源記海鮮小廚 荃灣

源記海鮮小廚 評價 相片

好想食小炒，係Openrice搵訂位搵到呢間，見少人食就試試先，係二波坊最邊邊架，太肚餓都冇影到餐牌😂老細話炒蜆好食，就食炒蜆。

豉椒炒大蜆$128真係好大隻，冇沙，幾滑！個汁比較咸同羔，要食多d飯同野飲😂不過好值得食😋好推薦👍👍XO醬四季豆炒牛肉，有鑊氣，有薑絲，底下既油可以接受，幾香，肥牛正常。

椒鹽墨魚咀，好多蒜😍份量都唔錯，整體$3xx埋單，食飽飽，食完附近仲可以食甜品拖手仔😂😂

這間舖頭食物好有水準！比得上大酒摟，位置方面坐落荃灣某一問店舖，雖然位置係這處的橫街小巷，但係一開铺人流非常之多！可言之又幾好都唔需要再講，食物方面，賣相又睇得吓！至於味道方面真係好正！那隻乳鴿好有水準，皮脆肉滑真係好正！回味冇窮，還有蒜蓉蒸扇見、蟶子都好新鮮，味道方面好特別！總之食到落口感覺好有口感！真係😋😋😋,其它都唔需要再講，真係可以去試吓！價錢平過酒樓，但係食到酒樓的水準。

生炸乳鴿 $60蒜蓉蒸扇貝 $時價蒜蓉蒸蟶子 $時價

食得多壽司打邊爐有時都會想食下大排檔打冷上星期台灣返黎就即刻同屋企人去食地道既小菜.呢間源記除左有海鮮 仲有好多撚手小菜架我地叫左小炒皇 蜜汁薯仔牛柳粒同椒鹽九肚魚拿拿聲影完相就二話不說開始食了事關小菜緊係要熱辣辣食啦 夠晒穫氣！牛柳粒牛味重 唔韌 切粒既大細岩岩好 一啖一粒 好juicy 薯仔都好入味 蜜汁👍🏻我地連洋蔥都食埋.小炒皇係呢間舖既自創菜式有韭菜 果仁 咸魚仔 魷魚 蝦米等等唔食返2碗白飯對唔住自己好好拌飯呀 咸魚仔仲脆卜卜的 果仁都好脆就算炒完都唔會淋晒 成個組合都好正 有少少辣❤️好有心思 .椒鹽九肚魚係炸到外脆內軟 入面既肉非常之嫩滑 超好食！同樣係帶點辣 九肚魚成條食得 因為骨位都係軟腍的 份量剛好 大約都有10條架！.下次黎食一定要配返枝啤酒先得～

今日同朋友嚟到呢間在二坡坊嘅源記海鮮小廚，記得以前經過這裡，好似見過呢度派免費飯盒俾老人家，係一間有良心有愛心嘅飯店。

我哋唔係太肚餓，只係叫咗兩個餸：源記小炒皇，蜜汁薯仔牛柳粒。

可能我哋呢餐嘅晚飯時間算係早(大約6點鐘), 小菜好快就上檯。

源記小炒皇份量都幾多，係蒜芯炒腰果蝦乾魷魚菜脯，輕微少少辣，呢碟餸幾惹味，有好多蝦乾非常香口，餸白飯最正。

另一碟蜜汁薯仔牛柳粒，啲薯角沾咗蜜汁煮，外層脆脆哋，內裏好夠淋，牛柳粒大大粒，又係好惹味嘅一碟餸。

雖然只係叫咗兩個餸，我哋都食得夠飽，最鍾意呢度嘅小菜夠鑊氣，絕對係大排檔風格。

今日來到荃灣探朋友，晚餐自然由朋友發板。

這間源記海鮮小廚，座落於荃灣二坡坊，是朋友住的附近。

二坡坊街道不是很長，但差不多都是食肆。

menu都很多選擇。

蒜蓉蒸蟶子兩隻$80蒜蓉蒸蟶子，蟶子很大隻面上放了蒽花及蒜蓉，還有粉絲，粉絲吸收了蟶子的鮮味，非常好味，至於主角蟶子帶爽口非常鮮甜。

尖椒炒雞雜$88見隔離枱要了個尖椒炒雞雜，非常吸引，我們也要了一份，尖椒及雞雜的份量也非常多，尖椒青青綠綠非常吸引，帶爽口香香辣辣，吸收了雞雜的鮮味，非常美味。

雞潤都比較香，腎球有少少咬口，炒得非常夠鑊氣，正式的鑊氣小炒。

蒜子火腩大鱔煲$148份量也是不少，有很多的豆卜、蒜子、火腩及洋蔥，當然少不了主角大鱔，需然切得薄了㸃，但調味適中很是惹味。

源記海鮮小廚餐單提供潮州菜, 川菜, 四川, 湘菜, 湖南, 火鍋, 雞煲等推介美食位於荃灣區，餐廳座位數60人均消費約$101-200，結賬可以用AlipayHK,支付寶,現金，Booking訂位可以電話致電 26141688 查詢。

您對於荃灣餐廳「源記海鮮小廚」有何 comment？

源記海鮮小廚餐廳詳細資料：

• 源記海鮮小廚地址:
  荃灣二坡坊地下6號舖
  Yuen Kee, G/ F, Shop6, Yi Pei Square, Tsuen Wan
• 源記海鮮小廚電話: 26141688
• 源記海鮮小廚價錢: $101-200
• 分類: 潮州菜, 川菜, 四川, 湘菜, 湖南, 火鍋, 雞煲
• 座位: 60
• 付款: AlipayHK,支付寶,現金
• FB專頁: 源記海鮮小廚 Facebook

更多源記海鮮小廚相關資料:

• 源記海鮮小廚分店
• Youtube
• Facebook
• Twitter
• Google