中華絕味王小吃 荃灣

中華絕味王小吃 評價 相片

呢排英超聯賽，男朋友星期日約左班friend上屋企睇波，叫我幫手買口立濕睇波啦，諗住都只係買薯片花生嗰啲例牌嘢，點知俾我醒起呢間!!嘩haha~~~登登~~就係鴨頸同鴨心！！！我男友以為我係滷水店買啦，仲問我做咩學埋啲伯父買呢啲嘢食，hehe，食完之後佢話睇波一流仲讚不絕口呀!!!我上次試左鴨舌，諗住今次睇波要d食得方便ｄ啲，老闆娘介紹我買鴨頸同鴨心，鴨頸同鴨心都係麻辣味，冷盤咁食，口感由凍變麻再到辣到慶..再飲啖冰凍啤酒落去，嘩!!!簡直正到爆炸!!!!d 鴨頸都有好多肉，又夠嫩，冇鴨騷味，因為只得辣味，而鴨心就其實好似鴨腎咁，但冇鴨腎咁硬，比較淋身，因為啖啖肉，所以食落比較辣，攻到上鼻，而且好入味~~唔係得表面有味，所以非常唔錯!!!!最重要係佢冇雪味。

呢間野係唔錯!!!重點係…..佢班friend話佢女友咁醒~!!!識預備呢d特式小食!!睇波小食推介！嘩haha~~~佢咁威，氹得佢好歡喜啊!!!!!各位荃灣區嘅姊妹不妨試下買俾你男友睇波食啊!!!推介呢間!!!!

係同事口中知道荃灣開咗間賣台灣小食的小店,由於超喜愛食鴨舌同鴨心,所以成日都想去試吓,睇吓係唔係同台灣食的一樣,但佢個位真係唔太就腳了,所以只好收工係愉景飛跑過來.前晚終於有點時間,專登行過來買了鴨舌($40)同一份鴨心($28).鴨心和雞心吃起來好像,一口一粒很好吃,肉質軟中帶Q,唔算太辣鴨舌當然無得彈, 比起老天祿更惹味, 如果唔太食得麻辣的朋友可能接受唔到, 不過可以訂原味或特辣,真係細心.我當日已經訂了特辣, 不過要兩日後先可以交貨,不過為了要嘗下咩叫地獄式麻辣,我等你.最後如果佢開分店愉景係或者有送貨服務,我一定會日日食的!!

已經好耐冇來荃灣喇...男朋友要睇佢喜歡的電腦野,所以行左去荃昌個邊~行行下見到有間賣台灣小食的商店,有2個人排隊中...所以我就行去8下睇睇有咩台灣小食先.原來係賣鴨舌,鴨腎,海帶絲等涼菜...見前面位c9買左鴨舌,海帶絲,腐皮,應該幾好食因為香港好少有鴨舌食, 我就買$40鴨舌同2個鴨腎比男友填下肚先初初我唔敢食麻辣野,但見有c9買,就試下啦.一食,好多汁,d麻辣即刻標出來...攻到上頭!!!!!不過真係好正~好好味~c6就食鴨腎先,佢講好入味,好新鮮,同好大個下...我之後都食左佢一舊~估唔到口感係咁既正...幾得意呀!!!總之就very good,$40鴨舌有1618條都係2元條到,相比其他地方真係好抵食.

放左工落到荃灣,同朋友食飯未夠鐘又少少肚餓,睇下附近有咩好食先…經過荃昌中心路口見到有間賣台灣鴨舌,鴨翼,鴨架的店舖,好吸引的冰櫃自從3年前去台灣食過鴨舌之後真係念念不忘, 想係香港食其實都幾難, 今晚就有幸試下吧一行入去店員已經好有禮貌向我介紹鴨翼,鴨架,鴨脚同店鋪的鎮店之寶鴨舌.最後我揀左 100g鴨舌,100g鴨翼,1個鴨架.因為店舖仲有我喜歡食的涼拌菜如海帶絲,豆腐皮不過約了朋友食飯,所以唯有下一次吧.原來都幾平,鴨舌$40/100g,鴨翼$18/100g都有4隻,鴨架$6一個,總數$64元真係好OK.買了後第一時間先試下鴨舌.真係估唔到辣得過引而且辣度好適合我(一般唔食的大辣的人), 大約10秒後個麻辣的感覺出來了,好正越嚼越香.不用10分鐘就食晒了100g了.到食鴨架,好香好辣,係另外的一種辣,而且好多肉同軟骨.最後試一隻鴨翼先,好感受到滷汁滲透入肉骨之中,真係越食越香越夠味.讚!

中華絕味王小吃餐單提供小食店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「中華絕味王小吃」有何 comment？

中華絕味王小吃餐廳詳細資料：

• 中華絕味王小吃地址:
  荃灣西樓角路202-216號荃昌中心昌寧商場1樓23A號舖
  中華絕味王小吃, Shop23 A,1/ F, Tsuen Cheong Centre Cheong On Building,202-216 Sai Lau Kok Road, Tsuen Wan
• 中華絕味王小吃電話:  
• 中華絕味王小吃價錢: $50以下
• 分類: 小食店
• 座位: 未知
• 付款: 現金
• FB專頁: 中華絕味王小吃 Facebook

更多中華絕味王小吃相關資料:

• 中華絕味王小吃分店
• Youtube
• Facebook
• Twitter
• Google