君豪食軒 荃灣

君豪食軒 評價 相片

最近經過見到佢新裝修好似幾靚，但都決定食埋佢嘅外賣系列😙😙本來想叫no. 10 ，11！但係no. 11嘅砂礓雞飯，佢話冇啦！唔知係賣晒定唔會出呢？😔😔～～～白菌汁雞球飯～～～特登叫咗多汁，佢都比左好多😘😘，白汁味都幾香有菇菌味😋😋！另外雞肉份量有57塊，肉質比想像中更加嫩滑，無骨啖啖肉最好食😂😂🤴🏻就叫咗no . 6 嘅蒜蓉雞扒飯，上次寫咗今次唔多講啦，但🤴🏻話覺得今次茄汁味重手左，完全食唔到蒜蓉味！不過都係好味嘅🥰🥰下次試吓入去餐廳坐下感受下新裝修先😊😊

落完order 操大陸口音女侍應 凍奶茶落左凍檸茶都算 改返之後黎左杯熱holick。

到正餐黎 又落錯野 我同佢講 我唔係嗌呢樣 佢幾次拒絕幫我換返 仲話「係你自己嗌錯咖喎 咁你咪姐係要搞到我比人鬧」 唔肯換。

請問本身我嗌 一個馬拉盞炒飯，一個豬扒煎蛋米線， 你黎左一個豬扒煎蛋米線 一個豬扒煎蛋茄汁豆，點樣照食？？ 最後要另一個人黎 我解釋返晒 先幫我換。

最後比埋個飯既樣你哋睇。

平時食到差野我都算 今次真係忍唔住開個account 留差食評。

食物認真唔掂，豆腐火腩飯，亂咁黎既，肉多，豆腐得2舊，比例非常唔正常！仲求其俾左推火腩既皮我。

服務員態度差，食得非常不安落，無禮貌，食物差，態度hea，愈來愈少客幫襯了。

細個有朋友住喺梨木樹， 10幾年冇去過，今日特登走去緬懷一番，入村之前去咗呢個商場度搵午餐食，見到呢間茶餐廳，好似幾多人，入去試吓下午茶時間，就咁睇下午茶餐唔算好平，兩個人叫咗一個超值任選套餐，再叫咗個奄列餐。

超值任選套餐$35太陽蛋煎到脆邊嘅效果，但午餐肉係完全冰凍嘅，可能係預你浸落湯度食鮑片一如所料，份量唔多，湯底偏淡，冇咩味奄列餐$40呢個餐貴左$5 ，由餐肉煎蛋變成奄列，切開奄列仲有蛋汁，奄列亦都夠大份叫咗碗沙嗲牛肉米，牛肉煮得幾淋幾入味，湯底同碗麵一樣，都係偏淡，好彩有啲沙嗲牛汁調味用膠杯裝熱飲，夠大杯，但熱檸茶嘅茶底有小小「澀」口兩個人，好又一餐，唔好又一餐

向來我都支持小店！但這一次真係搞唔掂...！希望只是這款菜式！眼見餐廳內，其他食物，看似都沒問題的！寫這一篇食評，是希望提醒大家，不要點這菜！也希望提醒一下店家！必定要改良一下這菜！工作上經常四處走的我！這次來到梨木樹！平日我多會到隔壁的五十嵐！坦白說，五十嵐也不是什麼好東西！（有機會再寫一篇！）所以這次就試試新野！在門口被冬蔭公三隻字吸引！店內亦坐無虛席！心想問題不大了！但沒想到，冬蔭公一上台！就心知不妙了！深紅色、結結的湯底！有一陣燶味！吃一口！大件事！可以立即放低走嗎？抱著不能浪費食物的心態！勉強吃下了多口！但奮戰後仍剩下大半碗！這完全不是冬蔭公！有點燶的辣椒，有點「益」味的花生碎，伴著芽菜絲、粗河粉，再加上少少海鮮（青口新鮮，正常麵粉蟹柳、小量「硬」魷魚、細小蝦仁、腥「鞋」急凍魚柳！現在回想起，當我點冬蔭公的時候，下單的收銀提點了我一下，這是辣的！我當時還想，冬蔭公當然是辣的！現在要想，難道他想提示我，不要點？

君豪食軒餐單提供港式, 茶餐廳, 冰室等推介美食位於荃灣區，餐廳座位數128人均消費約$50以下，結賬可以用現金，Booking訂位可以電話致電 34469382 查詢。

您對於荃灣餐廳「君豪食軒」有何 comment？

君豪食軒餐廳詳細資料：

• 君豪食軒地址:
  荃灣梨木樹商場1樓130號舖
  Pride Kitchen, Shop130,1/ F, Lei Muk Shue Shopping Centre, Tsuen Wan
• 君豪食軒電話: 34469382
• 君豪食軒價錢: $50以下
• 分類: 港式, 茶餐廳, 冰室
• 座位: 128
• 付款: 現金
• FB專頁: 君豪食軒 Facebook

更多君豪食軒相關資料:

• 君豪食軒分店
• Youtube
• Facebook
• Twitter
• Google