磯陣 美孚

磯陣 評價 相片

是咁的，晚上工作加班太晚又想在美孚享受獨樂樂，就來就腳的磯陣晚膳滿足口福。

在門口原本看到有鍋物，打算暖一暖肚作晚餐，二話不說就走進店裡，拿起餐牌左看看右看看，鰻魚兩字好吸引，看了又看，原本的減肥計劃又要放下，換來好好享受肥美的鰻魚，最近一次享用鰻魚是在台北的肥豚屋，即燒的鰻魚香味四溢，那種香味那種口感仍在腦海中迴盪。

在香港很少可以享受美味好吃的鰻魚，最基本大塊點的鰻魚都顯得比以前昂貴高級，一分錢卻不是一分貨。

是次等了又等，一看到上台的是大片鰻魚，是被狠狠用火燒過的，十分香口！鰻魚汁比較濃結點，有點咸，雖然可為鰻魚加分，但是咸度可降低點點，飯不錯。

濃濃的鰻魚脂油滑進飯裡混和吃著，彷彿重回很久很久香港日本餐廳失去的鰻魚飯感。

金鐘美心$108這裡套餐也$108（未計加一），地點價錢食品......只在乎你自己怎看怎決定吃不吃。

我也很愛吃此店的早餐厚多士😆

暑假去朋友美孚家JAM歌，朋友同親人都話美孚磯陣幾好食，所以就決定試下。

我同朋友一行四人，一出地鐵站A出口轉右直行就見倒店門，十級方便。

店外既餐牌非常詳細，午市一至三人同行95折，四人仲有9折，免加一，見價錢尚可，就入去試試。

一入去就有位(可能我地比較早，大約12:00左右)，無須等候，不過店內都幾大幾多座位。

我地睇餐牌就睇左15至20分鐘，原因係好多野食既名都好吸引，種類又多(有火鍋，有焗飯，有刺身，有套餐，有拉麵)，仲有得加小食(加約$1020元，可以加刺身，壽司，餃子等等)。

最後，我決定要一碗小辣地獄拉麵($53)加炸餃子($10)，一號朋友要左個雜錦天婦羅加刺身飯套餐($88)加炸餃子($10)，二號朋友要左個豬排煮蛋飯($48)加三文魚刺身($20)，三號朋友要左個火炙芝士三文魚帶子飯($70)。

午餐全部都包前菜(沙律或千島醬豆腐)、味噌湯、飲品一杯(凍飲加$2，罐裝汽水都要加錢)。

前菜：千島醬豆腐千島醬有點咸，豆腐只有一丁塊，少得可憐。

湯品：味噌湯味道正常，湯內有兩粒炸豆腐和少許雞粒。

主菜1：小辣地獄拉麵麵量算多，拉麵夠硬有嚼口，湯底夠味，微酸多辣。

內有魚蛋片、玉米粒、雞扒兩小塊、兩塊豬肉(不同部位)、木耳條、少量菜、海苔。

幾好吃！主菜2：雜錦天婦羅加刺身飯套餐刺身飯刺身偏少，較多三文魚粒，有八爪魚刺身和魚子粒。

雜錦天婦羅有兩條炸蝦、炸冬茹、炸青蕉、炸南瓜，味道尚可。

主菜3：豬排煮蛋飯醬油豬排份量大，味道正常。

主菜4：火炙芝士三文魚帶子飯明顯芝士是超市買既片裝版，芝士火炙後未有溶化。

刺身偏少，飯很多，帶子一大粒。

飯多到吃不完。

小食1：三文魚刺身四切，都幾厚，抵食。

但店內既芥抹不是自家制，而是一包包有點水既超青色芥抹。

小食2：炸餃子三大粒，味道怪怪，餃子皮十級脆，但較硬，有點像未完全解凍便炸了。

我地四個女生都吃得十級撐，如果是女生我建議不用加小吃便足夠了，或者加四切三文魚刺身，滿足一下吃魚生既衝動。

服務員態度一般，始終是屋邨小餐館。

店內有電視，一個人吃都不會悶，午餐時段有很多打工仔光顧，幾熱鬧。

Total: $279 (9折後)

尋日(582013 Mon)我放假,男友返中班,咁同佢起身後陪佢過o黎佢大讚o既呢間食晏,然後佢返工啦.我o地12點就o黎到,都已經有四枱客,而且都重有卡位坐,睇完menu,我就決定要$56.00既汁燒帶子拉麵餐,加$2.00飲凍菜蜜.男友就要$88.00o既雜錦天婦羅+碎切魚生飯(細)餐,加$2.00飲凍檸水.兩個餐都話有小食,不過我o地都唔知係乜.冇耐,小食同麵豉湯都到,有三個小食一個麵豉湯咁多,由於我o地唔知份量係點,所以都照食.小食係薯仔同紅蘿蔔,兩樣o野都唔係好腍,味道冇問題.而麵豉湯呢,好熱o既,見到有開半o既豆卜外,重有西芹同…..雞肉.好奇怪,點解會有雞肉?呢個係中式麵豉湯?湯o既味道偏淡但唔係冇味,好舒服.之後兩杯o野飲到o黎,凍菜蜜亦都偏淡,而因我o地坐o既位冷氣唔太夠,飲到最尾啲冰都溶晒.幾分鐘後,男友o既細碎切魚生飯到o黎,睇睇啲魚生,9成係三文魚,八爪魚同唔知咩o野魚得o個啲咁多,有啲不是味兒.食落,啲飯竟然好好食,醋落得o岩o岩好,食完一啖又想食多啖.而魚生呢?都OK正常冇問題.6分鐘後,我o既汁燒帶子拉麵到o黎,有三隻帶子,唧完檸檬汁就食喇,個拉麵好熱,湯底味道好濃,我同男友研究有冇落味精,我o地覺得有,不過好少.拉麵有啲彈牙, 帶子略嫌唔夠味,但男友竟然話好食,因為有啲脆.食完又繼續等,相隔14分鐘,男友o既雜錦天婦羅終於到o黎,開頭以為漏o左,但問亞姐,佢答係要耐啲.不過一出o既時候,係同另一枱遲過我o地o黎o既客人一齊出,即係又係儲單.呢個亦都係熱騰騰o既,有兩隻蝦,蕃薯,茄子,青椒同冬菇各一件,一睇就知脆漿好薄,蝦,茄子,青椒同冬菇呢啲統統都冇問題,蕃薯就好甜,可惜薄切.食完呢餐焗住我o地12:45PM至走得真係唔係我o地想慢歎,而係佢o地真係慢工出細貨.服務:好好,個個都好有禮貌,同提醒我o地小心熱.價錢:收o左我o地$141.00,點解呢?味道係3.75分

今天經過此店，才發現有下午茶餐供應，價錢與連鎖快餐店相約，即管又再一試。

芝士煙肉法包，芝士配煙肉碎，焗後溶合一起，特別口味，但法包卻焗過時，不脆之餘卻硬如石頭。

壽司併公仔麵餐，二片肥牛配公仔麵，公仔麵煮過時，入口腍，無麵味，肥牛當然也沒牛肉味。

加州反卷外型吸引，可惜一夾即散，失望！日式煎薄餅，事實不是薄餅吧?! 入口像酥皮一樣，而且滿口是油。

還要配上數粒硬硬的炸雞，失望！完全令人失望的下午茶餐，就算價錢再平，也只此一次吧！

老婆一向鍾意晌屋企煮，突然話想請我食番餐，指明食日本嘢，無話咩特別原因，小弟就梗喺點頭話好啦。

其實想食日本嘢，依區唔少選擇，仲有羽壽司、御．上澄，不過已經試過，質素麻麻，翻兜機會好微；另外八佰屋、友樂亭依兩間「老店」，閒時經過幾人氣，應該有質素，不過價位屬中高，但有打算今年內試埋佢；既然喺老婆付鈔，就唔想食太貴，所以，搵晚姨仔舅仔都唔返嚟食，得我倆公婆，收工返到美孚，揀嚟磯陣食日本嘢，因為之前食過覺得質素唔錯，況且價位比較相宜。

閒日嘅星期一晚，客唔多，都有約7乘左右。

晚市有幾款套餐：晚市一人前（$72$128）、築地二人前（$288）、札幌四人前（$588），仲有其他散嗌嘢，不過反而吸引小弟嘅，喺一個製作簡陋手寫嘅「新鮮空運到港」嘅餐牌，有9款「新鮮」選擇。

我哋都揀咗當中平平哋嘅3款，然後晌主餐牌要多一個人氣菜式，加埋一都唔使兩舊水，比起個二人前同四人前划算好多。

無花果沙律 $38搵無花果乾嚟煲湯間時都有飲，新鮮無花果亦曾經食過，但唔多，雖知一粒鮮無花果唔平，成十幾蚊粒。

咁依道無花果沙律睇落幾抵食呀，睇外觀就唔落唔少無花果啦，墊底仲有沙律菜、白蘿蔔絲、火箭菜、車厘茄粒，沙律之上仲加少少蟹籽，賣相幾討好。

味道以為喺以清爽為主，食落點知帶有少少辣味，但無乜辣度，而無花果則很香甜，所以個沙律又幾特別，再者，份量又夠足喎，$38都好抵食。

汁煮東風螺 $25以為得啲東風螺，原來仲有蘿蔔，細細碗，有啲似關東煮。

蘿蔔好入味，軟腍無渣，東風螺大概6粒左右，都煮得夠味，螺肉挺結實，不過部份咬到有砂粒。

另外，有個侍應似乎喺新手，雖然禮貌周周，但就比較緊張，初時無拎啲長竹簽俾我哋篤東風螺，慢咗幾拍要個經理提一提至醒起。

胡麻牛肉卷 $28 / 3件見佢晌餐牌註明喺超人氣，一客又唔喺貴，所以就點嚟一客試吓先。

以反卷形式，內裡捲住煎好嘅薄牛肉片，反卷外面沾上紫菜碎，又喺加少少蟹籽，插棵火箭菜，寧捨醒神晒。

最正喺啲芝麻醬汁，好香濃，而牛肉卷嘅飯粒緊緻，唔太實又唔太鬆，口感唔錯。

北海道海鮮炒飯 $78賣七十零蚊嘅炒飯，喺咪用晒北海道嘅海鮮，大家心裡有數。

但老實一句，材料落得足秤，你見成碗炒飯都有好多餸料，包括：蝦仁、鳴門卷、蟹柳、魷魚、獅子狗魚蛋，一分錢一分貨，餸料可能唔喺咩貴價嘢，但飯粒勝在炒得爽口唔油，大可作為臨尾墊肚之選。

整體每道菜式都唔差，價格又相宜，唯一要挑剔喺迴轉帶下嘅自助斟水龍頭，啲熱水唔夠熱，令到啲綠茶唔香！

磯陣餐單提供日本菜, 拉麵, 壽司, 刺身, 烏冬, 迴轉壽司店等推介美食位於美孚區，餐廳座位數60人均消費約$101-200，結賬可以用Visa,Master,現金。

您對於美孚餐廳「磯陣」有何 comment？

磯陣餐廳詳細資料：

• 磯陣地址:
  美孚美孚新邨吉利徑23號地下A舖
  磯陣, G/ F,23 A Glee Path, Mei Foo Sun Chuen, Mei Foo
• 磯陣電話:  
• 磯陣價錢: $101-200
• 分類: 日本菜, 拉麵, 壽司, 刺身, 烏冬, 迴轉壽司店
• 座位: 60
• 付款: Visa,Master,現金
• FB專頁: 磯陣 Facebook

更多磯陣相關資料:

• 磯陣分店
• Youtube
• Facebook
• Twitter
• Google