千色車仔麵 荃灣
地址: 荃灣兆和街49號地下
最後更新:
千色車仔麵推介
提供超過二十多款配料，推介豬大腸、魷魚、牛腩及冬菇。配料入味，內臟亦清洗乾淨。如喜歡辣的則可加上店方自家製的辣椒醬。
荃灣千色車仔麵
| 餐廳分店 | 千色車仔麵 |
|---|---|
| 地區 | 荃灣 |
| 電話訂位 | 24922831 |
| 餐單 Menu | 港式 |
| 人氣指數 | 941 |
| 價錢幾錢 | $50以下 |
千色車仔麵訂位位於荃灣區，詳細地址是荃灣兆和街49號地下，餐廳寬敞座位數目共有未知幾多個。千色車仔麵幾錢？價錢優惠後人均消費大約$50以下埋單，早餐午餐晚餐千色車仔麵餐單包括有港式等美食，付款方式有AlipayHK,支付寶付款，Booking網上訂位可以電話致電 24922831 查詢訂座。
千色車仔麵優惠
千色車仔麵 評價 相片
相信車仔麵無咩香港人無食過。
但攞到米仔嘅推介就唔係個個食過。
今日去開荃灣開會，見到車仔麵，諗下諗下都好耐無食，於是膽粗粗入去試下。
每次食車仔麵通常都食油麵，望下d 餸，揀咗豬腸、魷魚、牛腩、魚皮餃、少辣，加埋杯豆漿盛惠$64，話貴唔貴、話平唔平！先黎試下個辣，兩個字無乜！係無乜特別，再試豬腸，正常質素跟住魷魚，無想像中好食。
以前洪水橋有間8哥就好食10倍。
再黎牛腩，中規中矩，細細粒，普通最後，魚皮餃，估佢係來貨，但估唔到最好食係佢。
食完結論係，好肚餓，可以一食。
有得揀，可食其他。
黑人問號係，攞咗咁多年米仔，why?
先生成日同我提住荃灣有間米芝蓮車仔麵，一直都想去試下，次次都齋噏，今日趁住行完街，總於可以會一會佢。
鋪頭就喺正千色店側門，一行出門就可以見到大大個紅色招牌。
門口仲有大大個易拉架，原來已經連續四年獲選為米芝蓮推介街頭小食，相當把炮，經常出入荃灣區嘅我哋，居然第一次食。
鋪頭嘅叫餐形式好特別，一般車仔麵店通常喺收銀先點餐付費或者坐低慢慢喺點餐紙圈低食物再落單，呢到係需要食客行埋廚窗直接講出想食啲咩，然後即時製作並收錢，好處係可以望下有咩食同食物嘅質素再落單，而且睇得出食物排佈得井井有條，感覺衛生；但缺點係唔太方便，而且食客對住廚窗落單，難免口水花四濺，變相影響衛生。
我揀咗牛腩、豬皮同蘿蔔，配搭小辣湯底同米粉，湯底味道唔錯，配上辣汁令味道更鮮濃，辣道亦適中。
牛腩細細粒，雖然份量唔算多，但炆得夠軟腍，而且相當入味，非常推介！豬皮質素亦唔錯，處理得好好，冇一般食到嘅腥臊味，反而吸收哂湯底嘅精華。
先生嘅口味同我大同小異，有牛腩、蘿蔔同豬紅，豬紅同樣入味，而且口感嫩滑。
食完之後大抵明白點解佢可以得到米芝蓮推介，食材新鮮入味，湯底鮮濃，而且價錢非常合理，絕對有資格成為荃灣街坊嘅平民飯堂。
大概香港人要求高，我認為車仔麵就應該以車仔麵嘅準則去判斷，畢竟佢只係一間小麵店，假如因為佢曾經得到過米芝蓮認可，就以五星酒店嘅準則去判斷佢，亦未免太唔公平。
千色車仔麵呢間位於荃灣千色後面嘅車仔麵已經連續幾年獲得米芝蓮推介，餐廳細細但係成日都好多人，雖然款式唔算好多但的確好味。
同一般嘅車仔麵唔同，湯底只有一款，另外可以再選擇加唔加辣醬，雖然係咁但佢嘅湯底的確好濃味，而且佢嘅辣醬非常之香同惹味，係成個面嘅精髓。
配菜方面，今次試咗滷水雞翼、響鈴、咖喱魚蛋、魷魚、魚肉、牛柏葉、蘿蔔。
大力推薦佢哋嘅魚肉，真係非常之滑，又好有彈性，係我暫時食過最好食嘅魚肉！魷魚亦都爽口但係唔韌，用過啲咖喱辣汁醃制，都算唔錯。
至於其他餸菜都正常水準，唔會令人失望。
整體來講個車仔麵勝在佢嘅辣汁同埋湯底夠正，選項就唔算多，但食落都幾惹味，不過如果唔食得辣嘅就可能會覺得遜息咗啲，因為佢大部份配料都係就咁滾熟，如果冇咗個辣汁就會淡味咗啲。
價錢方面面底$10，至於啲配菜就有$6至$12不等，平平哋不過份量唔算太多。
順帶一提，佢哋係坐低之前係個廚房度落咗order收咗錢先，但係負責煮面嘅嗰個人經常聽唔到客人要啲咩，搞到經常出錯，所以大家去食嘅時候記得睇緊啲，make sure佢煮啱你碗麵！味道: 4.2/5性價比: 4/5
前日(12102019 Sat)朝,同老公剪完髮都接近晏晝,由於佢喺KFC食得唔開心,所以要食個晏,我就因為飽,食唔到一個餐,只可黐少少,佢就話嚟食車仔麵啦,都好嘅,買一碗一齊食,我就只揀咗豬皮同蘿蔔,其他由佢發辦,佢就要咗油麵,鳳爪,豬腸,豬紅,要包菊花茶,咁就$61.00.我食吓豬腸,口感唔係橙色嗰隻鹵豬大腸咁爽,而係腍,但入晒鹵水味,不過可惜仍食到啲腥味;豬皮口感啱啱好;蘿蔔,豬紅,油麵都正常;鳳爪亦夠腍同入味;而湯底本身都有少少辣.上次幫趁原來已經係14年嘅事,嗰個食評: https://www.openrice.com/zh/hongkong/review/%E7%AC%AC1838%E7%AF%87%E9%A3%9F%E8%A9%95%E5%85%A5%E5%91%B3e2379020
位於荃灣嘅千色車仔麵店，係米芝蓮推介嘅車仔麵，有好多街坊會專登去食，麵底、佐料包羅萬有，亦都有獨家秘製醬料。
一個人收工唔知食咩，做好就去食碗車仔麵！其中牛腩、牛筋、魷魚都係招牌菜。
仲有呢度嘅秘製醬料令人食過返尋味，令成碗麵味道好入味，啲麵索晒超入味。
千色車仔麵餐單提供港式等推介美食位於荃灣區，餐廳座位數未知人均消費約$50以下，結賬可以用AlipayHK,支付寶，Booking訂位可以電話致電 24922831 查詢。
您對於荃灣餐廳「千色車仔麵」有何 comment？
千色車仔麵餐廳詳細資料：
- 千色車仔麵地址: 荃灣兆和街49號地下 千色車仔麵, 49, Shiu Wo Street, Tsuen Wan
- 千色車仔麵電話: 24922831
- 千色車仔麵價錢: $50以下
- 分類: 港式
- 座位: 未知
- 付款: AlipayHK,支付寶
- FB專頁: 千色車仔麵 Facebook
更多千色車仔麵相關資料:
香港餐廳2026推介9月