嚐鮮 荃灣

嚐鮮 評價 相片

今次都係睇免費報紙見到有呢間火鍋店，以為係新開，但原來都開左成年個喎，不過地點冇咁就腳，岩晒我呢種鐘意捐窿捐罅搵好野食既人。

講返上星期響報紙見到呢間火鍋店，仲送木瓜雪耳湯底，比其他火鍋店求其送唔新鮮既刺身，送碟鼓油大方得多。

下午七點去到火鍋店，竟然見到.........好多人等位呀!!我同班朋友又冇一早打電話去book檯，惟有等一陣啦，其間見到佢都幾多出面少見既野食。

等左幾分鐘，終於俾左張檯我地啦。

坐低左，第一時間俾張coupon佢地 order左個湯底先，之後再睇下火鍋紙揀左:牛肉粒，本地牛肉，鯇魚片，腐皮卷(佢地自製架!佢話)，仲有佢地話自家即打既 黑松露墨丸，麥提莎墨丸，鵝肝墨丸(味道Good，配搭Fresh)等等....。

同落單既哥哥仔傾傾下，佢話有刺身牛肉都好正，咁我同一班朋友響香港都好少見有刺身牛，最後膽粗粗都試左.........依!~唔錯喎，點少少佢地話牛肉汁既醬料，都幾好食，係其中一樣推介既前菜。

好，逐樣講返d火鍋配料啦:牛肉粒，新鮮，肉味濃 (9/10)本地牛肉，Okay (8/10)鯇魚片，OKay (7/10)腐皮卷，正，夠脆，淥3 秒喎佢地話 (9/10)黑松露墨丸，正，(小弟鐘意黑松露既味) (9/10)麥提莎丸，有創意，有咬口，幾得意 (8/10)鵝肝墨丸，里面既鵝肝都幾大粒，好味 (8/10)刺身牛肉，新鮮，(9/10)湯底，Okay，(唔使錢之餘，仲有好香既椰香味，冇榨流灘) (9/10)佢地仲話，其實仲有得炭爐打邊爐架，響香港，愈黎愈少有啦，下次一定會再黎試，同..........提早Book位。

依晚揀去"嚐鮮"..試下個"重慶麻辣雞煲"除左雞煲..仲有火鍋及日本刺身/海鮮等供應食店位於較偏..又唔起眼既舊式商場店舖內如以舊商場既租金~應該比金舖街果邊低價好多但相對店內食物價格..明顯算高(茶芥$12/位+前菜$10/碟)前菜.."茄汁三文魚"及"蓮藕""茄汁三文魚"..以炸三文魚骨燴洋蔥茄汁味道唔覺特別~同食洋蔥豬扒醬汁一樣只係轉用三文魚骨~醬汁酸甜度較薄身"蓮藕"..夠凍+爽脆醬汁淡而無味~蓮藕完全食唔到咩味送既"三文魚刺身"大約有67小片~肉質都新鮮"重慶麻辣雞煲(半隻..中辣)"上檯聞到好香~辣度好嗆鼻雞肉好滑..但都帶好微微既羶味香料中有..八角, 燈籠辣椒乾, 豆蔻等而味道帶麻辣及好微既咖喱粉味中辣不算好辣~醬汁只屬不過不失以吃過既雞煲而言..唔算有特別好吃感配料亦較少..由其紫洋蔥既份量食完雞煲..加湯轉食火鍋"脆鯇骨腩"肉質新鮮..口感爽彈有魚味"拼盤什菌"..上檯同另一半都O晒咀份量比預期少好多~完全唔值$45整體食店舒適+乾淨~食物質素普通服務都ok~但價格比金還要高(依晚送三文魚刺身及有九折)

花甲很久沒有吃過材料如此新鮮的「打邊爐」！ 本來夏日炎炎，我對「打邊爐」的興致不大，但因朋友介紹推介此餐廳，於是便跟大隊去食。

剛走進店內，感到環境ok舒適企理，先點了店內出名的杏汁豬肚火鍋湯底，然後點了些生蠔、花甲大蜆、象拔螃刺身、聖子刺身、芝士蟹肉手打丸、特色手打蝦丸、黑椒牛丸、各式丸類、雲吞水餃、蔬菜、烏冬....等等美食。

滾熱辣的湯鍋，剛送到上，已聞到撲鼻的杏仁香，店主介紹這是即叫即磨的，所以味道尤其清香，奶白的豬肚湯底，加上杏仁香，用此做火鍋湯底，感覺好新鮮，真是又滋潤，又健康！說時遲那時快，海鮮刺身等食物已送到，一看之下，每碟的presentation 也經過細心的設計，擺設得美輪美奐，不得不讚廚師切象拔螃刺身的刀法，巧奪天工，每一片也大小如一、厚薄均勻，有些刺身上碟的presentations, 更有一點東瀛風味這種對上碟presentation 的講究，一絲不苟，是一般香港火鍋店從來沒有的！Like!聖子刺身和象拔螃刺身，我之前未試過，一試難忘，肉質鮮甜爽口！Like!生蠔、花甲很新鮮！很少在火鍋店吃到這水準海鮮！原來花甲在杏汁湯底之中灼熟後，味道更加鮮甜，請不要誤會，杏汁豬肚湯是清香，並不是糖水的甜，我所講的鮮甜，是來自手掌般大隻的花甲！一食難忘！各式肉丸也很好吃，尤其是手打丸類，屬信心推介！ 其餘食材，甚至普通栗米，也是很新鮮肥美即使是烏冬麵，也非平常超市買到的質素，口感嫩滑，對於一向不太喜歡吃烏冬的我，也讚不絕口！最後總結，這是一餐非常滿意，十分滿足的「打邊爐」，我一定會再回來此店，服務態度也很親切，原來此店除了火鍋，也有小菜，下次我會再試！

每次行經門口，都見好多客，終於忍不住約三五知己試試餐牌最多的肯定是主打的火煱，其次則是刺生，"嚐鮮" 是一個廣東 Shabu Shabu 與 日本刺身 Crossover 的食肆。

先試下法國生蠔，OK，有海水味，蠔味亦重。

跟住叫左個8點刺身拼，份量足(三文魚﹑牡丹蝦﹑吞拿魚﹑帶子﹑八爪魚﹑文甲魚，夠鮮。

跟住叫個冬瓜瑤柱雞腳煱，開始今次火煱之旅….三秒腐皮：全晚最期待的一味，新鮮炸起，上檯還是熱熱的，聞起來很香，酥脆不油，真係聞名不如見面，比想像更好食，真的只要三秒，不能多，亦不可少。

白鱔片：很新鮮的魚片，切得頗為薄，不能淥得過久，否則便會失去鮮味自制蝦滑：超爽口彈牙，必試之選這裡有魚池養海鮮，所以海鮮都是即點即劏的，非常新鮮。

蟶子皇很爽甜，肉質肥厚，無沙，$38一隻不算太貴。

其實這裡丸類和餃類都出名的，四寶丸：全部新鮮肉類打成，有墨魚丸,蝦丸,豬肉丸和牛肉丸，各有特色，是個不錯的拼盤。

這裡包的餃都是皮薄的，而四款餃之中我愛吃韮菜餃，水餃的餡料很飽滿，裡面的木耳絲特別爽脆，鮮蝦又夠彈牙；餘下的兩款餃也很出色。

直得一提，去到一間新試既火煱店，當然問下侍應有咩好介紹啦，侍應介紹 ”封門柳” 每隻牛不夠一斤，好難找到，要預早幾日訂，因個晚有熟客訂，而賣淨一份，咁講當然試試啦。

一食，嘩…..從未食過咁重牛味既牛肉，牛味濃而不膩，吃多了也不自覺。

侍應亦講，其實呢度仲有好多野食，因魚缸細，沒辦法放太多特別海鮮，呢度D客有時想食龍蝦刺身，阿拉斯加蟹，黃皮老虎等等，都預早訂，即刻問侍應拿電話，方便下次訂。

另一驚喜，被侍應偷聽到其中一位朋友生日，侍應送上一個迷你三文魚蛋糕這日埋單每人消費$340，並不便宜，卻是物有所值！

昨天跟友人往嚐鮮火鍋,之前跟友人都未有聽過,係友人上OPENRICE找出來,所以就試下. 不過真的好難找,地圖指示不大清楚,要用電話的導航先找到. 之前已經BOOK了枱,所以去到都唔駛等. 場面都記擠迫,枱與枱之間係好近,仲要不停有人等位………….. 叫了個湯底,杏汁菜仔白肺煱,裏面真的好多料,而且味道好濃另外叫了以下火煱料手切牛肉 紋路均勻,肉味好濃,不是入口即溶個種,已係好鬆化同有口感的(叫了2大碟) 手打丸: 墨魚膠/蝦膠,4寶丸,黑椒牛丸, 好彈牙,有肉味餃子: 麻辣餃,蕃茄餃,皮薄肉質好鮮,好多餃裏面都加了不同的爽口配料,食落不會漏的感覺牛胸尖: 第一次食,不大接受,不過幾得意即炸魚皮:鬆化,OK貴花蚌好爽,好鮮甜黑栢葉好爽魚卜OK新鮮黃沙豬潤,好有驚喜值得推薦,和風海膽餃及鵝肝鮮蝦丸，裡面真係有鵝肝同海膽此間火鍋店,食材新鮮, 是價錢合理, 招呼OK啦,因為真的好忙,不會怪他們的. 雖然對我來說,不太就腳,但係食物質素咁高,我一定會再來的真的要嘆句簡簡單單的要求食物新鮮兼無添加, 愈來愈難求! 短短一個月內幫襯了2次, 2次均找到要再來的理由手切牛肉難得有牛味的牛肉味道並非一口油的無味和牛可比！ 原隻象拔蚌,不知是半個老闆還是老店員的男子大力推介，終於經不起海鮮誘惑，幸而不負期望，可口非常，刀功的功勞亦不少！ 皇帝菜：不止鮮嫩，難得還會洗菜，現今大部份火煱店提供的菜大多仍是沙泥滿佈，又加分烏冬：粗幼似意粉，爽口彈牙，原來產地是日本杏汁菜仔白肺煱：來到一滾起即喝一碗，一點味精也沒有 環境：一般飯館格局，我２次也是情願坐街邊呼吸新鮮空氣

嚐鮮餐單提供日本菜, 火鍋, 壽司, 刺身等推介美食位於荃灣區，餐廳座位數80人均消費約$101-200，結賬可以用Visa,Master,銀聯。

您對於荃灣餐廳「嚐鮮」有何 comment？

嚐鮮餐廳詳細資料：

• 嚐鮮地址:
  荃灣荃富街12-28號富麗商場B座地下50-52號舖
  Fresh Taste Hotpot Restaurant, Shop50-52, G/ F, Block B, Wealthy Shopping Acrade,12-28 Tsuen Fu Street, Tsuen Wan
• 嚐鮮電話:  
• 嚐鮮價錢: $101-200
• 分類: 日本菜, 火鍋, 壽司, 刺身
• 座位: 80
• 付款: Visa,Master,銀聯
• FB專頁: 嚐鮮 Facebook

更多嚐鮮相關資料:

• 嚐鮮分店
• Youtube
• Facebook
• Twitter
• Google