發財車仔麵 荃灣

發財車仔麵 評價 相片

早兩日去荃灣南豐中心血拼完一輪，忽然間想起轉角地舖有一間車仔麵，心思思過去幫襯一下，幸好今天並非賽馬日，少了一班馬迷， 店内並不是太多人！我個人十分喜歡車仔麵，因為選擇較多，每次都可以有不同的配搭 ，這間店舖，畀我感覺十分乾淨企理，而且服務員仲好主動推介我秘製辣醬一定要試試，我點了幾個餸，味道算唔錯！店員果然沒有介紹錯 ，那個秘製辣醬是精華所在，嚴格上不算太辣，但裏面嘅辣度很複雜，總之就可以帶出車仔麵不同種菜的味道。

$8個餸份量好不足🤤幸好ok,如果選擇辣，會有一「乍」類似薑加辣淑碎既溶，撞開落湯就會辣。

麵底勁小，小到一個點，仲有有一次竟然d米線係未煮好，一條條硬嫁😡飲品都要$8呀通常食車仔麵都吾會食丸果d嫁啦，食豬手，牛腩，豬皮，希望呢間車仔麵$8足料小小，試想像：麵底$8，食車仔麵起碼3個餸，$8 x 3 ,飲埋野 ，又$8， 埋單即係$40哥囉播！禁呢度既客源就會過曬路德圍嫁啦

今日天氣悶熱到飛起，係荃灣血併後突然好肚餓要揾地方醫下肚，稍稍休息一會再繼續血併一坐底好在夠冷氣，再望下點張車仔紙，樣樣餸都$8 好易計數，最低消費為$32都好合理，但作為一個貪心既為食妹，就點了四個餸配粗麵凍菜蜜夠晒冰凍，菜蜜濃度剛好，不會過甜而值得一讚是夠晒冰凍，在呢個天氣一定要加分還有原來呢度既辣醬係自家製，點了一下來試味道有別一般辣醬，而且是辛辣，大愛辣的朋友必試牛柏葉特別爽口彈牙，跟外間的一般牛柏葉不一樣，豬手好夠味同入口即化，豬皮亦都是爽口，跟平時食開一patpat質感好不一樣，亦都夠咖哩味，豬血口感也不錯，粗麵亦煮得特別爽口總括來說十分滿意和滿足，是一家用心經營且食材用料亦十分新鮮，下次會再來

以前車仔麵被俗稱為嗱渣麵，皆因一格格餸撈到亂哂籠。

時移世易，呢家個人對衛生嘅要求已經大大提高，食物衛生環境更加係重中之重。

如果你係注重衛生，呢間發財車仔麵就一定合乎你要求，環境整潔，令人食得放心。

除此之外，食物質素同樣令人滿意，清湯再加上特別秘制嘅沙嗲醬，混合埋之後成為絕配，一定要嘗試。

配料有炆得入味非常嘅牛腩牛根，比起部份店鋪只係滾熟後再放汁完全不同。

雖然只係車仔麵配餸，但係呢度食得出牛根腩係經過長時間炆煮，一啲都唔馬虎，所以非常入味。

其他配铰如豬腸、豬手、豬皮等常見配餸亦交足功課。

想食一碗乾淨又好味嘅車仔麵呢度絕對俾到你。

食品之外，呢度嘅奶茶、咖啡又大杯又好飲，只係加多一個餸嘅錢就有，絕對超值。

講開價錢，呢度每款麵底同餸都係8蚊，加冷熱飲品又係8蚊，一個三餸麵加飲品都係40蚊，又有整潔環境，絕對物有所值。

特制沙嗲醬，味道濃厚，混入湯裡面，令湯底變得更美味。

牛腩牛根非常入味，加上惹味嘅豬手更正。

可以選擇不同辣度，喜歡辛辣不妨試試大辣再加埋香辣魚蛋就堅。

其他食品亦有水準，丸類，腸類等都不妨一試。

豬大腸係車仔麵更加係不可缺少嘅食材，乾淨清潔基本要求冇問題，煮得入味亦需時間，這裡都做得到。

除食品外，奶茶咖啡等飲品亦屬高水準，茶味香濃，配合埋車仔麵，冇得頂。

師父對食物品質有要求，唔會馬虎。

環境衛生整潔，食得放心。

價錢相宜，抵食！一定要試。

發財車仔麵餐單提供港式, 車仔麵等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 28858668 查詢。

您對於荃灣餐廳「發財車仔麵」有何 comment？

發財車仔麵餐廳詳細資料：

• 發財車仔麵地址:
  荃灣青山公路340號荃錦中心地下C舖
  發財車仔麵, Shop C, G/ F, Tsuen Kam Centre,340 Castle Peak Road, Tsuen Wan
• 發財車仔麵電話: 28858668
• 發財車仔麵價錢: $50以下
• 分類: 港式, 車仔麵
• 座位: 未知
• 付款: 現金
• FB專頁: 發財車仔麵 Facebook

更多發財車仔麵相關資料:

• 發財車仔麵分店
• Youtube
• Facebook
• Twitter
• Google