明星海鮮酒家 荃灣

明星海鮮酒家 評價 相片

天氣凍自然想打邊爐，早幾日先食完小x羊，諗住試下第二間，見到荃灣兆和街ｘ星海鮮酒家＄68位，cheap cheap 地試下啦，點知食到火都嚟埋...2個人食，任點菜單已經冇咩選擇，例牌咩丸咩丸加肥牛，叫碟枝竹，寫明2人份都比座山咁大碟，唔係多就好咖嘛...浪費食物。

d嘢又唔新鮮，侍應又唔禮貌，叫來叫去都冇人理，d位又迫，我同朋友座圓枱分開小小座，隔離枱有客座低，張椅背竟然掂到我哋枱邊，即係座咗喺我同朋友中間，誇唔誇d?!... 埋單兩個人冇叫其他嘢飲都要$230，下次都係比多幾十蚊食返小肥x好過....

呢間明星食晚飯都超過十次因為價錢平質素亦唔錯男朋友最鍾意食燒腩仔,不過唔係次次都好味有時會淋左唔夠脆,但有時會好味到想叫多碟!我最鍾意就食生抄排骨呢一間既生抄骨好好味仲有黃金蝦,都係我地至愛不過近來好似冇左呢款菜有時9點半後特價就仲低食仲有蒜香抄蝦都係好味之選係度食海鮮唔貴,都算新鮮好味而且上菜都算快總括黎講我對呢間明星既食物都好滿意

點了（片皮鴨）唔掂，鴨凍既，包皮又乾又硬，吃了一件，差d哽死。

（什菌牛仔骨） 牛仔骨少d牙力都唔好叫，用手撕都唔爛，反而什菌好味。

（宵夜孖寶）即係（雞粥）和（抄麵）粥可以一吃，麵最好就不要吃。

（苦瓜抄蛋）值得要試，唔咸，一口蛋一口飯，送飯一流。

（茄子煲）不過不失。

（芝士汁西蘭花）西蘭花有些未熟，芝士好杰。

總括來說，完全唔掂，吃不落口，但宵夜好扺，如果為填肚，就去吃吧！

** 此 食 肆 的 第 八 個 笑 **尋晚(1462008 Sat)睇完媽媽,同爸爸,大哥及其中一個亞姨食晚飯,爸又揀呢o度.約8:15pm到o黎,嘩!座無虛席,可能係父親節前夕o掛,等o左差唔多15分鐘有枱.今次我同大哥點菜,叫o左:1.$68.00 o既粉葛鯪魚豬(月展)湯原來係大煲o既,男侍應只幫我o地’畢’湯,唔’畢’渣,咁我自己’畢’起啲渣啦.湯濃濃的,唔鹹,OK,亞姨都讚.2.海參一品煲有海參,冬菇,花膠,鮑魚片同生菜,份量o岩o岩好唔多唔少,所有o野都夠腍,味道亦濃.3.唔記得咩名,係一碟有鮑魚片同生菜o既餸呢個會唔會變o左係重複呢?味道都差唔多4.椒絲腐乳通菜味道淡o左啲,通菜唔係炒得咁腍.原來兩樣餸都有生菜,好彩我o地係叫椒絲腐乳生菜啫,唔係就變o左全生菜宴.而早知有咁多菜就叫條魚啦.服務:人太多,服務慢啲係正常,但唔係畀張只有三張椅未執好o既四人枱,就遲遲都唔執o野,反而走去執另一張未入坐o既枱吖,真係唔多醒目.另叫o左三碗白飯,埋單接近$300.00.

因為平dd,bf媽咪係都要堅持去呢間,各樣都差!雖然好多野都加價,令到成本亦都加價,但係呢間酒樓真係好差,今朝飲茶最記得就係d芋頭:叫左籠排骨,但係竟然得三粒排骨,跟住有5條大過火機既芋頭放係底.叫左籠雞紥,但係最大舊最大舊既都係芋頭,有兩舊tim呀,其餘材料少.最最最最最最離譜就係我同bf都叫個(觀)湯餃,首先講湯,就好似有加少少油鹽既水,完全唔似係湯,似拾完隻餃果d水,不過重點唔係呢度,重點係竟然我同bf既(觀)湯餃裡面包住既係一舊手指公塊指甲咁大,而且冇味既豬肉!隻(觀)湯餃除左舊豬肉,其餘都係粉皮!唔係一籠係咁,係我同bf兩籠都係咁!其他點心係同其他酒樓既水準程度以下.環境又唔係好,坐位勁逼,全部同格離果d椅貼椅,出入去toilet都要同格離唔該前唔該後先可以離開坐位.侍應態度亦唔見得好.十問八唔應,又要等好耐先拎野黎雖然呢餐唔係我俾錢,但係我都覺得唔底,最遺撼就係冇影相.總括呢間酒樓各樣都差,唔去好過去

明星海鮮酒家餐單提供粵菜, 廣東, 點心, 酒樓等推介美食位於荃灣區，餐廳座位數未知人均消費約$101-200，結賬可以用Visa,Master,現金,銀聯。

您對於荃灣餐廳「明星海鮮酒家」有何 comment？

明星海鮮酒家餐廳詳細資料：

• 明星海鮮酒家地址:
  荃灣兆和街23號海晴軒1樓全層
  Star Seafood Restaurant, 1/ F, Brighton Place,23 Shiu Wo Street, Tsuen Wan
• 明星海鮮酒家電話:  
• 明星海鮮酒家價錢: $101-200
• 分類: 粵菜, 廣東, 點心, 酒樓
• 座位: 未知
• 付款: Visa,Master,現金,銀聯
• FB專頁: 明星海鮮酒家 Facebook

更多明星海鮮酒家相關資料:

• 明星海鮮酒家分店
• Youtube
• Facebook
• Twitter
• Google