Lucky U 荃灣

Lucky U 評價 相片

經過門口被光猛招牌吸引，上前睇吓咩料發現晚餐7⃣️折！膽粗粗入去試吓！入到去見好多嘢玩，但心諗D嘢食掂唔掂㗎！橫掂入咗去就order左個羊架晚餐試吓佢！咁頭盤有黑醋沙律，食完合格有餘！當侍應攞份羊架出嚟！令人喜出望外的大份（因為有四枝骨），戲肉嚟喇；羊架同一般餐廳做法有所不同；因為佢用一些香料封住啲羊架⋯⋯食用後覺得好Juice同埋羊肉混合咗封喺面嘅香料，出奇地好食同一般外面西餐廳很不同！個人感覺好食度直逼高級餐廳！仲要呢個餐包一杯有酒精或無酒精飲品，我當然唔會蝕抵嗌咗杯生啤飲！$268重有7⃣️折真係物超所值！員工又有禮貌！餐吧嚟講，佢哋真係很用心，個人感覺呢間野真係超值！呢度仲有好多嘢食！Full Menu, 一定同屋企人嚟多次試多啲嘢食！PS. 有加一服務費！但佢哋有外賣熱線！自取不加一！重有九折⋯⋯

同朋友去開荃灣行街，想嘗試新食物，加上因為工作煩惱，就想去飲少少酒，愉景新城那邊天橋底下有好多小型酒吧，我們就進去其中一間，環境算大，有大電視，有桌球，飛鏢玩，我叫左1杯有酒精同1杯冇酒精飲品，可以同朋友互相交換飲，這間酒吧的小食很好食，例如:椒鹽魷魚香脆可口，唔會冇水份，避風塘雞中翼，重口味，食食下都唔夠食，太好味，再要個海鮮pizza加肉眼扒,pizza薄薄脆口，十分多芝士，肉眼扒多汁，5成熟，有少許帶血，口感剛剛好

平時返工返學咁辛苦 有時都要約班朋友出去Chill一下飲番杯🍺🍹前排就嚟咗荃灣呢間Lucky U，酒吧有電子飛鏢機亦有圓形美式桌球枱，可以同朋友一齊挽✌🏻雖然係酒吧 不過嘢食選擇款式都五少 有主菜、小食、Pizza、漢堡 梗有一款你鍾意嘅🥰_小食：🌟辣肉腸碎忌廉芝士藍青口 $98小小辣食落去亦都幾Creamy 🤔另外將個汁配埋多士一齊食非常夾🌟椒鹽魷魚鬚 $88魷魚幾彈牙，粉漿夠薄唔會太油膩，作為佐酒小食一流👍🏻🌟避風塘雞中翼 $78🌟日式豚肉焗茄子🍆 $78_主菜：🌟美國安格斯牛肉眼扒 $238肉眼扒肉味幾重😚肉汁豐富 配埋香草牛油令油香更加出🥩不得不提喺呢度嘅伴碟做得唔錯🥰蘆筍、小焗薯及雜菌可以平衡一下肉眼扒既油膩感，雜菌食得出帶有輕微酒香 同朋友都覺得呢個幾好食😆_🌟海鮮PIZZA $148薄餅係酥皮作底，配上帶子、蝦、魷魚等海鮮感覺已經非常豐富😎滿滿的拉絲芝士配番清新嘅番茄醬可以減低邪惡感🍕_飲品：🌟Cocktail: Ice Age $108🌟Mocktail:Rose garden $58🌟Rainbow Shadow $58Rose garden好重菠蘿味，果味會比較豐富😚Rainbow Shadow一層層顏色好靚✌🏻

上星期約左朋友係荃灣食飯飲野，我地去左位於沙咀道既［Lucky U]🍻🍻🍷因為遲左放工去，仲未食飯，好彩依間酒吧有晚餐供應仲有不同折扣優惠添～入面環境比其他酒吧大，樓底都夠高，感覺好寬敞舒適。

場內亦有不少娛樂設施食物種類繁多，有泰式、美式、日式，有小食炸物、扒類主食。

。

定價都合理。

忌廉芝士菠菜葉 $78平日好少食芝士菠菜，個汁又唔會太膩，濃稠適中好想加個飯一齊食西班牙黑毛豬梅肉扒 $148用左梅肉扒比較腍身，表面亦夠香脆，不過略嫌乾身。

配菜反而幾好，香菇好入味魷魚菠菜芝士煙肉忌廉汁意粉 $118真心推介依個意粉！就好似平日carbonara既升級版咁，加多左魷魚、菠菜，非常豐富。

最重要係唔會太膩，個汁既忌廉偏多，所以感覺好滑溜意粉亦夠彈牙，我地兩個人分都食唔哂添，建議多人分享一齊食。

matcha $58 victoria secret $58我地之後點左兩杯cocktail, matcha 味偏甜。

上個禮拜朋友生日所以就同佢來bar慶祝, 呢間係佢指定嘅，因為佢話之前食過，啲嘢食幾好食，氣氛又幾好。

7點來到無乜人，89點之後都多人玩飛標，幾熱鬧。

我覺得呢度d食物幾有質素，更勝飲品。

泰式生蝦：啲蝦幾爽口，一d都唔梅。

泰式醬油幾好味，唔會太咸。

蝦之下有一層冰，保持蝦嘅溫度炸魷魚鬚份量都幾夠23人輕食，炸得幾酥脆，又好熱魷魚彈牙，唔會太韌， 配啤酒飲好爽。

如果魷魚再大條d 就perfect啦！西班牙spare ribs (原條）呢碟真係岩晒我呢d鐘意食肉嘅人！！好大條，而且ribs黎好多肉啲燒烤醬吸晒落啲ribs到，好入味。

肉質夠稔下次來真係必點！黑松露雜菌pizzaPizza有好多芝士，芝士控岩晒！ 溫度夠熱，有拉絲效果。

黑松露味幾足，最鐘意佢餅底邊邊好脆口北海道鮮帶子煙肉菠菜香辣蒜片鮑魚汁扁意粉D帶子原粒上，香煎過，而且熟度剛剛好好食！煙肉增加左意粉的香氣，而且扁意粉好掛汁，整體好夾迷你牛肉漢堡Burger個包體有少少抹茶香，都幾驚喜！ 漢堡好多汁，沙律醬份量剛好，唔會膩用沙律菜中和下，有fresh 感覺。

幾岩女仔拎住黎慢慢食，又不失儀態

Lucky U餐單提供西式, 美國菜, 薄餅, 漢堡包, 酒吧等推介美食位於荃灣區，餐廳座位數80人均消費約$101-200，結賬可以用Visa,Master,現金,銀聯，Booking訂位可以電話致電 28851992 查詢。

您對於荃灣餐廳「Lucky U」有何 comment？

Lucky U餐廳詳細資料：

• Lucky U地址:
  荃灣沙咀道105-129號好運唐樓地下5-7號舖
  Lucky U, Shop5-7, G/ F, Fortune Mansion,105-129 Sha Tsui Road, Tsuen Wan
• Lucky U電話: 28851992
• Lucky U價錢: $101-200
• 分類: 西式, 美國菜, 薄餅, 漢堡包, 酒吧
• 座位: 80
• 付款: Visa,Master,現金,銀聯
• FB專頁: Lucky U Facebook

更多Lucky U相關資料:

• Lucky U分店
• Youtube
• Facebook
• Twitter
• Google