新光海鮮酒家 荃灣

新光海鮮酒家 評價 相片

酒樓內有如老人樂園. 你識我, 我識你, 好不熱鬧！公公婆婆可以無私地為友人留位(就算不知道他/她今天会否來飲茶)婆婆甲:「喂, 陳太呀！呢度呀, 我幫妳留咗位啦......哦！今日兩位呀, 咁唔夠坐啦」跟住婆婆如果又再見到其他老友, 又叫她/他埋嚟坐。

公公乙:「呀老趙, 呢排你都遲過我嘅, 我飲完你先嚟, 要走啦......去買餸呀」但係其實兩人企喺度寒喧幾句。

又或者職員記得晒老顧客的要求或需要......。

場面幾温暖窩心不過論食物質數就真係好照類普羅大眾味精比較好味的有:炸兩, 米槳比澄麵多, 所以米香軟滑, 油條唔老即唔淋糍糍, 好味！飯粒分明, 味道普通實肉有嚼勁ok鮮蝦水餃, 蝦肉爽脆, 木耳多食到嗦嗦聲, 豬肉根又煙韌, 真正爽口彈牙ok過份的有:蝦腸內黏黏的, 似是米槳還未蒸熟, 黏黏pat pat.....rrrrrr....吐粉果的皮太黏了菜餃的皮也唔得, 不能原個入口Step 1 to Step 4 証明一切

臨近年尾~又係團年飯既大日子~依D日子真係一年一度~個個都開開心心~不過黎左依度就......入到去都覺得有少少大鑊~一行入間酒樓~真係想走佬~佢本身唔設房~但係就要用圍版圍四間房出黎~令本身已經好細既地方變得更加細~D人唱K既聲就圍繞住間酒樓~真係繞樑三日~D野食出場啦~燒味拼盤、鵝掌扣北菇、炸子雞、蒸魚、炒飯、炸蝦丸、長壽麵~全部都好一般~好大路~不過最想講係佢個炸蝦丸~真係鹹到呢~~~搞到成晚勁想飲野~咁都好正常既~不過佢都要有野飲先得嫁~飲完罐汽水~想飲下水啦~咁就bye bye左啦~D水好似生水咁~唔滾既~叫佢換一壺黎~一樣~唔滾~倒落個杯度見到勁俗~睇都知唔飲好過飲啦~好彩隔離張臺仲有兩三罐汽水~唔係真係唔知點算~而且成晚都見到D侍應生係唔夠人~完全唔知做咩咁~搞到我入去都唔知係食咩~而且咁岩今次對住佢個出賽門口~見到佢地入面既情況~真係大開眼界~同埋佢出菜出到差少少連門口都出唔到~果真厲害

新光酒樓的名字，過往曾經有過一段輝煌的日子，當時店舖分佈全港九，現在新光酒樓看似減少了，其實新光酒樓集團旗下的酒樓也不少，只不過名稱不是新光吧，例如：百樂門宴會廳、肇順名匯河鮮專門店、鳳城酒家、全聚德烤鴨店.....只不過換另一種經營模式而已。

新光酒樓的名字，有一段日子無在荃灣出現。

直至2007年，新光酒樓再現荃灣，那是座落荃灣寶石大廈的現址了。

今天和太太到新光晚飯，這地點很不就腳，人流也不多，來這裡開餐己是第七次了，過往這裡的食物水準也不錯，我們選用了以下菜色，埋單共186元，最後還有糖水送。

芝士焗大花蝦伊麵：蝦算大隻，質量幾好，蝦身煎到金黃色，食落幾香口好味，而伊麵煮到腍硬度適中，口感幾好，添上焗芝士，小心那厚碟熨手，翻開上層的芝士，熱騰騰的伊麵，即時散發出陣陣芝士香味，美味的配搭。

彩芹美果玉帶：整道菜配料有西芹、紅蘿蔔、腰果及帶子；不老的西芹，配合紅蘿蔔增添美感，腰果炸得頗脆，最重要的是無益味呀，帶子也很鮮甜呢！廚師配以恰當的調味，做出近乎完美的菜色。

XO醬蒸扇貝：粉絲配合XO醬，再加上少許蒜蓉汁，扇貝也很鮮甜，最好食法，將扇貝與粉絲同食，慢慢的咀嚼，會感受到扇貝鮮...醬甜...蒜香...粉絲爽...的口感。

芝麻糊：煮得糊狀濃度適中，送來時熱騰騰，已散出很濃郁芝麻香氣，細嚼下，感覺到芝麻香濃，甜度適中，當然比很多甜品店，做得更加出色啦。

新光海鮮酒家餐單提供粵菜, 廣東, 酒樓等推介美食位於荃灣區，餐廳座位數300人均消費約$51-100，結賬可以用Visa,Master,現金。

您對於荃灣餐廳「新光海鮮酒家」有何 comment？

新光海鮮酒家餐廳詳細資料：

• 新光海鮮酒家地址:
  荃灣沙咀道328號寶石大廈1樓108-109號舖
  Hsin Kuang Seafood Restaurant, Shop108-109,1/ F, Bo Shek Mansion,328 Sha Tsui Road, Tsuen Wan
• 新光海鮮酒家電話:  
• 新光海鮮酒家價錢: $51-100
• 分類: 粵菜, 廣東, 酒樓
• 座位: 300
• 付款: Visa,Master,現金
• FB專頁: 新光海鮮酒家 Facebook

更多新光海鮮酒家相關資料:

• 新光海鮮酒家分店
• Youtube
• Facebook
• Twitter
• Google