Come Buy 荃灣

Come Buy 評價 相片

晚餐時沒有加飲品，所以晚飯後見有come buy，就打算買杯珍珠奶茶，第一次見come buy原來有位座和有包點賣，不過已經夜了，麵包櫃只餘下三款包點，賣相似乎有點乾，所以好奇完都係只買杯珍珠奶茶，對come buy印像向來一般，假如有貢茶或者天仁茗茶可以選，通常就不會選come buy，但荃灣分店又沖得幾好喎，茶香奶滑，珍珠又多又大粒，而且粒粒都超彈牙好有咬口，我很喜歡咀嚼煙韌的食物，所以對這次杯珍珠奶茶很有驚喜，不過因為珍珠太好𡁻，所以都忍不住跟nosir說笑是不是輪軚或鞋底造😂😂😂不過說笑還說笑，下次再來我還是會因為今次飲到一杯好飲的珍珠奶茶而再次光顧的😊

大年初一，好多鋪頭都冇開，本來約左朋友但未夠鐘，行到悅來坊見到呢間 comebuy有位坐！就打算叫杯野飲，可以坐下，hea時間。

座位就唔係話好多，得3、4張枱，不過唔會好多人買飲品坐，所以都啊需要等位。

大白桃烏龍 $22飲台式野我例牌都要點少甜，有時口快快唔記得就出事…隨時甜到傻。

白桃味唔濃，烏龍茶ok，整體普通，唔係好好飲，亦都唔難飲。

但22蚊黎講，算幾大杯。

以我最初目的，為左hea下，目標達成。

而家周街都係賣珍珠奶茶!有時見到都想嘔!但係E幾日真係好熱!回家中見到COME BUY !!就諗...唔飲奶茶飲其他啦!諗左好耐!就飮朱古力啦!一路睇住佢做!真係快到眼都花!只係一分鐘就有到手啦!一飮....心諗..點解會咁好飮架?回想起之前飲過貢茶啲朱古力難飮到嘔!我諗因為今次我會多啲幫襯!

因為順路，所以成日去飲，但有得揀可情願去citylandmark果間囉，不嬲10次有8次要求轉野都兑現(e.g.要求微甜又唔記得微甜，要求轉細珠不唔記得轉細珠etc...)，咁都算啦，儲足10個印諗住可以free一杯，到換的時候又話熊貓分店個印已無效及咭上寫明最終由comebuy決定，仲話有乜問題可以打去customer service度投訴，雖然一杯野只係值10幾蚊，但呢間鋪嘅突然話改就改 呢位金毛仔既服務態度實在令人反感，以後都唔再幫襯佢

第1次飲comebuy既時候多數都係飲珍珠奶茶..但係睇雜誌都有推介呢個百香果..試過之後又幾好味喎!好似係茶入面有d珍珠,椰果 好香好味道仲可以儲印仔買滿10杯就可以送1杯，都幾好

Come Buy餐單提供台灣菜, 台式飲品, 外賣店等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「Come Buy」有何 comment？

Come Buy餐廳詳細資料：

• Come Buy地址:
  荃灣荃華街3號悅來坊商場地下
  Come Buy, G/ F, Panda Place,3 Tsuen Wah Street, Tsuen Wan
• Come Buy電話:  
• Come Buy價錢: $50以下
• 分類: 台灣菜, 台式飲品, 外賣店
• 座位: 未知
• 付款: 現金
• FB專頁: Come Buy Facebook

更多Come Buy相關資料:

• Come Buy分店
• Youtube
• Facebook
• Twitter
• Google