凱旋門宴會廳 美孚

凱旋門宴會廳 評價 相片

本人於中秋節那天在荔枝角《盈輝商場凱旋門宴會廳》飲下什茶,叫了一籠鮮蝦菜苗餃,當我吃其中一隻餃時,突然發覺口內有一塊硬物,初頭以為骨頭,點知一吐出來,嚇然發現原來是一大塊碗碟爛出來的"瓷片",嘩!我當堂嚇一跳,咁都得,若我咬多兩咬,後果真係不堪設想,後來我立即向經理投訴,佢即刻好快速咁收起塊"瓷片"同籠餃,比番一籠點心錢我就萛...其實一向都知呢間酒樓好唔掂,換了幾手老闆,但員工依舊,所以都係咁差,差就差在啲員工服務態度,一向都係落錯單、個個扮忙當睇你唔到,試過點了食物很久也沒來,叫他們Check吓,天呀!原來個部長竟然唔見咗我張單,無落到,接單到入單10幾秒時間,咁都可以唔見,這段時間我咪白等,如果唔問吓真係等到天黑。

仲有,如果你想叫佢幫你沖茶,可能都你結帳時都未必等到,因為佢吔好似當你透明咁,冇人會理你,但佢收錢就鬼咁快!當日還見到隔離枱食客突然好怒叫部長來,話根本無叫過這類食物,但侍應就不停遞上食物,不停搔擾他們,但個侍應就質疑佢哋叫咗嘢唔要,我就信食客啦,因為我都試過叫一碟變咗來幾碟,來一些我根本無叫過嘅點心來,發緊夢就回家睡,仲話人唔認,真係太過份...這是你岡位應有的態度嗎？你不想幹便不要幹，覺得客人麻煩便去做些不會見客的工作，不想答問題去做些不用說話的工作。

別在這裡板起面口怨三道四！我不是要求你熱愛工作，起碼你不要討厭，要是討厭的話，便不要做。

如果唔係好易"摺"埋...

中午看完太太, 便同父母姊3人, 一齊行落山, 於半路的盈暉臺, 吃個下午茶才準備晚上的事. 盈暉臺, 以前哥住這一邊, 常來的, 現在, 真係好偶爾才會特登行入黎. 先逛逛商場, 等待下午茶的兩點正. 尚有一間小菜館同大酒樓選擇, 因為想食點心而來到了裝修堂皇的凱旋門.下午茶時段, 大中小點一律$9.8. 單拚燒臘飯也是$13.8一碗. 懶理茶錢幾銀一位. 就點下兩個燒味飯, 四個點心.先來是一客紅油炒手. 嫩滑的雲吞, 配上辣豉油. 肉味雖不是雲吞麵檔咁香口, 但鮮味十足. 上面鋪了一層辣蒜粒. 更加是惹味. 辣就夠辣啦, 但唔夠味既豉油, 就令到這一個點心, 帶點可惜了.價錢相宜, 份量亦相宜, 是用來描述我們叫的下午茶叉燒飯. 看份量, 叉燒仍然可取既, 但燒鴨, 夾起真的只有幾舊仔, 老爸要等鴨腳扎到, 才夠餸送埋碗飯. 味道方面, 普普通通吧, 膍痠叉蜜味宗夠, 鴨太細份食不出味來.點心, 算是不俗, 鴨腳扎竟然不油膩. 腳皮爽爽的, 夾心的餡料也有色有味. 可以. 另外是什麼鮑魚三寶燒賣, 一"pat"肉醬, 幾乎扎三隻所謂的燒賣粘著, 鮑魚, 就得果一片仔, 其餘兩舊, 就是蟹柳條同冬菇. 最欣賞的, 就是香噴噴麻蓉包. 老爸說現在市區的酒樓, 已經很難找到麻蓉包, 所以一見到點心紙有, 他嚷著要. 而且出來的, 是商質素的包子. 熱辣辣的包已經非常好, 一搣開, 芝麻的香味溢出來, 香溢四射, 包子又圓又滑. 味美.姐老是份量丁, 相信僅限於兩碗燒味飯吧.

今日有朋友約吃飯, 人多最好的選擇莫過於去飲茶, 這酒樓位於美孚邊沿, 所以午餐時間都容易搵到位, 不過我們人數多, 穏穏陣陣, 先訂了位.大伙兒點了不同的點心, 又點了野菌雞球窩烏冬及一個午市套餐.點心中, 金錢肚頗腍, 算夠味. 潮州粉果的皮偏厚, 饀料很淡. 蓮子杏仁露較為杰, 似食糊仔.至於叉燒腸, 蘿蔔糕, 雞扎, 山竹牛肉及灼魷魚牛柏葉生菜, 大致上不過不失.窩烏冬的野菌有幾類, 雞肉頗滑, 餸的份量夠, 整體味道okay. 不過朋友話湯有些酸味.午市套餐有燒鴨叉燒, 白灼菜芯, 自選的野菌爆牛肉, 及蝦干蟹子炒飯.燒鴨份量偏少, 叉燒切得較為細粒, 味道尚可. 野菌牛肉份量正常, 味道okay, 不過油了些少.炒飯味道偏淡, 飯略腍, 少油, 欠鑊氣, 不似炒飯.在同區中, 這食肆水準勉強可以接受, 但若與名樓比較, 水準就低一班了.

早幾日同3個朋友o係美孚四周搵火鍋店, 記得凱旋門有任食火鍋幾抵, 所以走去一試..佢係半自動型式, 大部份材料都可以任意出去拎, 某部份例如蝦, 肥牛, 魚就要另外寫紙點, 但都好快會比你, 冇乜漏單..佢地仲有幾款熱食/甜品任食, 當日就有燒味, 美極蝦, 炸春卷, jelly 等等..唔多款同埋d 食物冇用爐保溫, 好快就凍晒, 我地食左好多美極蝦 同jelly 呢個價錢都幾抵, 好似9.30pm後仲平d下次可以再去試小菜

今日我個fd ，佢本身係住美孚，亦聽聞呢間酒樓好多野都係即叫即整，所以就帶左我o黎呢間酒樓食下午茶。

環境唔差，唔算好嘈，飲茶傾計都唔錯~ 傳菜員都幾和善，侍應就還可，全程只係埋單、遞紙點菜先叫佢地，比較少接觸~我地總共點左六碟點心︰菜心、流沙包、鳳爪、蝦餃、燒賣、椒鹽九肚魚。

菜心︰好普通咁灼一灼，但唔會灼到好老，同埋係用甜豉油伴碟的~流沙包︰我第一次食流沙包，幾好味，但一定要趁熱食~鳳爪︰幾夠味....同埋鳳爪下面有d 類似油炸鬼、又幾好味o既薄片墊底，但可能我唔太食得辣，所以就食得唔太多。

蝦餃︰佢夠大粒，d蝦都幾大隻，但塊皮唔算厚唔算薄，中規中矩~燒賣︰佢d 肉入面都有d 頗大塊o既冬菇，有d 少少蟹子o係面~~椒鹽九肚魚︰咁多碟係我同我朋友最鐘意o既一碟，因為佢唔會好似其他酒樓咁，落勁多粉之後炸，佢每隻都係好薄好薄一層o既粉o係面，最好o既係炸得o岩o岩好，d 魚肉好滑~最尾埋單，每人都係 $43，價錢真係比出面o既較好~~但每間食店都有佢o既缺點的...呢間酒樓o既位置比較偏僻，商場門口都唔太覺有佢o既招牌廣告，亦唔係o係商場門口o既當眼位置，所以唔係我朋友同我講，我都唔知果度有酒樓~而且呢間酒樓明顯地係做美孚新邨、盈暉臺、九華徑一帶o既街坊生意，所以唔可以期望太多~P.S. 我同友人發現果度o既火鍋價錢，成人$68、小童$58，包茶錢、加一、飲品、醬料，以價錢可考慮，但佢o既選擇唔算多，勝在基本打邊爐o既食物都有~

凱旋門宴會廳餐單提供粵菜, 廣東, 酒樓等推介美食位於美孚區，餐廳座位數未知人均消費約$201-400，結賬可以用現金。

您對於美孚餐廳「凱旋門宴會廳」有何 comment？

凱旋門宴會廳餐廳詳細資料：

• 凱旋門宴會廳地址:
  美孚景荔徑8號盈暉臺盈暉家居城1樓126號舖
  The Arch Banquet Hall, Shop126,1/ F, Nob Hill Household Centre, Nob Hill Tower,8 King Lai Path, Mei Foo
• 凱旋門宴會廳電話:  
• 凱旋門宴會廳價錢: $201-400
• 分類: 粵菜, 廣東, 酒樓
• 座位: 未知
• 付款: 現金
• FB專頁: 凱旋門宴會廳 Facebook

更多凱旋門宴會廳相關資料:

• 凱旋門宴會廳分店
• Youtube
• Facebook
• Twitter
• Google