鮨竜 紅磡

鮨竜 評價 相片

生日飯有機會比我第一次食Omakase🤓 可能因為佢做緊第二位半價嘅優惠 平日黎講都算幾多人, bar枱坐滿👍🏻佢嘅Omakase 套餐有分兩大類 : 900up & below 900要幫襯900up果款先可以坐bar 枱 同師傅對話🤨今次第一次食 我地就㨂左980的「 火」套餐1️⃣茶碗蒸🤤有好多料 好多菌類 有唔同口感層次 不錯2️⃣刺身3品🔸北海道鰈魚🤤師傅將鰈魚砌到好薄好薄，用黎包住啲蔥咁食👍🏻接受到蔥嘅朋友應該同我一樣會覺得好fresh 幾新穎🔸慢煮鞍康魚肝 + 鱈魚白子🤤第一次食鱈魚白子 好creamy 一試愛上😍 雖然好似係雄性魚的精巢😵‍💫不過你當唔知咁樣食會覺得舒服啲🫣好好味，其他食物冇呢種口感🔸生蠔🦪 （唔記得咗日本邊一度）🤤好鮮好爽 唔係好重海水味 鮮甜3️⃣岩手縣鮑魚 配鮑魚肝醬😐呢個比較普通 而且每人只分得半隻鮑魚😂大方啲就更好了😂反而未食過個肝 好似蟹膏咁🤓適合重口味人士4️⃣熱盤2款 黑松露松葉蟹春卷& 松本容🤤春卷有小驚喜 呢個配搭好好味 不過略嫌個春卷皮唔夠脆 5️⃣7貫壽司🔸深海池魚🔸螺片 （師傅將佢分成2款壽司 2種食法 變相total有8貫壽司) 🔸銀鱈魚🔸大蜆🔸中拖羅🔸北海道馬冀海膽卷🔸大拖羅 壽司嘅款式由平到貴都有，價值較平嘅魚就會用複雜啲嘅製作方法，重口味名貴嘅食材就簡單為主👍🏻睇得出師傅有花過心思☺️壽司飯有調味 而且每款壽司都會重新去飯煲拎飯 確保飯的温度 👍🏻不過個人黎講唔太鍾意飯味偏咸 有少少蓋過魚生本身嘅味道😐6️⃣蝦頭赤麵豉湯 7️⃣抹茶鮮奶布甸服務：師傅有禮貌☺️亦主動同客人互動👍🏻即使我地聽完介紹就𣊬間失憶 師傅都好耐心重覆😂 睇佢保護用具嘅手勢感覺幾專業乾淨 👍🏻 而且十分十分留意客人表情同埋評語👍🏻 誠意滿分！待應收碟收得好快 差唔多一拎起左舊壽司就收咗😂好多次我個口都未咬完… 又要移一移個身比佢執碟，有少少阻礙客人專心品嘗美食總括來講，第一次食Omakase嘅體驗整體不錯👍🏻雖然自己食Omakase經驗尙淺 無得比較🤔不過感覺食材同服務 算對得起佢價錢👍🏻推介

之前試過幾次omakase都係食午市，終於的起心肝嘗試食夜市，希望可以食多啲唔同種類嘅食物。

呢間餐廳有一排吧枱，有個藍色backdrop做背景，比較光猛，普通枱嘅範圍就深色調為主。

佢哋有啲普通日式套餐同唔同價位嘅omakase，今次就揀咗最貴嘅餐，店員推介話會食到唔同款嘅海膽。

正，最鍾意食海膽😋 整體嚟講食物有中上水準，食得幾開心，主要正嘅地方有呢啲：😁真係好多海膽，開頭以為淨係食到兩款刺身同迷你丼，但原來佢都分布喺唔同嘅菜式入面😁蝦夷鮑魚配鮑魚肝醬驚喜級好食，食嘅時候比人笑隱藏唔到幸福嘅笑容😂😁 總廚Nic態度親民，其他員工服務都優質，氣氛輕鬆但始終價錢唔平，要求會高啲，所以都有啲挑剔位：😐人手太短缺，成餐飯拖咗成三個半鐘，中間好多頗長嘅冷場，感覺好唔連貫，亦都降低咗飽足感😐壽司部分頗為失望，醋飯味道嫌過淡，魚料亦都普通，鮮/魚/油香味都唔突出😐料理部分款式相對平庸 多quota評價：😋Quota花得值(🤮<☹️<😐<😋<🤤)*****（詳細介紹，用餐時為2月中）前菜三品：水雲、蟹肉配蛋黃醬、海膽豆腐刺身：長崎蠔、⭐️真鯛薄切配赤海膽、燒帆立貝配馬糞海膽東澤白海膽、富美苑白海膽⭐️清酒蒸岩手縣蝦夷鮑魚配鮑魚肝醬非常好食，鮑魚用清酒煮4個鐘，醬要煮3個鐘，太大火會起沙。

鮑魚夠淋但保留口感，醬超濃郁，撈飯一流，配埋海膽都出奇地冇互搶，好回味😋料理：鹽燒松本茸、阿波美雞免治雞肉棒配刺身級太陽蛋壽司：寒鰤、地金目鯛（冇相）、赤貝、銀鱈魚、拖羅 其他：茶碗蒸、四國酸橘啫喱、蝦頭赤麵豉湯、宇治抹茶奶凍

香港越嚟越多地方，可以食到阿媽家姐，今次試左位於黃埔站附近既一間。

唔敢講佢係全港至平，但係好敢肯定佢係性價比高嘅一間！同行朋友唔食生，師傅轉換唔同款式，熱食菜式都一樣出色！

係近年大家都可能會對Omakasa 有所看淡，今次想係屋企附近食餐生日飯，老婆做咗功課最後選擇左鮨竜。

入去都係本住試一試唔得就冇下次既心態。

一開始食蒸蛋已經覺得唔錯，味道自然舒服。

之後係過程中總廚都有詳細介紹自己嘅出品，如果你問多少少佢又會解答多少少。

係介紹中知道所有汁醬甜品都係自家用時間去做。

每道壽司或者係前菜都用唔同醬汁配搭出唔同層次味道，而係日本料理裏面最重要嘅飯亦係令我好滿意！總廚做出嚟嘅壽司飯夾落唔會散但食落依然有空氣感放入口就會鬆開，飯粒口感煙韌，總廚話佢用咗五種米做。

何想言之佢係有幾痴線。

成個menu有起有落完全冇悶場。

亦唔會令你食到好油膩飽滯。

最後因為生日既關係仲有特別驚喜！成餐飯既體驗絕對係對得住個價錢有多！今次係鮨竜食既一餐，我見到總廚Nic對自己出品同手藝既自信，要求同尊重！佢都好留意客人嘅舉動同感受。

而餐廳服務亦非常有禮細心，唔會令你唔自在。

所以係絕對推介俾大家。

第一次吃係同朋友一齊慶祝生日🎂坐係廚師面前，有講有笑⋯⋯食物質素唔錯，非常令人驚喜的一頓omakase自己本身唔太食生蠔，但係餐廳的生蠔真系絕絕子，完全沒有海水味和鹹味，令我印象深刻！刺身都好新鮮，廚師每一道菜都講解得好詳盡。

我地點左每個人1280的晚餐，當時舖頭搞緊推廣，二人同行第二個半價，好抵食！所以過左一個月，又訂了台吃晚餐，四人同行第四個免費🤣雖然餐單都無乜變化，但係我仍然好掛住呢間的生蠔🦪好正！

鮨竜餐單提供日本菜, 廚師發辦等推介美食位於紅磡區，餐廳座位數20人均消費約$201-400，結賬可以用Visa,Master,AlipayHK,支付寶,現金,AE,銀聯,Apple,Pay,Google,Pay,微信支付。

您對於紅磡餐廳「鮨竜」有何 comment？

鮨竜餐廳詳細資料：

• 鮨竜地址:
  紅磡必嘉街120號黃埔天地第三期百寶坊地下G9號舖
  Sushi Tatsu, Shop G9, G/ F, Pebbles World, Wonderful Worldof Whampoa,120 Baker Street, Hung Hom
• 鮨竜電話:  
• 鮨竜價錢: $201-400
• 分類: 日本菜, 廚師發辦
• 座位: 20
• 付款: Visa,Master,AlipayHK,支付寶,現金,AE,銀聯,Apple,Pay,Google,Pay,微信支付
• FB專頁: 鮨竜 Facebook

更多鮨竜相關資料:

• 鮨竜分店
• Youtube
• Facebook
• Twitter
• Google