仙跡岩 荃灣

仙跡岩 評價 相片

豪大大雞扒太好食喇,紅磡「台妹」又遠咯!唯有近近o地,試吓佢整唔整到個風味囉。

有辣有唔辣。

我地要辣既。

睇個樣,好謝….唔似台灣的,睇落去豐厚d、有生氣d。

炸皮唔夠厚。

人地用雞胸肉,一點也不嚡口,佢又係用雞胸肉,但佢係嚡既,塊肉又吸收唔到醃味,無味。

外皮醃味尚可接受,但塊肉無味/嚡口,扣左好多分。

下午6點左右有些肚餓, 但要回家吃飯, 所以2個人選擇了這裡吃脆炸蘿白糕及點了2杯綠茶. 綠茶一般, 普通杯比come buy中杯還要少, 以前蘿白糕的脆面很脆, 是次雖熱但唔夠脆及落了很多胡椒粉, 有點失望.脆炸蘿白糕已由HK$17加至HK$20及綠茶加至HK$19, 埋單要HK$58, 在逆市中靜靜地加價, 難怪會越來越少人.

去開荃灣打算食個 lunch 加上見有一張現金優惠卷($20),, 便入去食點知行到門口簡直一片奇景, 全店竟沒有一個人(備註 : 當時係下午 1:00 鐘)但看了幾篇都好難選擇食咩??事緣發覺餐牌的配搭都非常限制性, 不是每種都有套餐形式, 就算套餐加要指定飲品都要另加 $12 ~~~ 真係好搵笨 最慘麵食都係 set 死晒, 不可自由改配其他麵, 揀起上來令人分外頭痛 我最後給那頭痛的餐牌而求其叫了個甜不辣拉麵套餐($24) + 指定之飲品選了茱香綠茶(但需另加 $12),, 食水都好深 個拉麵只屬一般個湯太清淡了, 而甜不辣就是墨魚餅上面有少許七味粉, 味道同口感都唔錯, 但另外問有冇什麼醬汁或七味粉竟然是沒有就只有包裝式的辣椒醬.食拉麵都不提供七味粉已很差勁 ; 還要收咁高的價錢,, 明顯食物水準求其只求高獲利賺錢~~~~實在太過份了

今日(2032009Fri)放晏晝假,落荃灣整啲o野順便買o野返屋企食啦.諗住去民豐買韭菜餅,去到,冇o既?問吓,話兩點至有.噢,失望添,而望吓,又冇其他o野o岩食,咁算啦.去邊o度食o野好呢?沿眾安街行,好,行去食台灣麵啦,咁行經呢o度,見佢有個牌寫住日式拉麵$24.00,唔…..不如試吓啦,就行返轉頭.開頭冇人o架,係其中一枱兩個男人通知職員,佢就走出o黎,睇吓睇吓,原來$24.00只係一碗麵,套餐就係加$12.00叫指定飲品,見甜不辣.拉麵個名好似好吸引,就問個侍應係咩o黎?佢答係煎墨魚餅,有七味粉o既,如果要唔辣就唔加七味粉.啊,咁我要呢個啦,飲品就要熱苿香綠茶.等o左一陣,苿香綠茶先到o黎,係一個壺加一個杯,侍應幫我斟細半杯先,拎起個杯飲啖先,嗅到淡淡o既苿莉花香味,飲落,兩種味都有,較得o岩o岩好,呢個唔錯o既.等o左幾耐吓,個拉麵終於到o黎,唔大碗,有半隻蛋,椰菜,海帶同粟米粒,食麵先,麵算有彈性,味道淡淡o既,墨魚餅係有墨魚粒o係裡面,但冇乜味亦唔彈牙,粟米粒唔太甜,湯淡淡地,都覺得OK.呢碗份量唔係好多,適合細食o既女仔.環境:我覺得張枱太矮,食得唔係幾舒服.冷氣充足,今日外面都幾熱,入到o黎坐低冇耐,我就已經解晒暑,重決定要熱飲.其他:除o左盛o野食同o野飲o既器皿係可以循環再用之外,其他如筷子同匙就係即棄o既,唔環保;但有個客o黎買外賣o野飲,侍應就同佢講冇膠袋裝住杯o野飲,會用紙巾包住.我覺得有奇怪,環保呢part佢只做一啲唔做一啲.

早幾晚同 fds 食完飯去飲嘢…….一行五人入到去….無乜人理…..佢職員將 d 單攤開計數…足足用咗近門口四、五張枱，不過當時無乜人，但也誇張了小小…..隔咗一陣先有人走埋嚟放低餐牌……我叫咗個雜苺雪芭….都唔錯，有苺味…..但叫了少甜都略甜…..fd 叫了小麥草，佢話淡而無味….另一個叫了檸檬小麥草，佢話有小小檸檬味咁啦….其中一個唔記得叫咗乜…..佢話好甜囉…..最好係叫了杯茉香珍珠…..佢話幾香茉莉味…..總括而言…..去台式飲店，叫珍珠奶茶都係隱陣 d…..

仙跡岩餐單提供台灣菜, 台式飲品, 咖啡店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「仙跡岩」有何 comment？

仙跡岩餐廳詳細資料：

• 仙跡岩地址:
  荃灣眾安街13-19號地下A舖
  Saint's Alp Teahouse, Shop A, G/ F,13-19 Chung On Street, Tsuen Wan
• 仙跡岩電話:  
• 仙跡岩價錢: $50以下
• 分類: 台灣菜, 台式飲品, 咖啡店
• 座位: 未知
• 付款: 現金
• FB專頁: 仙跡岩 Facebook

更多仙跡岩相關資料:

• 仙跡岩分店
• Youtube
• Facebook
• Twitter
• Google