冠生園美食 荃灣

冠生園美食 評價 相片

係荃灣食lunch，要食到大件夾抵食既都唔會太難。

一到lunch time，呢間野就會好多人，因為佢既兩餸/三餸飯真係好抵食30頭就已經有三餸飯❗️每日都有至少10樣餸揀，花多眼亂我揀左洋蔥茄子，冬瓜豆卜同豬耳。

洋蔥茄子偏咸，茄子再林d就更好啦😌冬瓜豆卜好入味，冬瓜林既好少食到豬耳，佢d豬耳既份量好多，有圖有真相⬇️好爽口，肥同軟骨既部分平均，不過就咬到我牙鉸都軟😂你話會唔會好好食，又唔會，但咁既價錢食到住家菜既味道，份量又夠食到飽飽，夠哂啦

今日如常去荃灣轉車ot遲左唯有出去食唔返屋企煮唸住一過馬路經後巷去後面條街食茶記居然發現呢間野，見到大大只字三送飯30蚊我呆望左陣，但感覺好似好舊無冷氣就唔入去跟住無理照去茶記但去到茶記門口我又停左講真茶記咪又係烏糟又貴d跟住都係翻轉頭試下（終於到食評）揀好三送姐姐會第俾你自己拎去檯度食跟住就送上白飯加一大碗湯我叫左鹹蛋豬肉餅，炒芥蘭，椰菜粉絲。

睇落去，係好頹😂（本人翻機場，對比啟翔員工頹飯堂d送明顯新鮮好多）果然係好食好多，豬肉餅唔算鹹，有小小芝麻味芥蘭仲係綠色爽口ge椰菜粉絲口感好好（可能我味食過那個送）當然送ge份量係岩岩好夠曬你碗大白飯湯係苦瓜黃豆豬骨，本人唔鍾意苦瓜，不過湯完全唔苦，重點係仲好熱，合格但唯一係飯，爛飯，可能拒原本飯唔夠賣，加煮，跟住俾多左水，爛爛地，所以飯扣分😔（第一次食，好多無食過就唔評啦）最後重點30蚊，呢個時勢去邊度搵，啟翔員工都要28蚊，d送凍ge湯又粟ge，呢間好好多，不過女仔就唔建議去，因為晚餐好多麻甩佬（我都係），司機大佬同地盤佬或者好多街坊阿伯呢d，環境就好舊好舊，食材係對得住良心嘅，算唔上極品美食，不過好有屋企飯feel，當飯堂真係唔錯

因為我未試過呢間店舖，所以先想試試，雖然係$20一碗豬扒米線，比其他米線店鋪平少少，一見到碗豬扒米線，只得半塊豬扒連骨，米線勁差，個心立即有中伏感覺！試過今次，我一定不會再來...一定不會再來！

２５日（五）下午五時多來到此間窄巷中的食店，之前在十二時曾經過，門內外已坐滿食客，多是司機、送貨及街坊光顧。

（近沙咀道香港仔一品魚蛋王轉入）             門外有兩張貼牆的檯子，而店內的地方不大，五張卡位四人檯，差不多是背貼背的，至差的是檯下放了雜物，頂腳，另有一張比較大的四方檯。

                食物方面有蔬菜：菜心、西蘭花、芥蘭、豆角、羅漢齋。

肉類：麻辣雞塊、鹵水豬耳、薯仔雞塊、鹹蛋豬肉，豆腐肉碎、紅衫魚、大眼雞、炸倉魚。

。

記不得哪麼多。

因為太多人出出入入，無法拍照。

           點了菜心、麻辣雞塊、鹹蛋豬肉（一小碟份量很小），如北河燒臘飯店要自己拿到檯上的，隨後阿姐送上一大碗白飯及例湯（等於兩碗）。

                   味道方面可以說好味的，白灼菜心無菜腥味，麻辣雞塊是用雞腿的，無雪味而麻辣汁又惹味，反而鹹蛋豬肉無鹹蛋味，豬肉則好像吃豆腐，白飯無麻包袋味，例湯（合掌瓜花生眉豆豬骨）當然是味精湯，但湯味不偏鹹且熱辣辣的。

                 而門外非常多人排隊買外賣，三菜飯加例湯只是＄２５元而已（晚飯送例湯），但不知下午五時後已經是晚飯哩，埋單問阿姐何時收市，阿姐笑容可掬的說晚上八時，但她說至好的是在七時左右前來吃飯或買外賣。

             食物質素及味道，此間賣三菜飯的食店，至少比在同區的河背街兩間難吃的好得多！

呢間可以算係我其中一間飯堂~3餸飯 都係 $20雖然每日既小菜 來來去去都係個10幾20種但好有家庭feel~係呢度 我經常點既有 1.醬爆雞丁,炒得幾香下2.鹵水腸,肚,豬耳, 好味3.炸魚,d 魚 唔多骨4.肉餅,好大舊 撈埋d飯食正5.各種炒菜 ~ok6. 古魯肉 都ok~仲有好幾種~有飯 同 粥選擇如果食中午,又要平,又要ok 呢間唔錯, 唯一係地方窄,同比較殘舊, 仲有 要食好野最好1:30 前去到~ 因為好多時會賣哂d 好野~

冠生園美食餐單提供港式等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 24932572 查詢。

您對於荃灣餐廳「冠生園美食」有何 comment？

冠生園美食餐廳詳細資料：

• 冠生園美食地址:
  荃灣德華街40A
  冠生園美食, 40 A Tak Wah Street, Tsuen Wan
• 冠生園美食電話: 24932572
• 冠生園美食價錢: $50以下
• 分類: 港式
• 座位: 未知
• 付款: 現金
• FB專頁: 冠生園美食 Facebook

更多冠生園美食相關資料:

• 冠生園美食分店
• Youtube
• Facebook
• Twitter
• Google