博日本料理 美孚

博日本料理 評價 相片

今日HAPPY FRIDAY, 又係時候自私食好野!醒起早幾日經過屋企附近地鋪, 見到有間新開既日本餐廳, 就試下你啦.6:10到達餐廳, 得我一個食客, 侍應安排左我坐一張4人桌.我睇左下餐牌, 叫左個8件壽司SET($280), 呢個SET仲包左一件吞拿魚蓉手卷.另外再點左一件藍鰭大拖羅($80), 燒牛舌($48)同燒活饅($68).壽司SET入面既兩件軍艦我覺得好食既瀨尿蝦壽司就麻麻地.大拖羅夠油分但鮮味好似爭左少少.  燒牛舌正常.燒活饅好好食, 個魚皮好脆魚肉又唔乾. 但係我EXPECT一串$68應該要交出大舊少少既饅魚比客(依家係4小粒).

十分值得試嘅Omakase, 性價比高，用合理嘅價錢品嘗到六星級米芝連水準嘅日式手工料理。

師傅好好人，整壽司嘅時候會細心講解美食制作過程，環境舒服，最緊要係佢個魚湯好好味，師傅話佢煲足一晚所以入曬味，另外壽司用嘅米係日本新鮮直送, 魚生好滑好新鮮。

香港好難得有咁高水準嘅日本菜，不過要去記得早d book位😂

今日同家人再嚟呢間店食姜汁豬定食 + 角切魚生飯前2日食過角切魚生飯發覺太驚為天人所以決定同屋企人再黎食多次午餐水準一樣好 食材優質姜汁豬定食份量多出邊一倍洋蔥無渣很香濃 洋蔥出色豬肉略炒得過熟 有點鞋口角切材料今次略有不同 正！今日較上次早，大約1:00pm就入座！差不多坐滿比較多中上客人都不難發現有兩三枱客人食緊Omakase 更聽店員講，因座位不多，如果食晚市需book位的 （今晚/明晚 都已預滿）感覺幾旺場

喜歡呢間隱世Omakase, 只要三分二平時既價錢，就可以食到最頂級既日本料理。

估唔到呢晚有甘多surprise，清酒鮑魚配既肝醬唔係度度有，因爲煮既時候要好花心機慢慢整。

隻蝦係同我係日本個時食既活蝦刺身一樣甘鮮甜，無得飛日本黎依度就啱啦。

拖羅當然非常正，但估唔到赤身都一樣好食。

鯛魚入口即溶，可以感受到每一塊魚生都非常新鮮。

重有非常鮮味既蟹湯，但個人認為唔應該配烏冬，應該配飯，或者純粹做湯。

掛住同朋友傾計，都無認真影相，天婦羅同炸物都唔記得影。

唸住結婚周年再黎

這間店鋪令人感覺舒服，寧靜。

新鮮魚生即日空運到港，魚類種類頗多，新鮮甜美，非常好食，超棒。

我自己本身只吃日式熟食，因見那些魚生色澤，形態感覺不太新鮮，從來都不敢點選魚生食，所以我很小選擇食日式菜。

但見三五知己食後面容非常滿足，還有我面前所見既魚生色澤鮮明，所以我就决定膽粗粗試下，取了一件放入囗中，嘩..好味呀，好鮮甜，肉質彈牙，不用任何調味。

其中我最為欣賞的幾道款式食物是” 竹籖魚魚生"，師傅將竹籖魚用火鎗略略在面層燒－燒，味道香甜。

另一款食物是"大拖羅壽司"，很肥味但師傅知道如只吃魚生會令人有油膩感覺，所以略加細細舊飯加上大拖羅－起食用，真細心。

還有"深海池魚"魚生，魚質彈牙，鲜甜。

仲有"鮑魚"片爽口彈牙，加上放了些秘製醬，令這款食物更美味。

師傅很用心將每道食物攞放得很美，似一幅畫，令人除了有囗福外，亦多添了打咭位。

這店有－種食法就是"師傅發板" 日文是"Omakase"。

只要說自己所付budget, 師傅便按即日新鮮食材為你發板。

博日本料理餐單提供日本菜, 壽司, 刺身, 廚師發辦等推介美食位於美孚區，餐廳座位數未知人均消費約$401-800，結賬可以用Visa,Master,現金，Booking訂位可以電話致電 91643882 查詢。

您對於美孚餐廳「博日本料理」有何 comment？

博日本料理餐廳詳細資料：

• 博日本料理地址:
  美孚美孚新邨第六期恆柏道2-8號地下C2-C3號舖
  HAKU Japanese Restaurant, Shop C2- C3, G/ F,2-8 Humbert Street, Phase6, Mei Foo Sun Chuen, Mei Foo
• 博日本料理電話: 91643882
• 博日本料理價錢: $401-800
• 分類: 日本菜, 壽司, 刺身, 廚師發辦
• 座位: 未知
• 付款: Visa,Master,現金
• FB專頁: 博日本料理 Facebook

更多博日本料理相關資料:

• 博日本料理分店
• Youtube
• Facebook
• Twitter
• Google