Outback Steakhouse 荃灣

Outback Steakhouse 評價 相片

父親節正日梗係要同爸爸去食餐好架啦🥰今次就去到位於荃灣廣場新開嘅Outback Steakhouse💕之所以會揀呢間扒房係因為朋友之前食過，話服務好好(食到中途會有waiter 黎問你滿唔滿意，餐包同飲品都可以free refill)，野食又好食，所以就黎驗證一下🥰呢間餐廳一直都係人氣之選，大家如果想去食就記得要訂位啦！今次我就我咗差唔多一個鐘😭好彩荃灣廣場同附近嘅商場都好多鋪頭可以行，時間都過得快啲。

首先介紹下餐單，晚餐有4個set 可以揀，我今次就揀咗$530 2人餐再加個意粉 3個人一齊食～如果人多嘅話我就推薦叫佢嘅45人餐，$1600左右但包咗Outback 的皇牌重量級斧頭扒，呢個扒單點就已經要$1050！所以跟餐叫絕對係抵食，而且佢外貌同味道都好吸引，咁啱隔離枱叫，聞到我都想試下，而且係鐵板上同會有職員幫你切，絕對值得一試！首先登場嘅係黑糖麥包，味道酸酸甜甜，加埋Cream Cheese 簡直一流。

而且佢上菜之前會先烘一下個包，等大家可以食到熱辣辣嘅包🥰值得一提嘅係包都可以refill!! 鍾意食包嘅人可以瘋狂refill, 但記得要留肚食之後嘅正餐🤣跟住係是日餐湯 — 忌廉蘑菇湯，湯底好濃郁，蘑菇又打到好碎，食落口感好厚好豐富，湯上仲有一舊麵包糠，趁埋個湯飲一流💕之後係House Salad，擺盤嘅色彩好豐富，用黎打卡一流，而味道一絕🥰好開胃之後上菜嘅係燒帶子煙肉白汁燴飯，煙肉包裹帶子以串燒嘅方法呈現，墊底嘅係白汁燴飯，好新奇。

煙肉包住帶子食落好有層次感，亦鎖住咗帶子嘅水分，好正！白汁燴飯麵都好有水準，夠黏，食落都好飽～跟住係蝦肉意粉，要留意嘅係呢個意粉都幾辣！唔食得辣嘅要小心啲，寬條麵煮到Al dente 又入味，蝦都好新鮮。

最後上嘅係斧頭扒，可以揀7成熟或者全熟。

仲配有飯墊係底，但啲飯係吸咗斧頭扒嘅汁之後偏鹹。

斧頭扒好好好厚！啖啖肉真係好正，而且上嘅時候職員有講如果可以先係近骨位切開睇下滿唔滿意熟度，如果唔滿意嘅話就可以幫我地換，服務一流！總括黎講，Outback Steakhouse 嘅性價比好高！強烈推薦大家黎試下🥰🥰

今日同部門出去食飯，去新開的outback，係荃灣廣場2樓，沒有訂座，好彩還有位，餐廳已經好多人，唔知係咪因為星期五呢。

午餐有餐湯及沙律，雜菜湯清清地又幾好味喎，有d疏菜瓜粒，沙律菜普通。

Outback的黑糖麵包加忌廉冇得輸，幾時都咁好吃，好軟身，一d鞋既感覺也冇，最緊要係仲有得refill。

主菜，同事的ribs，好大份喎加一籃薯條，一碟酸菜，他們說ribs做得淋身又夠入味，好味過另一分店，容易切, 個汁也調得好好。

我的澳坊芝士漢堡包，好有份量呀，賣相吸引，薯好香脆，好好味呀，有一小碟酸菜酸酸甜甜，Good，漢堡個包都好軟身的。

入面的生菜夠脆，芝士半流架，牛肉漢堡好juicy，漢堡都夠厚身，又淋又唔肥，好正呀。

這間分店好旺場，星期五好Full，枱與枱之間有透明隔板，又可以儲印仔換免費lunch，感覺這分店味道也比較好。

好味指數😋😋😋😋回頭指數⭐️⭐️⭐️⭐️開心指數🤗🤗🤗🤗荃灣廣場呢間分店開咗1個月左右～ 環境都幾寬敞，坐得好舒服！午餐仍然會有大家最鍾意食嘅黑糖包，舊肥死人嘅cream 繼續食唔停，套餐有餐湯、沙律同飲品，我今日飲Ice tea 可以無限添飲，我都飲咗兩杯！😋好味推界😋🍴Impossible Bloomin Burger植物肉漢堡($108)對於呢個植物肉漢堡有少少期望！果然食落去係完全口感質感都非常似肉，基本上完全分唔到，絕對可以滿足一聚「想食素」但個心又停唔到「想食肉」嘅朋友～ 講返呢個漢堡，佢舊肉係唔會散開，不過我自己覺得調味鹹咗D，定係因為植物肉本身冇味，只可以用鹹味去補救呢？🤔🍴Tropical Mango Chicken Salad 香芒燒雞肉沙律 ($108)可能呢排芒果都靚，好香甜，成個沙律好清爽，因為其他套餐都以肉為主，食返個沙律平衡下都好～🍴Baby Back Pork Ribs 燒肉醬味豬肋骨($128)豬肋骨一向出色，每次都煮得剛剛好，肉唔硬亦會煮到剛剛離骨，BBQ 醬好惹味，椰菜沙律(coleslaw) 減輕肉嘅油膩感，好味！🍴Grilled Pork Chop Berkshire 燒加拿大帶骨黑毛豬扒 ($148)呢個係最貴嘅套餐，係有D期望，豬扒好厚，燒得好靚嘅格格燒痕，肉質好爽，唔硬，不過就冇咩肉汁，佢個香料飯(Pilaf) 真係好好食！😶尚可選擇😶🍴Chicken Quesdilla 燒雞肉芝士夾餅 ($108)呢個就係正常，可能因為我比較遲食，食嘅時候已經唔熱，好難中肯咁分享佢好唔好食～🍴Crab Stuffed Mushroom 蟹肉釀蘑菇呢個係散叫嘅小食，其實係有D失望嘅，蟹肉唔夠分明，唔太食到蟹肉味，菇本身有少少淡，一般好食！

平日同男朋友打邊爐打得多，今次終於食返啲唔同嘅嘢，點解？因為本小姐生日嘛，咁就去左荃灣行街之後就嚟到呢間outback 扒房食嘢，一入到去環境當然舒服我哋就被帶到去坐卡位係梳發位嚟既，serve 亦都好好喇，之後我地就叫左下圖既豬肋骨配薯條，豬肋骨好入味咬落去仲好冧好好食，薯條炸得香脆一啲都唔油膩，呢間其實我久唔久都會去吓，因為佢連鎖式好多分店好方便，大家不妨嚟試試佢👍🏻

這舖位明明之前ruby tuesday都沒甚麼人客，轉了做outback又非常興旺😨，ruby tuesday 開去海之戀亦人流甚多，新屎坑三日香🤯。

這間分店門口還可以見到有吧枱位置，前面就有啤酒，看見一對父母帶着子女一同進食，坐在高吧枱，未成年兒女也可以試一試坐吧枱的享受。

😎也買了兩個黑糖麵包外賣，店員的服務也不錯，因為有時候，店員聽到你只買兩條黑糖麵包，好像得罪了他一般的樣子。

第二朝將黑糖包弄熱，麵包也相當之軟熟，甜味不算太濃，中間亦都不會太乾，加點忌廉一同進食，不會甜得膩。

很快便吃完，的確是這餐廳最為美味的東西。

而且，$10 一條連cream，比起日式麵包店（如糧友）的小型風吹麵包，划算和實在得多

Outback Steakhouse餐單提供美國菜, 扒房等推介美食位於荃灣區，餐廳座位數172人均消費約$201-400，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 36221001 查詢。

您對於荃灣餐廳「Outback Steakhouse」有何 comment？

Outback Steakhouse餐廳詳細資料：

• Outback Steakhouse地址:
  荃灣大壩街4-30號荃灣廣場2樓248-249號舖
  Outback Steakhouse, Shop248-249,2/ F, Tsuen Wan Plaza,4-30 Tai Pa Street, Tsuen Wan
• Outback Steakhouse電話: 36221001
• Outback Steakhouse價錢: $201-400
• 分類: 美國菜, 扒房
• 座位: 172
• 付款: Visa,Master,AlipayHK,支付寶,現金,AE,銀聯
• FB專頁: Outback Steakhouse Facebook

更多Outback Steakhouse相關資料:

• Outback Steakhouse分店
• Youtube
• Facebook
• Twitter
• Google