滬湘好 荃灣

滬湘好 評價 相片

仲以為去錯, 原來走左入去佢間攣生店小百合, 哇, 不想一提, 煙竇, 所以如果想由上面商場落樓梯去滬湘好側門, 記住係落到去轉右入. 好在呢晚早早去到, 亦都係至正確做法, 兩個人早早地比張大卡位, 卡位個背高到成個人咁高, 夠晒私人, 卡位埋邊係鐵欄, 鐵欄出面係一張好細既二人枱, 仲係低一級. 所以話早去有著數. 但好可惜又係煙害, 無分禁煙區. 慘. 直接影響食評評級. 另方面裝修ok, 服務招呼更係優良, 上菜set碟斟茶叫人跟到足. 食物就見仁見智, 因呢碟腰果肉丁都幾鹹, 但牛肉羮都幾好, 絕唔係生粉水. 食物算大份, 價錢亦唔太貴.

早市及午市有廣東點心叫, 蝦餃燒賣等等.食物即叫即制, 熱騰騰的, 味道好.推介: 豆沙鍋餅(大碟好味道)PS : 12:30前埋單及2:30後有七折優惠!農家雞 雞比較廋, 雞味較怪, 可以不吃!

今日放工同女朋友係荃灣搵野食，行到去滬湘好隔離間小百合啦，見同一集團，想住差極有限，點知好唔得囉！入到去，服務態度唔得，問佢拿menu 啦，點知，佢唔係俾你，係拋俾你囉！之後叫野食啦，佢食意粉，我叫個湯烏冬啦，跟住烏冬好快到，但係個意粉等了半小時囉！時間唔係問題，因為焗，係要的時間，點知來到，個面濃濃地，好明顯焗等大耐，都算啦，之後撈撈下，成個膠的物體，睇見都冇胃口呀！再來一個新的意粉啦，都係有膠的物體，真係冇晒胃口，雖然焗得幾靚！之後唯有轉個西多囉，都冇胃口喇，唔知食咩好！下次真係唔再去喇！

上星期五（２月４日）同屋企人去吃午飯，諗住吃上海野。

點知開哂位，佢地先至話收左爐，除左指定點心同炒粉麵，咩都無得食。

咁我地見都開哂位，就照食啦。

但ｄ點心始終唔係佢地擅長，味精極重，咸足一日。

不過食物質素都唔係重點，而係埋單的過程。

我地三個人只吃三數碟小點（＄６．８）、一兩碟中點大點（＄１０樓下），及一碟炒河（＄３ｘ），加埋茶錢，竟然＄１４ｘ！！！即刻睇番張單，竟然加左兩碟我地沒有食過的點心，仲要係特點！！問番個部長，佢竟然仲面黑黑，問我地：你地自己叫黎食架嘛。

我地話無，佢都仲嬲嬲地去ｃｈｅｃｋ單。

結果ｃｈｅｃｋ番來，第二次張單仲係＄１３ｘ。

再睇睇，原來仲有另一碟特點點心未扣番。

我地已經好嬲，再問番佢，個部長竟然繼續面黑黑，話佢跟番張單出，唔係佢錯。

真係好想鬧人！最後改正番再單，我地一蚊貼士都唔比就走人。

我唔理佢的食物有幾好或有幾差，總之呢ｄ咁差的服務的食肆，我係以後都唔會比佢有機會賺我的錢！！！

昨天和同事到荃灣打波後，一行八人，有人提議到這間京川滬菜館吃飯。

這菜館裝修和招呼不錯，有很多寬敞的卡位，很適含三五知已食飲聊天，大間相距也有很大空間，不會太擠，聊天也不怕互相騷擾。

食物方面，冷盤要了燻魚、南京鹽水鸭、醉雞，湯就要酸辣湯，小菜就揀了賽螃蟹、炒年糕、有錢佬炒飯、砂鍋雲吞雞、干煸四季豆等，全部味道都很滿意，只有醉雞没有我在上海小紹興的那充滿紹興酒的香味。

雲吞雞很好，没有味精，吃後不會口喝及感到後舒暢，吃完後我們又叫了高力豆沙作甜品，一樣没有令人失望。

整體來說食品都非常滿意，連茶水也很香，日后必定會再試。

但服務上有一點可作出改進，那個標準的砂鍋云雲吞雞是只足夠給六位吃的（可能是配合六人套的），只有六粒雲吞，但酒樓没有因應客人的數目，彈性增加份量配合，使部份人没有雲吞可吃，這樣的招呼實在不合時宜，理應改進。

滬湘好餐單提供京菜, 官府菜等推介美食位於荃灣區，餐廳座位數未知人均消費約$51-100，結賬可以用現金。

您對於荃灣餐廳「滬湘好」有何 comment？

滬湘好餐廳詳細資料：

• 滬湘好地址:
  荃灣西樓角道170-184號華都中心地下1A
  滬湘好, Shop1 A.,170-184 Sai Lau Kok Road, Tsuen Wan
• 滬湘好電話:  
• 滬湘好價錢: $51-100
• 分類: 京菜, 官府菜
• 座位: 未知
• 付款: 現金
• FB專頁: 滬湘好 Facebook

更多滬湘好相關資料:

• 滬湘好分店
• Youtube
• Facebook
• Twitter
• Google