爭鮮外帶壽司 荃灣

爭鮮外帶壽司 評價 相片

隔咗個月，爭鮮再推粒裝壽司兩蚊件，指定店舖有少許變動，亦唔玩連續幾日，七月期間逢星期一，一個禮拜一次，梗就唔厭啦！上次有報導影響，大部分回應都話唔會食，又真係間間都唔洗排隊。

雖然又前新店開幕已做過依個優惠，但多間同時做，已經事隔一個月，講真天氣真係比當時更惡劣，但人類是善忘的，又開始排隊了！款式充足，職員身經百戰，俾錢條龍再長都只係排咗幾分鐘就攪掂，有新野出仲可以一路排，一路照攞。

質素同之前一樣，依個價相同日後亦唔會有改善，都係過句，身體健康先好食！明知有啲唔舒服，生冷野都暫時唔好食，最多未等下禮拜。

今個月迴轉都有做優惠，指定分店係平日星期一至四，買九減一，但火力差太遠了！今個夏日零售寒冬，優惠就是要給力。

位於荃灣嘅尼間爭鮮外帶壽司🍣經常都好多人幫襯，原因只有一個，就係又平又好味佢d壽司米軟硬適中，醋嘅分量亦剛好，而且價錢仲好親民，抵佢好生意嘅！多款壽司選擇，有件裝，盒裝，另外有魚生飯，小食，手卷，仲有飲料同甜品，包羅萬有而我今日嘅選擇係蟹柳魚鬆脆卷同烤雞飯糰🍙兩款手卷嘅紫菜同飯係分開嘅，確保紫菜可以保持脆身，食嘅時候先自己包上，非常簡單容易本人特別推薦大家試下蟹柳魚鬆脆卷，飯卷比較幼身，配上蟹柳嘅咸同魚鬆嘅甜，再加上沙律醬，一啖咬落去味道好有層次而烤雞手卷就比較粗身嘅，裹面有沾滿燒汁嘅烤雞同清爽嘅青瓜，口味清新兩個手卷食飽飽都只係21蚊，經濟實惠

佔盡地利優勢，一出地鐵站，人流眾多，勝在方便，趕時間上班族的一個好選擇，往往大排長龍店舖細細，亦算多選擇，壽司、刺身、丼飯，飲品應有盡有，明碼標價，今天正正因爲趕時間，自己亦決定幫襯下外賣店員用熟練的手法高速完成付款及包裝程序，整個過程可以話無任何溝通，說真的亦沒有溝通的必要我選擇了六件帶子壽司🍣，承惠32元，配上醤油和 wasabi各兩包，分量是按比例配給的作為快食實在是方便之極，但味道不能有太大期望，中規中矩吧飯團的質感比較鬆散，慶幸的是味道還可以，始終一分錢一分貨！

下午經過見有啲肚餓就買左盒花之戀食下當係下午茶，平時有有時都會上去食下佢個回轉壽司，因為真係幾抵，8蚊兩件，雖然質素係一般，但以咁嘅價錢，又想過下引食壽司，都可以接受，個花之戀都係平時水準，正正常常，三文魚幾好。

爭鮮精緻戀$48有三款花之戀，普通個隻就冇咩特別，我好鍾情佢既沙律醬！甜甜既一啲都唔酸。

蝦呢就唔會好新嫁啦不過不失！但個海膽真係有啲臭。

不過呢個價錢算唔差。

但個人下次會買淨普通花之戀。

三文魚鮮蝦盛$36三文魚不嬲都唔差！ 只能說爭鮮真係好抵食，味道又唔太差！

爭鮮外帶壽司餐單提供日本菜, 壽司, 刺身, 外賣店等推介美食位於荃灣區，餐廳座位數未知人均消費約$50以下，結賬可以用現金,八達通，Booking訂位可以電話致電 24984528 查詢。

您對於荃灣餐廳「爭鮮外帶壽司」有何 comment？

爭鮮外帶壽司餐廳詳細資料：

• 爭鮮外帶壽司地址:
  荃灣青山道210號富華中心1樓3A-3B號舖
  Sushi Take-Out, Shop3 A-3 B,1/ F, Fou Wah Centre,210 Castle Peak Road, Tsuen Wan
• 爭鮮外帶壽司電話: 24984528
• 爭鮮外帶壽司價錢: $50以下
• 分類: 日本菜, 壽司, 刺身, 外賣店
• 座位: 未知
• 付款: 現金,八達通
• FB專頁: 爭鮮外帶壽司 Facebook

更多爭鮮外帶壽司相關資料:

• 爭鮮外帶壽司分店
• Youtube
• Facebook
• Twitter
• Google