, 呢位服務員就可以做得出當你淥緊時食物時, 在沒有向你發出任何警告下, 同你加水, 呢位服務員就可以做得出

2008年12月14日(星期日)，約o左班朋友仔，想出來打邊邊。

我地住上葵涌，諗住求祈石蔭啦，點知間間酒樓都話「火鍋暫停」。

但係又想任食火鍋，所特登坐車出荃灣。

去o左一間位於鱟地坊的酒樓，好旺場，要等6張檯。

等唔到咁耐啦，唯有唔係幾願意地o黎到呢間上次感覺都麻麻的紫荊海鮮酒家。

我地晚上8:15去到($88時段)，見到8:30後入座$78。

不過是但啦，都想快o的食，蝕三個字$10俾佢都照坐啦。

寫紙仔，俾職員。

谷氣事發生喇︰我地點o左十幾樣火鍋料，只係o黎o左89樣左右。

算啦，唔夠再落啦。

反正任食，都預o左o的阿姐求祈亂咁執。

有食物，但未有湯底，我地唯有坐o係度等。

我地等到8:40，仲未有湯底，問阿姐，阿姐話去跟番。

成五分鐘都冇動靜，又叫另一個阿姐，佢又行開o左。

我開始勞氣喇，叫o左部長姐姐o黎，唔滿意咁講︰「我地8點3入o黎，宜家都8點9喇，又收我地8:30前入座的價錢，都唔係幾公道喎。

等個煲等成半粒鐘都冇。

係咪應該當我地8:30入座會公道o的？」個部長淨係識講︰「唔好意思，我地跟番落單時間」。

o徒氣啦，最後都係要叫經理o黎，佢同我地落過另一張單，係8:42入座。

再過多5分鐘，經理親自拎個煲出來，終於有湯底o黎喇。

經理話加o左玫瑰露，香o的。

真係呀，等個煲，等成7個字，餓親o的客o架嘛!! 好啦，谷完氣，食o野囉喎。

之前張單，冇o黎的東西，我又再劃一次。

我又係劃o左十幾樣啦，今次仲衰，得o黎o左45樣敷衍我地。

咁好快，我地再劃多張，決定每張紙只係劃五樣，咁咪o黎o左3樣。

總之就冇一次落齊單啦，我地四個大男人，驚死我地食唔晒，o徒你o野咩!? 唯有係咁再劃、再劃囉。

我地講笑話︰「可能要一張紙劃一樣o野，o的阿姐先唔會執漏。

」講番o的食物質素，一般啦。

o的魚皮，有o的林林地。

o的蝦，口感好怪，好似刺身咁口感。

不過，一般酒樓打邊爐，唔會預期係稻香、小肥羊呢o的質素啦。

埋單，四個人$409.5，假日，價錢算係咁啦。

呢間酒家，大就真係幾大喇，環境都算乾淨，不過人就真係唔太多囉。

點解？睇我上面一肚氣，都知點解唔會旺場啦。

可以揀，都唔好再o黎呢度打邊爐喇。

講到假日要去荃灣飲茶 , 如果要求不大而只想喝一口茶而消磨時間的話 , 我覺得這間酒樓不錯 , 因為我試過很多次都唔需要等太久 , 五至二十分鐘一定有位 , 可能地方偏少少而又地方較大吧 ! 相反過一條街娛樂上面的酒家就要等最少半小時以上了。

講番這間酒樓 , 最特別之處就係有泰式檔位 , 同埋有印度薄餅 !一般酒家就一定找不到 , 我估他們原身想以各式地方美食 (像自助餐一樣) 提供 。

第一次去會感覺幾新鮮 , 不過多去了又會無咩特別 。

整體來說 , 你要的點心除了可以劃咭外 (懶的做法) , 你需要的點心基本上都可以係出面的點心檔找到 (好處就是心急 , 肚餓 , 同埋可以自選邊碟) , 所以你都唔好話唔特色啊 ! 服務就一般啦 , 可能侍應不太夠人數 , 有時叫幾聲先做 , 由其是係房入面 ...... 都係果句 , 半自助式喝茶就是這間酒樓的文化 .... 呵呵 !

紫荊海鮮酒家餐單提供港式, 點心, 酒樓等推介美食位於荃灣區，餐廳座位數未知人均消費約$0，結賬可以用現金。

您對於荃灣餐廳「紫荊海鮮酒家」有何 comment？

紫荊海鮮酒家餐廳詳細資料：

• 紫荊海鮮酒家地址:
  荃灣川龍街協和廣場
  紫荊海鮮酒家,  
• 紫荊海鮮酒家電話:  
• 紫荊海鮮酒家價錢: $0
• 分類: 港式, 點心, 酒樓
• 座位: 未知
• 付款: 現金
• FB專頁: 紫荊海鮮酒家 Facebook

更多紫荊海鮮酒家相關資料:

• 紫荊海鮮酒家分店
• Youtube
• Facebook
• Twitter
• Google