潮記粉麵茶餐廳 荃灣

潮記粉麵茶餐廳 評價 相片

今日下午去了荃灣的潮記吃個late lunch，餐廳鬼影都無隻，大把吉位，看見牆上的餐牌仍有午市套餐，於是便點了個蘿蔔牛腩飯吃~可能由於當時沒有人的關係，店員很快便把食物送上。

看到蘿蔔牛腩與飯是分開上的，感覺很不錯~起初吃落味道也不錯，點知越吃才知不對路，每舀一羹牛腩都總發覺有一、兩條眼睫毛或頭髮混在腩汁或黏在牛腩上，真係咩胃口都無，最後成碗嘢差不多無食過，只吃了些白飯頂肚而已~雖然平時好少去荃灣，不過都唔使多講，Blacklist!!!

今日同同事一齊諗地方食lunch,無意中諗起咗呢間茶餐廳,我响荃灣返工咁耐都唔知有呢間可能無乜去開果頭卦我哋食lunch時間較早,但去到都坐滿咗人,我哋叫咗快餐同常餐D食物大大份,睇個樣都唔錯,味道都幾好,唔怪之咁多人呢間嘢夜晚仲有得打冷,有機會要試下

潮記已經食左10幾年啦，以前細細間，幾個潮洲佬只做魚蛋粉、牛腩牛雜之類，依家轉做茶餐廳，食物種類當然多好多，但論水準來講，始終都是牛腩牛雜做得最好，清湯腩做底、坑腩、牛肚美味，每次我回來都會order坑腩食肥，老闆自然會切些半肥瘦給我，；魚片河是我老婆的最愛。

我由其是最欣賞的是潮洲人的克苦耐勞生活方式，他們都是這種方式由細細間做到現在的規模，值得尊敬。

由於我同工友工作要到處走，香港九龍新界日日唔同地方﹗每天都要找地方食飯，亦只有天天去茶記醫肚餓，佢走遍全港，想將平日試過既茶記提供比大家，當中當然有好有唔好，好既大家經過不坊試下，如不好的亦都可令大家引以為鑑，費事自己食完得個嬲字﹗今日要介紹係荃灣西樓角道既潮記呢間野都算幾隱秘，如果唔係經過呢頭真係唔會見到呢間野極度闊落，0的卡位大到一邊可以坐三個人以上....唔似得出面0的茶記一個屎弗位要比兩個屎弗坐﹗最重要係呢度有戶外位，絕對適合我呢0的地盤吸煙人士，你睇呢三個食客幾過癮，隊啤吹水一樂也﹗當時只係下午既三點.....咁早飲會不會醉呀？食物大碗又平，今日佢叫左碗牛筋水餃河，水餃足料又夠肥大，食兩隻已經飽哂，牛筋有咬口夠彈性，不黐牙不會腍腍散散，很滿意﹗呢間野仲有賣打冷野，之前外賣試過，大碟又平又抵﹗味道仲要有水準仲不錯添﹗枱面整齊又乾淨，應有則有，最緊要的是有好味的辣椒油，岩哂嗜辣既工友﹗以茶記來計算，三粒星工友俾兩粒，大家不坊試下﹗

潮記粉麵茶餐廳餐單提供港式等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「潮記粉麵茶餐廳」有何 comment？

潮記粉麵茶餐廳餐廳詳細資料：

• 潮記粉麵茶餐廳地址:
  荃灣荃昌中心昌安商場地下
  潮記粉麵茶餐廳, 荃昌中心昌安商場地下, Tsuen Wan
• 潮記粉麵茶餐廳電話:  
• 潮記粉麵茶餐廳價錢: $50以下
• 分類: 港式
• 座位: 未知
• 付款: 現金
• FB專頁: 潮記粉麵茶餐廳 Facebook

更多潮記粉麵茶餐廳相關資料:

• 潮記粉麵茶餐廳分店
• Youtube
• Facebook
• Twitter
• Google