敏華冰廳 荃灣

敏華冰廳 評價 相片

我好少去茶餐廳呀，冰室食飯，今次難得嚟荃灣如心廣場附近行街，撞正下晝Tea time時間，見有啲肚餓所以是但揀左一間餐廳入去食下野，亂咁行入依間敏華冰室，因為冇位所以都等左一陣。

一坐低，侍應即刻遞餐牌俾我哋揀咗好耐都諗唔到食咩好，本身想揀依個黯然銷魂飯試吓㗎，但係又驚食唔晒浪費而且唔想下午茶時間就食飯咁Heavy所以最後我揀咗個～茶餐T2黎食！朋友就揀咗個～A2嘅五香肉丁公仔麵&炒滑蛋火腿&多士佢啲炒蛋真係好滑好香基本上係入口即溶，我覺得真係幾好味唔錯唔錯，食到一半我忍唔住講咗一句：「佢啲炒滑蛋真係好好味呀！」而且啲火腿又好香，一啲都唔會油膩，而且佢煎得又唔會話好燶好咸喎，因為有啲茶餐廳嘅火腿煎到油淋淋，見到都唔想食仲有佢啲歐式軟多士都好好味，我係一個對於西多士麻麻哋嘅人，因為唔鍾意食西多士，不嬲覺得好油～但係佢啲軟多士我全部食清光再搽埋佢啲牛油嚟食真係一流呀！又脆又香口，簡簡單單咁已經好好食。

至於佢杯熱檸茶&凍啡就正正常常囉，冇話特別好飲或難飲咁，正常水準。

下次有機會嘅話，再試埋佢嘅 新鮮出爐酥皮蛋撻&黯然銷魂飯先

今日食完午餐埋單嘅時候，收銀服務員(陳嘉欣)態度非常差，本人其實想問蛋tart幾時會出爐，但係當時已經叫左呢位服務員數次先有回應，原因係該位陳服務員當時同另一位同事閒談中，閒談之間非常雀躍，當回應我嘅時候卻面有難色及態度甚差，應該可能係我打斷左陳性服務員嘅關係，所以就換泥如此嘅對待，請貴餐廳跟進一下係咪5休做，咁樣嘅服務態度好難再吸引更多客人光顧，其實其他樓面服務員嘅態度都係一般但係都可以勉強接受，但收銀員就難以接受

三點三落樓下tea一tea先！去左如心廣場嘅敏華冰廳。

叫左個茶餐「榨菜肉絲雞翼米粉」，$39包埋野飲，重大大碗，好抵食呀！米粉軟硬適中又彈牙。

榨菜肉絲少少辣，口感爽脆。

肉絲都幾大條，真係食到肉。

雞翼係炸嘅，食入口好香。

共有兩隻，兩隻都大大隻，好多肉。

餐飲叫左熱檸茶。

檸茶有茶嘅澀味，唔苦。

檸檬好香。

篤左檸檬飲，好酸呀，但係我鍾意。

唔想咁酸可以唔篤或者只篤少少然後攞塊檸檬出黎。

敏華餐廳越開越多,無論去到邊到都見到佢,而且每次都好多人排隊必定有佢原因。

今次已是第二次光顧仍係鍾情黯淡銷魂飯🍛,其實即係义燒蛋飯,但與傳統的有點唔同,厚切义燒,肥瘦適中唔會好燶,但又食到焦脆口感,再加上流心太陽蛋同甜醬油,撈飯真係無得頂

今日荃灣行山之前先食個豐富早餐 疫情下見到舖面每張台都隔左超過1.5米距離 員工探熱同安排入座都十分認真 抵讚！叫左五香肉丁通粉配炒蛋多士 塊多士又厚又超級鬆軟好正 蛋都炒得好香滑 通粉份量足 湯夠味 叫左凍華田飲都好濃 滿足的早餐！

敏華冰廳餐單提供港式, 茶餐廳, 冰室等推介美食位於荃灣區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 23001910 查詢。

您對於荃灣餐廳「敏華冰廳」有何 comment？

敏華冰廳餐廳詳細資料：

• 敏華冰廳地址:
  荃灣大河道98號如心廣場商場二期1樓109號舖
  Men Wah Bing Teng, Shop109,1/ F, N I N A M A L L2,98 Tai Ho Road, Tsuen Wan
• 敏華冰廳電話: 23001910
• 敏華冰廳價錢: $51-100
• 分類: 港式, 茶餐廳, 冰室
• 座位: 未知
• 付款: AlipayHK,支付寶,現金,八達通
• FB專頁: 敏華冰廳 Facebook

更多敏華冰廳相關資料:

• 敏華冰廳分店
• Youtube
• Facebook
• Twitter
• Google