燒皇燒烤專門店 荃灣

燒皇燒烤專門店 評價 相片

當屋企附近串燒食到厭之制，係時候沖出路德圍覓食，早前同事食過一次，今次輪到我體驗一下，睇佢哋個menu,種類很多，啱晒我呢D吃貨，今次專攻海鮮燒烤類，值得一讚，佢哋連只order 一隻，也照做，咁樣可以多叫幾種嘢食，海鮮樣樣都大大件，味道唔錯，值得再去

呢間串燒店每次經過都聞到好香嘅燒烤味 不論係晚餐定係宵夜 都非常推薦 麻辣雞煲（半隻）一上菜 係一個好大嘅煲 裝住唔夠一半嘅雞 份量比想像中少 可能因為啲雞切得比較大件 不過個雞煲醬非常好味！啲雞完全吸收晒啲醬汁 而且佢嘅辣度 同麻度都可以自己簡 另外叫咗個烏冬 撈埋啲汁 重口味人士必試 ❤️串燒方面叫左蜜糖燒蟹子丸 金菇肥牛 司華力腸 燒娃娃菜全部都非常惹味 好鍾意佢哋嘅燒蟹子丸 外面脆脆地入邊又有爆汁嘅效果 娃娃菜亦都唔會過咸 但份量真係少左啲 食到少少炭燒嘅味道 金菇肥牛同司華力腸就比較普通💙芝士牛油焗金菇呢個係我最鍾意嘅燒烤！芝士一啲都唔吝嗇 除左拉到絲 亦都食到好濃芝士味 配埋金菇簡直一流 不過當晚好似整得比平時咸 💚金銀蒜燒貴妃蚌重蒜之選 上邊仲有啲蔥同辣椒 貴妃蚌亦都好入味 非常新鮮 爽口 💚值得一提的是 店員都好細心 會一直幫我哋注意雞煲嘅火力 間中亦都會幫我哋翻下 不過呢間舖全部都係用發泡膠 感覺好浪費 雖然無影響食物味道 佢哋希望可以改善下啦

雞煲就食過好多間，不過呢間暫時覺得最好食既鋪頭，我今次叫酸菜雞煲小辣，又酸又辣十分開胃，炒米粉係必叫，惹味十足，岩曬我口味，下次再試埋炒烏冬！串燒係我最愛，今次叫左韮菜，雞腎，翠肉瓜，雞軟骨，今次試埋燒海鮮，兩款海鮮聖子和生蠔，燒豬頸肉🍖都好鬼好食，燒得岩岩好好juice，唔會好乾，正👍👍👍同朋友一邊吹水一邊飲啤酒🍻環境好乾淨坐得又舒服😀地點好方便，落車行幾步就到，員工十分有善，好有禮貌♥值得回頭再食

老闆比較親切，配合到客人嘅需要，例如比到適當嘅位置，有室外同室內選擇，食物同飲品種類選擇多，適合不同人士Gathering,員工態度都好好，至於食物方便,佢哋嘅串燒好夠味道，越食越上癮，尤其是茄子一流，我本人鍾意食韭菜，分量十足，真材實料，仲有雞煲選擇，仲有燒海鮮，不得不食，加啲啤酒送，真係同一班朋友玩，最輕鬆最開心，價錢都不算太貴，去到荃灣多一個選擇，交通都方便，近地鐵同巴士站，大家可以值得一試☺️

鐘意食燒烤嘅我 逢襯聚會都會首選食呢間 D串燒都幾有風味 雖然環境麻麻哋 不過價錢都算OK平時同fd食開 今日屋企人突然間話好耐冇食過燒烤 就收工順便買返屋企俾屋企人嘗試下估唔到屋企人都幾滿意D嘢食 係咁稱讚炒米粉睇落去好似好普通咁 不過食落去都幾好味 有大排檔嘅風味茄子 油咗少少 不過夠香豆腐乾 夠脆 都幾好食四季豆 秋葵 味道幾好 細佬仔都鐘意食牛利 乾咗少少 不夠接受到 牛粒睇落去好似乾咗D 不過食落去都OK唔覺得乾炒蜆 夠辣有鮮味芝士焗金菇 啱曬細佬仔食燒菠蘿 夠甜 正

燒皇燒烤專門店餐單提供港式, 串燒, 雞煲, 中菜館等推介美食位於荃灣區，餐廳座位數42人均消費約$101-200，結賬可以用現金，Booking訂位可以電話致電 26030777 查詢。

您對於荃灣餐廳「燒皇燒烤專門店」有何 comment？

燒皇燒烤專門店餐廳詳細資料：

• 燒皇燒烤專門店地址:
  荃灣鱟地坊87號華成樓B座地下A1舖
  Fire King BBQ and Spicy, Shop A1, G/ F, Block B,87 Wah Sing Building, Hau Tei Square, Tsuen Wan
• 燒皇燒烤專門店電話: 26030777
• 燒皇燒烤專門店價錢: $101-200
• 分類: 港式, 串燒, 雞煲, 中菜館
• 座位: 42
• 付款: 現金
• FB專頁: 燒皇燒烤專門店 Facebook

更多燒皇燒烤專門店相關資料:

• 燒皇燒烤專門店分店
• Youtube
• Facebook
• Twitter
• Google