味皇魚蛋粉 油麻地

味皇魚蛋粉 評價 相片

2007年8月4日。

味皇魚蛋粉。

今天睇了“五星級大鼠””(睇得好開心!動畫好靚!) 睇完見到以前在灣仔常常去的味皇,所以決定重溫一下它的味道。

灣仔味皇常去，是因為它的米線很不錯，牛三寶、四寶、五寶等又抵食，一次可以食幾種肉丸。

油麻地的味皇較大，有茶餐和飯類食，灣仔無。

我們二人還是叫了在灣仔常吃的：1．牛三寶米線2．蠔仔肉碎粥其實兩個都有點失望，不知道是否因為放米線的碗大了，湯沒有以前吃的濃。

味道大致差不多，但米線腍。

蠔仔肉碎粥也比前稀了，蠔仔有點腥味。

不太合格。

尋晚諗左好耐都唔知食d咩好, 本來諗住食壽司, 但見女友又好似冇咩興趣咁, 於是乎咪諗過另一度啦, 最後我就話不如黎呢度啦, 因為呢度d魚皮好好味架, 同埋佢都未試過!入到去伙計都冇招呼, 咁唯有自己搵位坐啦, 睇左一陣餐牌都仲未有伙計黎執, 咪又舉手叫個伙計黎執囉,佢又話要等等, 師傅我d火又開始黎喇, 正準備比多十秒佢如果都冇人黎執就即閃, 點知個伙計就黎執, 佢一執完又想走, 咪拿拿聲喝住佢幫我落埋單先, 其實當時一d都唔多人, 都唔明點解d服務會咁差? 咁我地要左一個味皇牛三寶麵, 一個超級醬爆四寶丸河, 當我講到呢度時候個伙計又想走, 師傅我再繼續叫多個魚皮, 又呢個時候個伙計又想走, 有冇攪錯呀? 師傅我今次發火喇, 我咪話我都未講完你走去邊? 於是個伙計就唯有企定定, 我就再加多一碟芥蘭加腩汁同埋一杯凍檸賓! 味皇牛三寶麵三寶係有柱侯牛腩, 醬爆牛丸同埋粗根牛丸, 麵有鹼水味, 不過都算幾爽口; 柱侯牛腩就冇得頂, 牛腩好腍好鬆好入味, 柱侯汁好香好正; 超級醬爆四寶丸河四寶有沙魚丸, 貢丸, 豬肉丸, 牛丸同埋紫菜, 河粉好滑, 湯底好清好味, 冇咩味精; 沙魚丸, 貢丸, 豬肉丸, 牛丸每樣一粒, 全部都係醬爆, 不過都唔係一咬就唧晒d汁出黎, d丸都幾大粒幾爽口; 魚皮就維持一貫高水準, 因為有蒜香關係, 所以特別香脆; 芥蘭加腩汁芥蘭好嫩, 加埋腩汁就好夠味, 好正呀!總括黎講呢度d野食幾好, 不過d服務就好唔掂, 今時今日咁服務態度真係好唔得呀, 就算你d野食有幾得d咁服務咪就係等如趕客, 師傅覺得灣仔間服務好好多囉, 下次都會幫襯不過一定唔會黎呢間囉, 個笑面係真係淨係比d野食架咋!

諗住去橫綱食麵，去到先知收爐。

兩隻餓鬼頭岳岳，周圍的餐廳都無開，年三十就收爐，經濟真係好轉咯。

忽然見到呢度有開，即刻九秒九標入去。

「泰式無骨海南雞飯」套餐＄４８　－　有青紅蘿蔔瘦肉湯、海南雞一碟、油菜、香飯及飲品。

雞肉份量都幾多，兩個人食都夠，肉質嫩滑而且有雞味。

香飯是黃色的，好濃郁的椰汁及香茅味但頗乾身，應該沒有下雞油。

干炒豬扒意粉（連飲品）＄３２　－　有四件豬扒，意粉好彈牙，味道亦不錯，不過炒得好油，一路食要一路抹咀。

兩個餐的份量都唔細，而且味道亦不錯，都算抵食。

星期六晚上和家人逛荃灣，飢腸轆轆，見到「味皇魚蛋粉」的食品頗多元化，價錢合理，便入內光顧。

我點了一個日式豬骨湯叉燒拉麵套餐\($28)，母親大人和妹妹不想叫飲品，所以只分別點了一個豬頸肉麵($18)和魚蛋麵($16)。

落單時，那中年女伙計卻問母親大人和妹妹要甚麼餐\飲，二人回應說不需了，女伙計說飲品是跟餐\的，不用另加錢。

妹妹再問清楚：「是否$16便包括魚蛋麵和飲品？」中年女伙計：「是，凍飲要加$2。

」妹妹：「豬頸肉麵也一樣？」中年女伙計：「是。

」正是因為中年女伙計如此回應，原本不想叫飲品的母親大人和妹妹才勉為其難點了兩杯熱飲。

平心而論，我的日式豬骨湯叉燒拉麵的湯底是做得不錯的，比五十嵐的要好，可是差不多吃完時，瞥見發單上的價錢有問題，算一算，明顯是算多了餐\飲的錢，可是那女伙計明明說餐\飲是不用另加錢的，遂叫其他伙計來問。

誰知另一伙計(之後知道是分店店長)堅稱飲品是要另加錢的(當套餐\算)，我們客氣地解釋剛才中年女伙計說的話，那分店店長似有所覺，向另一店員說：「又是你那妹子...！」隨後又向我們說：「可是飲品你已喝了吧？」我們再和她理論，她就叫我們等等，然後走去招呼其他客人。

我們早吃完了，只等店長來處理，可是等了又等，她卻好像沒件事似的，我們揮手她們也似裝作沒看到。

等得氣起，便拿著發單到收銀處結賬。

結賬時我們問店長事件如何處理，她卻說「因為飲品你們已喝了......(所以錢應照付)」我說：「可是那些飲品是你的伙計說不用另加錢我們才喝的，沒道理要我們出錢來替你們伙計的錯誤補救呀！」她也不客氣：「你別再說，我不想聽！有甚麼投訴便對老闆說吧！(老闆當時不在店內)」我說：「好，那你讓我和老闆說吧！」她發脾氣了：「好了！你們想付多少便付多少！算我倒霉！」到我們走出店外，還聽到她在大罵我們。

今時今日如此惡劣的服務態度，到哪裡找？我只替那可憐的老闆婉惜，請了這種伙計，幫他趕了不少客呢！

兩個去左食tea要左個魚蛋河、另外我要個扎肉爆醬貢丸米線魚蛋河$16 好大碗不過得兩粒魚蛋+ 兩片魚片如果每樣可以多一舊就好喇....d 魚蛋都幾彈牙既另外個米線...d 扎肉好多味精! 一食落都知係成舊味精咁_"(雖然我幾appreciate 佢煎一煎先上碟)個醬爆貢丸普通啦..裏面依然係好多好多油個湯底ok 唔太多味精..米線淥得淋左少少另外要左碟油菜，蠔油係分開上既...幾好waiter/waitress 麻麻地啦...個個好似趕住去死咁_"同埋係坐得逼少少je))

味皇魚蛋粉餐單提供粵菜, 廣東等推介美食位於油麻地區，餐廳座位數未知人均消費約$50以下，結賬可以用現金。

您對於油麻地餐廳「味皇魚蛋粉」有何 comment？

味皇魚蛋粉餐廳詳細資料：

• 味皇魚蛋粉地址:
  油麻地彌敦道487號成興樓地下A號舖
  May Wong Fish Ball Noodles, Shop A., G/ F.,487 Nathan Road, Yau Ma Tei
• 味皇魚蛋粉電話:  
• 味皇魚蛋粉價錢: $50以下
• 分類: 粵菜, 廣東
• 座位: 未知
• 付款: 現金
• FB專頁: 味皇魚蛋粉 Facebook

更多味皇魚蛋粉相關資料:

• 味皇魚蛋粉分店
• Youtube
• Facebook
• Twitter
• Google