楚撚記大排檔 荃灣

楚撚記大排檔 評價 相片

撚記土瓜灣總店好多人都食過荃灣都開咗新嘅分店啦☺️好近我呢度無論係服務、食物、環境都令我好surprise😉 仲要送糖水🙈裝潢又有特色🥳 有大枱可以朋友gathering真心推介大家一大班朋友一齊去試下😊今次叫嗰幾款都係必食💛 脆皮炸大腸 (鳳梨底) $88炸大腸聽落已經夠晒邪惡😂但係佢本身已經完全唔油膩😍夾埋菠蘿食簡直係清新😂同埋做到外脆內軟嘅感覺😭菠蘿拔絲咕嚕肉 (梅頭) $98咕嚕肉賣相已經令人食指大動👍🏻最鍾意佢係用梅頭，真心啖啖肉☺️重點係每一件外皮係keep到好脆！！必叫呀！！ 肉質食得出用料上乘香煎黑松露手打蓮藕墨魚餅$95黑松露墨魚餅係好創新嘅菜式😚但係兩者配合得天衣無縫😝口感正👍🏻 避風塘鮮魷 $93嚟到個個都嗌豬油撈飯，蔥油好香🥰豬油撈飯$20楚撚桂圓手工啤 $44值得一讚，食物環境服務都好

荃灣楊屋道街市遠近馳名，最近發現對面的金記冰室原來已結業，很快就改了土瓜灣的楚撚記進駐荃灣，記得多年前到過土瓜灣店，印象不錯，故此相約友人，四人飯聚一下。

老友預早訂枱，知道由於新店人氣食店關係，明白需要等等，等了45分鐘安排入座，交枱時店員已多次說明進餐時間為兩小時，明白香港租金貴，四位，進餐兩小時應該冇問題。

原裝修保留返上一手金記的影子。

這裡自攜餐酒過來的話，要收開瓶費$150/支，所以一坐低，便點了招牌啤酒一試。

楚撚桂圓手工啤$42~萬壽無疆通花碗花紋作為招牌酒標，配冰凍的戰鬥碗，味道帶有陣陣的桂花、杞子、圓肉香味，濃厚有特色，值得一試。

小炒王$88~第一道菜上來小炒王，未見乾身，底部還感到濕濕哋，大家都覺得有進步的空間。

椒鹽鮮魷$92~魷魚夠厚身，質感夠Juicy ，略嫌過分椒鹽，但也是啤酒的好撘檔，價錢扁貴。

豆漿杞子鮮腐竹浸娃娃菜$72~由於多個小菜都較為濃烈味道，點這道菜，相當惹人討好。

黑松露手打蓮藕墨魚餅$95~加入點點黑松露，即時將它變得矜貴，所以價錢也提升不少，但質感未算彈牙。

菠蘿生炒骨$78~醬爆鴛鴦雞煲$99~鴛鴦雞即是田雞和雞，但田雞的比例太少，但點點麻辣味道惹味非常。

芝士琵琶豆腐$78~原先大家諗住這道菜是琵琶豆腐內有芝士，殊不知原來是附上一碗芝士醬作配搭，當端上枱時倍感失望，而且那芝士醬未夠熱，反而覺得有點失色。

脆皮炸大腸(鳳梨底)$88~大家都覺得有點像㕑窗的demo 豬油撈飯$20~DIY的豬酒撈飯，朋友吃得開心又有罪惡感，自斟自撈，再自己加葱和芫茜，DIY 撈撈撈⋯⋯整體來說:小菜分量扁細，所以對比價錢扁貴。

由於我們四人安排卡位位置，又近廚房上菜位，所以點菜時間相當快速，四個人我們點了八個小菜，兩支啤酒，四個飯，進餐時個半鐘已吃完，店員立即收晒我們的枱，示意交枱感，令食客感到相當有壓力，但明明每張枱都貼有一張3M紙寫明交枱時間，而我們還有半個鐘才要交枱，由於疫情後，與朋友太耐冇見，當然想講多兩句，但感覺壓力後於是決定離場⋯⋯結賬時店員還叫我們寫意見書，朋友已經再沒心情了。

明白疫情後食店想做多點生意，但定了兩小時進餐時間，沒有理由個半鐘便趕客走，希望明白消費者的感受⋯⋯

唔知點解突然好想食大排檔，不過有少少潔癖嘅我又唔想去街邊或者比較雜個啲大排檔度食！即時去IG搵下！又真係比我搵到一間睇落去唔錯嘅新式大排檔喎！一嚟到已經比呢間大排檔嘅懷舊特色裝修吸引住，呢度充滿童年回憶呀（出賣年齡系列）！而且地方仲非常之大，原來係有成七千呎嘅旗艦分店嚟的！坐低之後就比咁多頁嘅餐牌搞到有選擇困難症，因為有太多嘢想食了！加上坐正喺出菜位置，眼見咁多唔同嘅小菜飄過，已經流晒口水！睇左成十分鐘餐牌終於決定到食乜啦！本來係想叫做緊優惠價HK$168嘅脆皮芝士焗新鮮龍蝦同荃灣分店嘅限定小菜的！可惜朋友冇樣啱食！唯有叫啲大家都喜歡食嘅小菜啦！所以最終點了金沙蛋黃九肚魚、干煸四季豆、脆皮炸大腸同麻辣韭菜鴨血煲！先上干煸四季豆，食落爽口帶少少辣炒得又夠鑊氣！之後就上個鴨血煲，呢個小菜真係幾辣下的，不過辣得嚟又幾惹味同滑的！再上埋個炸豬大腸，望落已經非常之邪惡，食落的確好鬼死香口，簡直對佢又愛又恨呀！哈哈！最後上埋份金沙蛋黃九肚魚，終於明白點解主角永遠都是壓軸的，呢份炸到金黃色嘅九肚魚簡直好食到冇朋友呀！用上鹹蛋黃炸成嘅九肚魚，食落帶鹹香，入面又滑又軟綿綿，係我哋一致覺得今晚最好食嘅小菜嚟！而且呢度係用支裝汽水的！見到隔離枱飲啤酒係用戰鬥碗的，呢度真係每樣野都好講究呀！不得不提雖然呢度係大排檔形式嘅餐廳，但店員嘅服務態度絕對不比正規嘅餐廳差！而且埋單仲有糖水送，當晚就有番薯糖水同清補涼揀的！還有意外的係呢度竟然唔收加一同茶錢的！兩個人食到飽飽都只係三百幾蚊，真係超級抵食呀！難怪全場爆滿呀！我哋應該好快又會再見的！

楚撚記大排檔地址: 荃灣川龍街118號百悅坊地下1樓電話: 39973661係土瓜灣有第一間店時已想食，大成日大排長隊，夏天要在小巷中等入坐，真的出曬汗。

荃灣新店闊落好多，7,000呎旗艦店，訂位就可以輕鬆入坐了有點心小炒食，更有荃灣旗艦店限定菜式 。

新張限定優惠 脆皮芝士焗原隻龍蝦$168 (原價.$238) ，數量有限售完即止 $82 黃金九肚魚，一條條撲上麵粉炸得香酥，大大條厚肉，外層有鹹蛋黃醬份外惹味。

$86 蟲草花立腸雲耳蒸雞係荃灣店獨有的，雞件好滑用上了雞脾位置，蟲草花係爽身雲耳，蒸完個汁都好好味，夠鹹可以撈飯$63 金銀蛋時蔬，上湯沉比炒更深得我心，小油健康，同我會把湯也喝掉那種人$59 蒜蓉炒清菜，加多碟因最近腸胃唔太順暢，簡單好食$20 豬油撈飯，豬油同甜豉油，唔多地方有，配埋咁多餸一流。

仲有糖水送， 熱蕃薯糖水同凍食有清保涼己經好飽但忍唔住成碗食埋野食選擇多，價錢相宜，款太多下次再一大班人來食。

疫情之後好耐冇影相，今晚同父母提早做節，來到懷舊餐廳"楚撚記"大排檔, 這是荃灣旗艦店，有7000呎之大，超多打卡位，帶著兩老來，讓他們懷緬一番，一邊吃一邊想當年，我聽著也高興呢！荃灣店有些限定菜式，可以新張優惠$168/隻享用脆皮芝士焗龍蝦 (原價$238/隻); 看看在牆上的懷舊裝飾，原來是餐牌，有紅字的也是限定菜式啊！如秘製辣酒煮花螺、香煎自家韭菜粿、香濃南乳粗齋煲、一口脆炸雙重芝士波波、古法生扣蝦籽柚皮、蟲草花臘腸雲耳蒸滑雞等。

還有滋補老火湯水日日輪流出品，怪不得樓下排長龍等位都要食了。

爸爸比較傳統，愛吃家常菜，就由他點菜好了， 有招牌菜楚撚記小炒王$88,沙嗲粉絲金菇牛肉煲$79,蜜椒排骨$78,不過在我的堅持下，點了從未吃過的椒鹽田雞$98。

這裏招呼很周到，職員不時來加茶，遲了加茶也會很抱歉的說不好意思，上菜時提我們小心沙鍋很熱，感受到的用心服務。

楚撚記小炒王， 很有鑊氣，用料十足，有蝦仁、魷魚、蝦乾、魚乾、炸菜、韭菜，炒得剛好，不會太濕，吃著超香的，價錢是我吃過的小炒王中最便宜，抵食！沙嗲粉絲金菇牛肉煲，要說明是牛肉，不是肥牛。

牛肉肉質新鮮，不會用鬆肉粉醃到沒有質感，有要求的就是要吃真牛肉！兩老也讚味道好，就是覺得汁太多，乾身一點更好。

蜜椒排骨，用的是柚子蜜，夾起時可以拉絲；蜜汁是超多的，椒是黑椒，原來黑椒配柚子蜜味道頗相配的，甜中帶黑椒香；排骨份量也不少，啖啖肉，送飯一流。

椒鹽田雞，份量也不少，因為煎炸食物會油膩，這裏大概有兩隻田雞的份量，已很足夠。

炸粉不會太厚，田雞裏面仍然有肉汁，很滑，椒鹽味不會太鹹，來一支啤酒更好！吃完準備埋單，職員說還送糖水，今晚有熱的番薯糖水，和凍的清補涼，剛好是我兩老的胃口。

我就喜歡番薯糖水，夠薑味，甜度適中，番薯是煮得超淋又夠粉，沒有渣，不錯啊！三人晚餐買單才$343,價錢跟一般餐廳茶樓差不多，但享受了很好的服務，和這裏很有氣氛的懷舊裝修，我們還拍了不少照片呢！最重要跟父母過節，吃得滿意又開心！有機會要再來。

楚撚記大排檔餐單提供粵菜, 廣東, 大牌檔等推介美食位於荃灣區，餐廳座位數160人均消費約$101-200，結賬可以用Visa,Master,AlipayHK,現金,銀聯，Booking訂位可以電話致電 39973661 查詢。

您對於荃灣餐廳「楚撚記大排檔」有何 comment？

楚撚記大排檔餐廳詳細資料：

• 楚撚記大排檔地址:
  荃灣川龍街118號百悅坊地下-1樓
  ChorLand Cookfood Stall, G/ F-1/ F, Optimall,118 Chuen Lung Street, Tsuen Wan
• 楚撚記大排檔電話: 39973661
• 楚撚記大排檔價錢: $101-200
• 分類: 粵菜, 廣東, 大牌檔
• 座位: 160
• 付款: Visa,Master,AlipayHK,現金,銀聯
• FB專頁: 楚撚記大排檔 Facebook

更多楚撚記大排檔相關資料:

• 楚撚記大排檔分店
• Youtube
• Facebook
• Twitter
• Google