hōmubyfavilla 荃灣

hōmubyfavilla 評價 相片

有時路過愉景新城，發覺有間餐廳裝修好別緻，以木製家具做裝修，燈光柔和，好有文青feel，加上特別嘅菜式，例如bailey飲品、日式西餐、特色嘅咖啡等等，都好吸引人去打卡嘗試。

適逢禮拜五，我終於約到朋友去一齊試依間文青cafe，我哋7:00去到，啱啱好坐到佢最後一個位。

我哋坐咗係最入嗰邊，隔離有啲花嘅裝置，原來依個Cafe會買埋乾花，例如繡球花等等，成件事都好match cafe嘅文青風格，另外都有個Menu講買花嘅嘢，有興趣嘅朋友都可以望吓。

之後我哋就睇佢嘅Menu，有我期待嘅日式西餐，有all day breakfast，意粉、飯、扒餐，同埋一大堆特色飲品。

我哋叫咗一個蒲燒鰻魚滑蛋飯，蟹肉味噌忌廉蛋黃汁闊條麵，同埋是日蛋糕。

果兩個日式西餐附送湯，所以今次冇叫到嘢飲。

等緊嘅時候，我哋喺度研究緊佢嘅花，研究到咁上下，第一個定食就來啦。

蒲燒鰻魚滑蛋飯（$128）+ Homu湯：湯好特別，湯底係蘑菇忌廉base，但係配嘅係蕃茄同蜆肉，成件事幾特別，蘑菇味帶少少酸甜，但幾match。

飯質黏口，果然係採用日本米，頂頭有啲紫菜，更加好味。

鰻魚配上燒汁幾唔錯，鰻魚肉質幾好，唔似雪藏貨。

滑蛋好滑，沙律配埋黑醋都幾Fresh。

蟹肉味噌忌廉蛋黃汁闊條麵（$118）+Homu湯：呢碟闊條麵雖然睇落份量好細，但係佢好足料，其實識落好飽肚。

碟嘅側邊有香草同芝士粉，可以按自己喜好加落闊條麵到。

味噌同蛋黃汁好match，再加埋蟹肉絲陣海鮮味，中和番醬料既濃度，然後闊條麵索晒味，幾好食。

重點係佢蟹肉絲份量好多，唔只係得幾條。

蟹絲充足~痴線碗同餐具都係最後我哋加咗$25食蛋糕。

今日個蛋糕係朱古力蛋糕，中間有啲朱古力忌廉，食落唔會太甜，味道岩唔鍾意甜食但又想食甜品既人！總結，依間餐廳嘅氛圍好舒服，所有嘢都好細緻，無論係餐枱，佈置，甚至餐具，都睇得出花咗好多心機。

而且佢食物質素唔錯，啲餐都設計得幾特別，算係荃灣比較特別嘅餐廳。

如果大家對文青cafe有興趣，大家可以去試吓。

行緊去餐廳時聽到有人話: 呢間餐廳個名全英文又唔識讀, 一定係好嘢嚟啦, 食呢間一定無錯!!!!....well…呢位先生, 今次你又無講錯 bor繼上次食得太飽導致食唔落甜品, 本人死心不息, 係都要食番次甜品先滿足! 入到餐廳見到好多貓貓掛畫, 原來餐廳定期與不同本土創作者合作, 提供場地予他們展出作品, 既可裝飾餐廳, 亦可提供平台予本土創作展示, 令更多人了解及知悉, 一舉多得! 今次展出係蟲與貓! 是次試鰻魚滑蛋飯定食 $128 ~ 蛋超滑, 有蛋味! 鰻魚肉厚, 無骨無魚腥味, 外層燒至香脆, 肉質幼滑! 米是日本珍珠米, 落水剛剛好! 定食 +$25 有是日蛋糕, 抹茶蛋糕! 濃香抹茶味, 芝士又香又滑, 蛋糕餅底鬆軟, 不錯! 因為想食少少咸食再食甜, 所以先來一客小食 “唐揚炸雞配柚子胡椒” $48 ~ 炸雞外皮香脆, 炸漿夠薄, 雞肉 Juicy 多汁嫩滑, 配上新鮮沙律菜, 好開胃! 主角出場: 自家製窩夫雪糕 $78 ~ 窩夫食落無麵粉味, 表示用上幼滑靚粉! 外皮鬆脆, 內裡軟潤, 有質感但唔會太乾太實! 楓糖香甜, 配上自家牛奶雪糕, 及微酸新鮮生果, 好滿足! 註: 招呼服務好, 食物出品上乘,…..記得早早訂位!

想去哩間cafe好耐，依家荃灣都開左分店，即刻約埋朋友一齊去😊 一間好清新柔和感覺既cafe，木系色調令人感覺好舒服，好有家的感覺💛 哩度仲特設2間榻榻米房，好有置身日本既感覺🏘·同朋友叫左2個set dinner🍽 本身想試下個芝香鬆軟班戟🍮 menu樣子好吸引， 但可惜材料未製作好😫 唯有下次再嚟食啦~·☆ hōmu牛肉漢堡配三色蕃薯條HKD$138牛肉漢堡幾大個🍔牛肉結實富有肉汁 咬落好juicy😋三色蕃薯條好特別🌟食落少少甜甜地特別喜愛紫心蕃薯條🍠富有蕃薯香甜味道·☆ 明太子溫泉蛋意粉HKD$108明太子整成既醬汁非常濃郁Creamy程度達💯撈埋碟邊既芝士碎一齊食每一條意粉被滿滿醬汁包圍😋🤩可惜溫泉蛋唔夠流心呢🥚·☆ Iced MatchaHKD$37點左杯冰凍無咖啡成分既抹茶🍵抹茶茶味十分濃郁 甜度亦不高就算啲冰開始溶都無減濃度👍個人頗喜歡 很不錯呢~

有日返工經過呢邊，見呢間野睇落裝修幾吸引，又好似係食d 日式cafe既餐廳，所以就入黎試下啦。

價錢黎講就偏貴，大概都係百零蚊咁上下。

叫左個芝士黑松露野菌意大利飯定食有湯有茶飲，質素就ok啦個意大利飯都唔錯，好重芝士同松露味，食到最後點都會有d溜溜下，所以呢個份量對我黎講係夠架啦，都幾好食。

［荃灣］hōmu by favilla 💛上年試業既時間食過覺得普通但係今次再食發現進步唔少～🥳.日式滑蛋自家製咖喱牛肉定食🍛食剩指數 5/100滑蛋好香好滑淨食已經有調味～日式咖喱好濃佢既牛肉係牛腩位好入味，肉質幾腍配菜既薯仔同蘿蔔加咖喱汁好送飯定食仲有個湯同沙律好可惜個湯係青豆湯（本人好驚青豆）沙律就係蕃薯沙律（如果係薯仔會更開心😂）.蟹肉味噌忌廉意粉食剩指數 : 0/100味噌唔會好咸配蟹肉做意粉感覺都幾新鮮蟹肉數量都唔少加埋本菇幾爽口比想像中好食.baileys latte食剩指數 : 0/100baileys既香味好夾咖啡適合鍾意baileys又唔想太重酒感既人跟餐半價加廿幾蚊都ok

hōmubyfavilla餐單提供日本菜, 西式, 咖啡店, 日式西餐等推介美食位於荃灣區，餐廳座位數60人均消費約$101-200，結賬可以用Visa,Master,AlipayHK,支付寶,現金,八達通,AE，Booking訂位可以電話致電 91339428 查詢。

您對於荃灣餐廳「hōmubyfavilla」有何 comment？

hōmubyfavilla餐廳詳細資料：

• hōmubyfavilla地址:
  荃灣青山公路荃灣段398號愉景新城2樓2013號舖
  hōmubyfavilla, Shop2013,2/ F, Discovery Park,398 Castle Peak Road, Tsuen Wan
• hōmubyfavilla電話: 91339428
• hōmubyfavilla價錢: $101-200
• 分類: 日本菜, 西式, 咖啡店, 日式西餐
• 座位: 60
• 付款: Visa,Master,AlipayHK,支付寶,現金,八達通,AE
• FB專頁: hōmubyfavilla Facebook

更多hōmubyfavilla相關資料:

• hōmubyfavilla分店
• Youtube
• Facebook
• Twitter
• Google