炑八韓烤 荃灣

炑八韓烤 評價 相片

一直都好鍾意食韓國食物，最近去荃灣食飯第一次食呢間，原來係連鎖店，但食物出品真係得！一入到去店員已經會拎泡菜、蛋同芝士粟米過黎。

爐邊一邊係放粟米芝士，另一邊則係先放泡菜再加蛋漿，好吸引！連同其他前菜無限添加，真係就嘎咁都飽。

呢家有promotion叫滿$500就可以以$1加購限定菜式，好抵！醬油蟹一隻包一碗蟹膏飯，就咁食已經好正。

醬油蟹新鮮鮮甜，有保證！另外叫了兩個肉，牛五花性價比高，抵食。

牛肋骨近骨位置多筋，但調味用肉質一流！最抵係$1加個海鮮pancake，食唔曬第二日煎返佢仲脆仲好味！

我是經open rice訂位，但去到表示用open rice留了位，那服務員態度差爆，完全沒有反應，入座時要求坐卡位，即黑面話冇啦呢度你坐就坐啦，想落單就越叫越走，叫了燒烤套餐，未上菜已開勁大火鐵板，弄致等待時勁熱，套餐肉份量很少，這疫情下也外出用膳，怎知得到如此服務態度，以後也不會再幫襯

香港食韓燒愈黎愈高質，依間暫時係我覺得最出色嘅一間！首先入到去覺得環境幾好，因為坐得好舒服而且枱與枱之間唔會太近，有番啲私隱，傾計岩哂。

餐都未點店員已經為我地準備泡菜蛋同芝士粟米！仲要係無限fill架！老實講淨係依樣都好加分，因為兩樣都好好食，勁夾。

今次見有個韓牛set幾吸引，包左牛胸腹,貝身肉, 蔥蒜牛五花, 牛舌, 牛肋骨仲配埋醬油炸雞年糕, 牛骨清湯，一見到咁多可以試咁多野都懶得再諗，一於就揀依個。

個湯係勁足料！有三大舊牛骨，有淡淡嘅牛香味，幾正！醬油炸雞年糕同我想像嘅有啲唔同，原來係辣嘅，但個雞幾惹味，年糕都好入味，仲有啲薯條係底，勁豐富主角終於黎！！啲牛勁新鮮，而且試到咁多款好爽。

最好食嘅係平時單點唔會識叫嘅牛胸腹同貝身肉，啲肉係滑勁多，又好juicy夾埋生菜食岩岩好！野飲方面叫左個椰子同蜜桃味嘅雞尾酒，最得意係佢會有個摩天輪咁放左十二杯係到！一上真係嚇親，都幾狀觀。

味道方面椰子味比較淡相反桃味就好濃，各有千秋。

另外仲叫左哈蜜瓜沙冰，勁fresh，唔會太甜果味幾重，邊食燒肉邊飲依杯好match最後唔少得甜品，叫左個哈蜜瓜冰沫，估唔到連甜品都咁出色，一黎勁多哈蜜瓜，二黎個雪糕加下面淡淡哈蜜瓜嘅碎冰係勁好食。

啲冰係好soft好易入口，正依餐真係勁豐富，基本上前菜、小食、燒肉連野飲同甜品質素都幾好，值得食完再食

都有一段時間冇食過韓燒，今日就去左炑八燒烤食佢地嘅傳說中的燒烤套餐個套餐有好多野食架，有牛前胸，梨汁豬梅肉，厚切五花腩，春川雞脾，特大魷魚，大蝦，雞脾菇，秋葵，粟米等。

咁多種肉類，我自己最鐘意食牛肋骨，肉質好淋，又醃得夠晒入味，好好食呀，另外厚切五花腩，春川雞脾同大蝦我都覺得唔錯架不過其實我最最最鐘意食嘅係可以無限追加嘅芝士粟米同泡菜蛋，真係好好好好食架。

難得今日係平日放假，去左新天地2期到睇戲。

見睇戲之前有些時間，就近近地去左呢間餐廳食午餐，估唔到竟然有驚喜🤣首先，十分推薦呢間餐廳嘅午市套餐比大家。

除左價錢宜人，食物味道都不錯👍🏻雞扒和炒蛋都整得非常之滑，而且雞扒都幾入味。

呢個飯最特別之處係蛋包飯內嘅飯係用茄汁飯，酸酸甜甜的，食落非常野味，會令人想一啖接一啖咁食😋從圖片都可以見得出呢個湯嘅材料非常充足。

熱騰騰而且牛肉味非常濃郁，呢個湯配上紫菜飯簡直一流。

炑八韓烤餐單提供韓國菜, 烤肉, 韓燒等推介美食位於荃灣區，餐廳座位數200人均消費約$201-400，結賬可以用Visa,Master,現金,AE,銀聯，Booking訂位可以電話致電 23636408 查詢。

您對於荃灣餐廳「炑八韓烤」有何 comment？

炑八韓烤餐廳詳細資料：

• 炑八韓烤地址:
  荃灣楊屋道1號荃新天地二期1樓125號舖
  MEOKBANG KOREAN BBQ & BAR, Shop125,1/ F, Citywalk2,1 Yeung Uk Road, Tsuen Wan
• 炑八韓烤電話: 23636408
• 炑八韓烤價錢: $201-400
• 分類: 韓國菜, 烤肉, 韓燒
• 座位: 200
• 付款: Visa,Master,現金,AE,銀聯
• FB專頁: 炑八韓烤 Facebook

更多炑八韓烤相關資料:

• 炑八韓烤分店
• Youtube
• Facebook
• Twitter
• Google