江湖小棧 荃灣

江湖小棧 評價 相片

可能係食過最好味嘅黃店之一本身衝住佢個🐷油煲仔飯黎試（閒日都要等成個鐘，但絕對值得！）臘腸有淡淡嘅玫瑰露香味排骨都難得有醃到 落左豬油嘅煲仔飯會冇平時食開嗰啲咁乾身但飯焦依然可以成片成片咁食真係好爽最估唔倒係連粥同串燒都幾出色人少少關係 串燒淨係叫左羊架 牛脷 同茄子質素拍得住串燒店連本身唔好羊嘅友人都讚好味鮑魚海鮮粥有驚喜粥底好綿滑 配埋新鮮嘅鮑魚大蜆蠔仔同魚腩食完重口味嘅煲仔飯同串燒再食呢個粥真係剛剛好

想走進江湖多次，因人太多一直未能成事，今日的起心肝五點半就到場， 點知人哋開緊飯，但係都留張枱畀我，但要六點鐘準時到，正所謂『發出英雄箭，各方好友來相見。

』當然準時赴約。

上述秘笈就是點菜必備的餐牌。

舖內裝修及餐牌玩味十足，佩服店主武俠精神。

江湖小棧一直以煲仔菜聞名， 並以自家煉製的豬油爆紅，（但不知店主是否為煉製豬油 而自宮，很難証實）本王一口氣點三個煲仔試一試真偽。

1）《 合時臘味煲仔飯》 六月都算合時😳配上自煉豬油及秘製豉油，煲仔上時淋上各一圈，再焗數分鐘，小店絕不吝嗇蔥花，如果唔食蔥嘅，記得提前叫走蔥，如果唔係分分鐘都可以夾出成碗。

香氣撲面，煲仔飯粒粒分明， 除了蔥多餸和飯份量都不少， 木板底跟煲仔飯上， 全能保護檯面更方便食客移動煲仔， 臘腸、潤腸雖然算不上頂級，但香味十足， 潤腸亦不會太多肥膏，怕肥不用擔心 。

但臘肉我呢煲就真係肥多個瘦，個人嚟講我不怕肥，反而現在大家都吃得健康，難得可以大啖咬落臘肉，必出的油脂香味，配口秘製豉油撈過的煲仔飯，簡直是人間邪惡美食，不過如果臘肉肥瘦可以再均勻返啲會更好。

2）《 鳳爪排骨煲仔飯》新鮮又大舊嘅排骨，冇多餘嘅食粉醃過，肉質好滑溜， 炸鳳爪普通雪藏基本嘢，不過最少唔會煲到爛曬。

兩煲，煲仔飯，飯焦程度不一，可能真係太旺，水準出現稍有不穩。

3）《生啫土雞煲》 都係超大件嘅雞，就算雞胸都唔會覺得嚡，恰到好處。

但係味就師傅重手咗比較咸， 唔知係咪曾經有客人反映過，有禮貌嘅服務員在埋單時，問我們會唔會覺得太鹹，我們如實反映，他並跟我們說，下次可早點跟他們反映，可以幫我們從新煮過。

（五星級服務咩， 食完仲會問你對食物滿唔滿意）我們一路食一路有電話入，想訂位排隊攞飛等等，顯現超人氣👍 離開時已經大量人等位。

食物賣相＝(滿分20) 17食物味道＝(滿分20) 18服務質素＝(滿分20) 18裝修整潔＝(滿分20) 18性價比率＝(滿分10) 6回頭指數＝(滿分10) 7總評分（滿分100）84分

當日我們點了兩碗煲仔飯和一碟燒通菜，等了大約三十分鐘分鐘後，看旁邊和我們一同入座的客人的餐點已全部到達，我們向侍應提醒我們所有餸菜都未到，他便拿起我們的落單紙進了趟廚房，但之後也沒有向我們交待是漏單根本未開始煮還是甚麼原因就繼續服務其他客人。

於是我們只好繼續呆呆地等，等了差不多四十分鐘已十分肚餓，其他客人都吃完再換下一組人了，才終於到了一碟燒通菜，又放了煲仔飯用的鼓油和豬油，告訴我們煲仔飯已準備得差不多。

當我們以為差不多是隨後就送到吧？結果我們又等了十分鐘，足足在點餐後等了大概五十分鐘才食到，送到時也沒半句抱歉或不好意思，只是如常的送餐。

由期待等到肚餓到無奈的我們已經完全沒心情品嘗煲仔飯的味道。

只吃出飯的質感是不錯，飯焦也適中。

燒通菜也是不過不失。

我明白做餐店的辛勞而且人手少難免會有疏忽，但要一個客人不明不白的呆等五十鐘，一句解釋和道歉都沒有，實在欠缺同理心。

看見老闆和侍應對侍客人的態度都尚算友善，不明白為何對一枱客人要等這樣久這件事無仼何反應和處理。

雖然飯菜是不錯，但沒有好吃到經歷這樣的點餐體驗仍要光顧的理由。

今日同朋友去咗食呢間煲仔飯味道很不錯鹹淡適中 加入豬油同埋豉油係香好多我哋叫咗鹹魚肉片煲仔飯同田雞排骨煲仔飯 炒芥蘭都好好味 酸菜魚腩就比較普通~不過等位等咗好耐 要預留一小時以上時間等位 我哋6點半到 等到8點左右入坐店家幾貼心 有放櫈比人坐住等~ 今日係平日都等咗幾耐 所以假期嘅時間要預返一小時以上嘅時間等待⌛️整體來講 有好高嘅性價比 有時間等嘅話值得一試

首先要講講，呢間舖頭有難book位, 第一次，星期六去， 準時6pm 到達拎飛，點知佢同我哋講最快要8:45pm 先有位😱。

然後問佢，咁幾點來先可以有位， 女職員就叫我訂位，每日5pm 後就可以打電話來訂，咁我即場就同佢講話要訂星期二，但係 佢又同我講今日（星期六）訂星期二太早了。

所以星期日個日我5pm , 就準時打去訂位啦，點知我一打去話要訂位， 嗰男職員就同我講full booking, 我就話我訂星期二的不是今天， 咁佢就話咁就有話， 但係我話訂6:45pm ，男職員就話唔得，只可訂6pm 😰咁無辦法， 只好訂呢個時間，好彩嗰日朋友同我都請咗假，可以6pm 到🤥㶲6點來到， 入面已經full左， 除咗我訂左個張枱，之後不斷有人來拎位， 好彩有訂位，如果唔係，平日六點到都未必可以即刻入座好，入正題，呢間店以煲仔飯聞名於世，當然必試佢啲煲仔飯，我哋揀咗自選煲仔飯，最多可揀3個餸，但我哋只揀了牛肉及雞肉２項，另外叫咗個煲仔菜來試吓：川辣煮花甲煲點完菜等咗10幾分鐘，＂川辣煮花甲煲＂就來了老實講，上菜時見到啲蜆殼都幾大，都幾吸引，但係望真啲蜆肉就又細又散咁，大打折扣， 不過大細呢啲賣相都唔太緊要，最重要都係係味道，入面都幾足材料，有酸菜同啲幾入味的蘿蔔但味道上同我期望有好大出入， 點菜時，以為會係麻麻辣辣，好惹味。

但係原來係酸味，而且無咩辣味，更 完全無麻味， 作為一道開胃菜係ok 嘅，只係同我想像中出入太大。

至於個蜆肉，無鮮味，有幾粒有有沙。

整體來講，成個煲就係一道酸酸地嘅蜆湯，無鑊氣，不太吸引。

到個重點，牛肉滑雞煲仔飯一上菜，正如其他食評咁講，佢會放底１瓶豬油同１瓶醬油，等你自己落我地落左啲豬油同醬油後，蓋上蓋再焗左佢分幾鐘。

喺呢分鐘內，仲聽到啲飯同個煲＂迫迫白白＂的聲音，應該係飯焦形成中，期待一打開個蓋，賣相唔錯，因為啲豬油淋上面再焗左佢一陣，所以令成個飯立立令，好靚啲雞真係滑的，唔會煲到嚡曬啲牛肉都正常，都有啲牛味，滑的，唔老飯焦呀成個飯其實唔錯，尤其加左豬油的飯，飯粒本身燒得夠乾身，可以粒粒分明，而且加上豬油，油潤亮澤，吃落口啲飯嫩滑，並且非常香，當然要自己調整適合自己的豬油量，基本上佢係一個成功的煲仔飯不過係我最期待待飯焦部分，就沒有太大的吸引之處了，飯焦的確係有，仲可以成塊起出，但唔並非脆口的，仲有啲黏牙所以總括而言佢並非一個高分之作，可能因為我哋叫的餸油份唔足，所以影響到飯焦的效果，所以都會比多次機會再試，下之叫返啲多油脂的餸。

江湖小棧餐單提供港式等推介美食位於荃灣區，餐廳座位數50人均消費約$51-100，結賬可以用現金，Booking訂位可以電話致電 23997994 查詢。

您對於荃灣餐廳「江湖小棧」有何 comment？

江湖小棧餐廳詳細資料：

• 江湖小棧地址:
  荃灣鱟地坊30號寶成大厦1號地舖
  江湖小棧, Shop1, G/ F, Po Shing Mansion,30 Hau Tei Square, Tsuen Wan
• 江湖小棧電話: 23997994
• 江湖小棧價錢: $51-100
• 分類: 港式
• 座位: 50
• 付款: 現金
• FB專頁: 江湖小棧 Facebook

更多江湖小棧相關資料:

• 江湖小棧分店
• Youtube
• Facebook
• Twitter
• Google