鴻星中菜 紅磡

鴻星中菜 評價 相片

大閘蟹季節黎喇,上一次係團購買過食過一次.但蟹SIZE太小唔夠喉,所以男友話要去酒樓食一次.我地選擇左鴻星因為個餐有3隻蟹,同埋其他小菜質數好似不錯.所以訂左3位8點半後用餐(8:30後套餐有8折)紅磡鴻星一向都唔會太多人, 所以去到都唔洗等位就可以內進我地一行3人,點左兩個$365 SET, 再加一位石頭魚羹飲品可選花彫同橙汁. 我地每樣叫左一杯蟹分兩輪上, 3隻3隻. 呢個安排唔錯.因為拆一隻蟹都用上唔少時間, 其餘3隻放係度只會凍哂!!首先上左兩碟蘇杭雙橚完全無諗過係前菜,仲諗住有D菜食下.都唔緊要.但SIZE細得過份,仲已經食兩人份, D豆都唔知有無10條.所以我搵位女經理問下.佢話係二人份量,我話兩個人咁少,咁你分開一人一碟咪得兩三條我都未講完.個女經理就走開左.完全無理過個我地.扮做其他野之後有位上菜姐姐再幫我搵過另一個男經理過黎,態度比剛才個位好少少.但答案都係,前菜係SET好左份量.幾重.乜有得SET架咩.你SET好左你可以寫係餐牌,同埋無寫清楚係前菜因為爸爸係度都費事再爭拗落去. 老人家都食唔夠但我望到之後隔離台既兩位既碟前菜大過我地一半未食蟹已經影響心情.等左一陣上左3隻蟹.第一輪全部都係蟹公.經理講SIZE大約有55兩半每人已經有一份用具, 有手套. 準備好就開始拆蟹蟹公都幾多膏,唔錯. 但發覺有兩隻蟹D膏味好淡, 深色既膏就比較入味,不過我都覺得OK食到一半蟹粉小籠湯包黎到, 個餐得兩隻, 有位上菜姐姐好好,問我地邊位食,幫我地夾起入面幾多湯,味道比普通小籠包濃,但如果要另加一隻要$30,我就覺得唔抵其後上左個石頭魚羹同套餐既蟹粉蝦仁羹石頭魚羹($35位)比較清甜,魚肉夠嫩.幾好味蟹粉蝦仁羹依個就比較稀,濃味D.(爸爸話先飲呢個湯再飲石頭魚羹無哂味道)用料都幾多,有兩隻蝦仁, 有D海鮮碎(花膠啦) 再過多10分鐘後, 第2輪蟹再大,其實飲完個羹已經飽左大半. 第2輪蟹食完應該會好飽第2輪有兩隻后,一隻皇后雖然細細隻,但膏好多. 有比較深色硬既蟹糕.好好味好滿足. 而另一隻皇,今次既膏就係深黃色, 都叫唔錯啦食完有碗水洗手同埋一人一杯薑茶(好辣)雖然我都好鍾意薑果種辣味,但呢杯好辣食到大半,侍應話幫我地上埋最後既松露醬炒帶子同埋糯米飯每人一份,而再唔係SHARE一碟,帶子有兩粒,脆肉瓜有D苦,但總括味道OK唔好以為個籠好大個,其實入面有個架, 佔左3分之二,D飯只有平平一層, 只有係上面加了少許獵味,無其他料.份量都分唔到兩碗 最後送上一人一碗芋頭西米露,夠熱好味一人兩隻蟹已經夠, 而且我地足足食左兩個鐘3隻就拆得太辛苦. 分分鐘食到3個鐘TIM整晚價錢:$365套餐x2 , 加一位石頭魚羹$35,茶錢$8位 $789 $146 (套餐8折後特價)+ $78.9 (原價既加一) = $721.9如果沒有果位無禮貌經理, 可以接受. 但份量應該可以再加一點點.特別係前菜份量,唔應該因為食左蟹會飽所以份量少左.因為個d食送菜材料唔係太貴重p.s 果位女經理之後仲要上漏菜,隔離枱問返佢,卸哂膀扮唔係佢落單(唔該佢應該要去再培訓)

第道菜，燒腩仔，皮鬆化、肥瘦均勻，有水準！金沙百花釀九肚魚，四個字，喜出望外。

以醎蛋黃作金沙，包住九肚魚炸，而九肚魚裡面係彈牙蝦膠，只售$58，考手工超值之作！蜆介雞煲，D雞有口感，不是“梅”肉的。

用蜆介做法，送飯一流。

得獎名菜，個名已經唔記得，做法係將斑起肉，然後卷住金華火腿、中國芹菜炸，口味出奇地夾同清新。

老人家81大壽，緊係唔少得壽飽，一整個流油蛋黃，超正。

總結：第一次惠顧此店，食物質素喜出望外，而且服務一流，好有禮貌、照顧周到，讚！

計兩年前食過鴻星大閘蟹，大家都一致好評後，我地一行三人今年再度幫襯。

我地預先訂左枱，但去到都要再等，本身都覺得無所謂! 點知接待果個知客真係好唔掂，我地早到過人地，但佢地竟然俾左同係3人，walkin d 人入去先，而預先訂位既客人竟然唔記得左??? 仲係度問 " 仲有無訂左3人既係度等呀?" 直頭當我地預訂左位既人唔存在! 我地入到去之後，被編左坐酒樓裡面近lift 口位，果張枱其實係4人枱，但係因為有2個位直情係 lift 口位，即係人地出出入入既位，梗本唔適合坐3個人，我地要求調去隔離果張無人既4人枱，個侍應話要問下，跟著個部長就話呢張枱有人訂左話要坐5個人，於是我地惟有好不滿咁坐返原先個lift 口位，隔左一陣，侍應帶左3個人坐果張隔離枱，根本唔係５個人!足以證明佢地安排左客人入座，根本唔想幫客人調枱! 其實呢張 lift 口位枱，係我地對正都有一張，都係坐左2個人... 如果別無他處，我地都會接受，但係既然有位，又未有人坐，有咩理由唔俾人地調位!仲有，開左茶之後，我地一直都無菜牌，連大閘蟹款餐單都無! 但係隔離枱同食大閘蟹既就有，侍應仲好好招呼添! 講返d 食物先：江蘇大閘蟹 ( 2 皇1后) ： 都算幾大隻，唔算係超級多膏，但係都ok 紅燒雞絲翅：味道ok，翅甚少，"獻"汁略多!外婆菜手抓蝦仁：蝦夠大隻又新鮮，質地唔錯原隻鮑魚燴翡翠：糖心鮑魚，質地夠彈牙，配菜亦佳蟹粉小籠湯包：味道不過不失，湯包內較少湯!竹籠飄香飯：味道不俗，可能係用籠蒸關係，飯質較濕!杏仁凝香露：都算ok，甜味適中，略嫌杏汁較少，而奶味較重!橙汁：鮮柞橙汁，有果肉，ok!中途招待我地既侍應服務ok，上菜速度不慢，亦有禮貌!是次大閘蟹宴既感覺不算愉快，不過食物大致ok，主菜大閘蟹亦不過不失! 不過 d 職員 (尤其做招待果d 就應該要好好教育一下)，否則食物就算有幾好食，但係服務水準唔掂，都會大打折扣!

今日同幾個同事落去樓下鴻星飲茶，講真雖然日日系樓上返工，但系真系好少來鴻星飲茶。

當然我第一時間叫左我最鐘意既流沙包，呢度既流沙包真系好正啊······D流沙餡夠曬咸蛋味！跟住我又食左個西米焗布甸·都幾好，第一唔系好甜，仲有一陣椰汁香味。

后來我又食左個菜肉餃，個味道真系好鮮甜，而且唔似其他酒樓D餃子甘重味精，應該D點心師傅用既系新鮮蔬菜制作，而且應該系每日新鮮制作！今日有甘大收獲，就算相對出面D酒樓既價錢貴少少，都無所謂啦！以后我會多D支持鴻星！！

午餐係去紅磡的鴻星飲茶, 呢間鴻星比較少人, 格調都無海港城那間咁高級 今次去飲茶, 鯊魚骨湯都有叫, 呢盅湯係每次去鴻星必叫的食物, 一盅三十八蚊但係我覺得好好飲, 湯煲至奶白色, 有好香滑的口感同魚味, 出色的係每一間分店都可以做到味道一樣, 唔會走樣! 點心最好食係流沙奶黃包, 賣相幾特別, 係金黃色的, 不過其實味道同一般的流沙奶黃包唔係太大分別, 但係感覺上鴻星的咸蛋兼味較重, 因為佢落咸蛋黃較多, 阿媽鍾意食咸蛋黃, 所以佢都讚好食! 灌湯餃都幾好, 落足料! 值得一提係服務唔錯, 侍應比較親切, 有人情味 所以我地都會再嚟

鴻星中菜餐單提供粵菜, 廣東, 海鮮, 點心, 酒樓等推介美食位於紅磡區，餐廳座位數36人均消費約$101-200，結賬可以用Visa,Master,現金,AE,銀聯,JCB。

您對於紅磡餐廳「鴻星中菜」有何 comment？

鴻星中菜餐廳詳細資料：

• 鴻星中菜地址:
  紅磡紅磡蕪湖街83號莊士紅磡廣場1樓
  Super Star Chinese Cuisine, 1/ F, Jonh's Hung Hom Plaza,83 Mo Wu Street, Hung Hom
• 鴻星中菜電話:  
• 鴻星中菜價錢: $101-200
• 分類: 粵菜, 廣東, 海鮮, 點心, 酒樓
• 座位: 36
• 付款: Visa,Master,現金,AE,銀聯,JCB
• FB專頁: 鴻星中菜 Facebook

更多鴻星中菜相關資料:

• 鴻星中菜分店
• Youtube
• Facebook
• Twitter
• Google