Chalet 荃灣

Chalet 評價 相片

噚(2352020 Sat)晚同就快生日嘅女友人WK食佢嘅生日飯,原本唔係揀呢間,但之後睇到呢間做o緊5月生日嘅promote,就係送一個自選甜品,兼寫上祝福語,咁就呢間啦.由於怕要等位,所以我就打嚟book位,兼問埋呢個優惠詳情,攪掂晒後,至睇返呢個優惠詳情,要來係要打電話book位兼講明要用呢個優惠,真係好彩.我哋去到都full喇,坐低後,職員講解我哋要用生日優惠,就兩個人都必須要叫主菜,意大利飯或set  dinner.研究咗好耐,我哋決定要兩個set dinner,一個係$298.00嘅美式燒烤醬豬肋骨配炸芝士沙律,$308.00嘅法式油封鴨腿配半熟吞拿魚嫩菠菜沙律.1. 是日餐湯~南瓜湯稠杰度OK,味道都幾濃同甜;件麵包有彈性,微甜.味道:4分2. 頭盤:WK要煙三文魚牛油果芝士卷,我要加$58.00嘅鮮海膽櫻花蝦蔥慕絲.我冇試前者,WK話ok唔錯.而我嘅呢?鬆軟嘅慕絲味道微鹹,幾特別,而且都唔算好細個.味道:4分3. 法式油封鴨腿配半熟吞拿魚嫩菠菜沙律鴨腿皮脆肉嫩亦juicy,不過好鹹.半熟吞拿魚都幾好食.味道:4分4. 美式燒烤醬豬肋骨配炸芝士沙律肉都唔少,但略嫌燒烤醬唔多夠,要問職員攞一碟仔嚟蘸,不過我就唔使喇,可能食慣清淡嘅嘢.炸芝士都OK正常冇問題.味道:3.5分5.是日甜品~麵包布甸唔大件同唔厚,味道亦唔太甜,口感係滑嘅.味道:4分6.生日優惠送嘅甜品,WK揀咗$68.00朱古力心太軟配雲呢拿雪糕啲字寫得好靚,我原本唔諗住食,但WK係都要我食一啖,咁就食吓啦,朱古力漿同蛋糕都唔太甜,朱古力漿都幾杰,唔係幾流.味道:3分7. 最後因為我哋都口渴,所以叫咗一支水,係$28.00,750ml嘅.WK對呢餐生日飯都滿意,咁就好喇.服務:有禮貌,上菜前問我哋係咪Share食,之後全程自動波俾多套公用嘅刀叉.要支水時,職員會問要室溫定雪凍,重要我開頭話要兩支,佢提我好大支個噃,一支夠了.嗰位女職員一直都好記得邊位生日,亦同WK講咗兩次,好有心.環境:全梳化椅,地方闊落,好舒適.其他:有個籃俾客人擺隨身物品.

All in all 簡評：1: 價錢不便宜，但物超所值，餐廳環境、服務、食物、心思，完全值回票價。

抵食：9/102: 地理位置方便，鄰近荃灣地鐵站。

地理：9/103: 菜單上的食物，有好多餐廳自家研發的菜色，不是一般的西餐廳。

創意：8/104: 環境優雅，適合喜歡有格調的人，餐廳內裏的設計似酒莊。

環境：8/10好耐都未食過一間：坐得舒服、食物選材優質、服務一流的西餐廳。

這一間餐廳位置非常方便，在荃灣地鐵站步行數分鐘便到，而且可以沿着天橋一路走，位置非常方便。

很喜歡這裏的服務員，因為全部都着上正裝，而且態度非常好，食得非常舒服。

這裏有着自家製的生啤，都係以餐廳的名字Chalet命名，欣賞。

仲記得以前曾經在巴黎，食餐西餐，都係牛肉同埋扒，餐廳有着自家製的紅酒，有時到這些餐廳吃飯，酒是否好喝是其次，但欣賞這一間餐廳會嘗試自己去製啤酒🍻，誠意真係滿分。

可惜今次去到的時候，店員說賣光了，只好下次再來品嚐。

接着便是頭盤。

頭盤是吞拿魚，這裏的頭盤並不像傳統的西餐廳，以沙律開始，反而廚師精心製作，以大約一成熟的吞拿魚刺身，作為這一餐的起點。

頭盤完之後，便是湯。

之後嚟嘅係洋蔥湯，非常稱讚這一個洋蔥湯，但不得不提的是他旁邊這一個麵包，麵包新鮮焗製，非常鬆軟。

之後就係來到這一餐的主菜，西冷牛扒， $378。

這是整個晚餐菜單裏，最貴的一道菜。

但我可以說，這一個牛扒三成熟，廚師控制得非常好，在配搭埋野生的西蘭花，加上車厘茄，完全可以平衡牛扒時的油膩感。

西冷牛扒，筋和肉，都非常分明。

飲品來了一款Kopi Teh，是Irish Coffee的變種，是這一間餐廳的秘製Cocktail。

甜品來的是麵包布甸，不過不失。

如果你是慶祝生日，或是慶祝紀念日，我都推介這一間餐廳，會有一個不錯的體驗。

搭車返屋企的時候成日都經過呢間餐廳已經好想試㗎啦,今日同兩小行完荃灣宜家就決定去試餐廳裝修典雅富格調,帶瑞士小木屋風格,分木製桌椅的戶外區及典雅舒適的室內區是日餐湯甘筍薑忌廉湯,質感濃稠,味道清甜,口感幼滑,加了薑所以帶少許辛辣味,配埋外脆內松軟帶奶香味的餐包,暖胃又滋味半熟呑拿魚伴三文魚籽呑拿魚四邊略為烤過內裡依然粉嫩,配埋鹹鮮的三文魚籽,鮮香滋味美式燒烤醬豬肋骨配薯條・火箭菜沙律豬肋骨烤得火候剛好,骨肉輕易分離,肉質軟腍又帶肉汁,配埋美式燒烤醬經典又惹味美國頂級牛胸腹肉·牛骨髓牛胸腹肉油脂較少,但肉味濃,肉質堅韌富彈性烤牛骨髓脂膏飽滿,油而不膩,口感如豆腐滑溜,加上焦糖脆面,入口甜美脂香黑松露片意大利飯配美國大啡菇牛肝菌泡沫意大利飯香糯帶米骨,每粒飯都包裹着香濃的醬汁,配埋即刨黑松露片,菌香四溢,加上肉厚香滑的大啡菇及面層的牛肝菌泡滋味無窮時令生蠔餐廳採用西班牙珍珠蠔,蠔肉肥美厚身,海水味濃,入口清甜爽脆芝士薯條薯條炸得金黃香脆,加上半溶芝士營造拉絲效果,超邪惡是日甜品意式奶凍奶味濃郁,口感滑溜,配士多啤梨醬就最夾

今次揀左荃灣既餐廳試下見評語都幾高😁環境好靚，好鍾意佢餐廳既設計服務員又細心又Nice食物質素又好好🥰👍❤ 半打蠔👍3款口味既蠔都好鮮好好味。

❤ 飲品左: Girls Generation對我黎講比較酸(個人問題本身自己唔食酸野)不過係幾好飲，令人好開胃。

右: Passion呢杯相比甜啲！I Like It😆❤ 香辣牛肉他他👍個辣味剛好！如果怕生牛肉有陣味！呢個辣味係完全僻走左，好味👍同埋口感一流。

❤ 香煎鵝肝配蘋果蓉👍食過最好味既鵝肝！外脆內軟！加埋蘋果蓉真係好夾！❤ 龍蝦湯👍同老公都暫時飲過最好味既龍蝦湯龍蝦味好濃郁，應該有加埋蝦殼去淆。

❤匈牙利牛尾湯呢個湯好足料足料到每啖都要咬所以飲呢碗湯都飲左一段時間🤣❤ 美國頂級牛胸腹肉。

牛骨髓個牛骨髓，我同老公都有啲失望因為都比較甜😵個焦糖蓋過左牛骨髓既味而墊底既黑松露薯蓉好滑好香👍正！牛腹肉5成熟剛好👍唔洗點汁都好食❤ 生日甜品我睇到評語有人要求可以畫公仔見到人地隻小丑女畫得咁靚我order左老公鍾意既IRON MAN❤老公都讚畫得好靚🥰帶眼鏡個女侍應仲喺老公背後打手勢佢數1，2，3後，我地就唱生日歌女侍應都好熱情好識搞氣氛🎉🎊👍非常滿足既一餐！老公都讚呢間餐廳好有質素👍

4個大人食左$1377每個人有人頭費，一個人大概350！只有bottle Water ，無水供應！食物質素OK 啦！但 唔值250/230一個dish law!D 服務質素d 麻麻，想係高級餐廳但d waiters 唔試 係俾後面收碟，係你對面收又over your head！！！個人意見only

Chalet餐單提供西式, 多國菜等推介美食位於荃灣區，餐廳座位數未知人均消費約$201-400，結賬可以用Visa,Master,現金,AE,銀聯，Booking訂位可以電話致電 37052125 查詢。

您對於荃灣餐廳「Chalet」有何 comment？

Chalet餐廳詳細資料：

• Chalet地址:
  荃灣青山公路407-411號金荃大廈地下B鋪(8咪半對面)
  Chalet, Shop B, G/ F, Kam Tsuen Mansion,407-411 Castle Peak Road, Tsuen Wan
• Chalet電話: 37052125
• Chalet價錢: $201-400
• 分類: 西式, 多國菜
• 座位: 未知
• 付款: Visa,Master,現金,AE,銀聯
• FB專頁: Chalet Facebook

更多Chalet相關資料:

• Chalet分店
• Youtube
• Facebook
• Twitter
• Google