金來家刺身壽司 紅磡

金來家刺身壽司 評價 相片

與靚師拉短聚吹一吹，最緊要快狠準近，兩分鐘到步即入座。

檯細坐位位細，迫迫夾夾坐得不舒服，速食無緊要啦。

前菜，迷你關東煮？冷盤前菜濕濕口，醬油味濃，清新不膩，蘿蔔爽爽多水，肉丁、魚肉瘦瘦的，可以。

溫泉蛋斧牛帆立鍋冬，斧牛？韓式食店，不是日式食店嗎？姓金係韓姓喎。

即沖湯包感覺濃厚，味道沉實，濃濁不鮮豬骨味。

烏冬又不錯喎，竟然用上手打，烚耐了一點而偏腍，幸好還保有嫩滑微彈感，用濃湯浸著倒入口都滿意。

雪藏無味帆立貝，清水味濃，質地合格。

溫泉蛋微暖不是凍的，蛋黃甘甜味道濃，讚！魚蛋同牛肉就非常普通，唔難食無特別。

這家隱身於小巷的私房餐廳已光顧多次，地方不大，但勝在寧靜，適合慶祝紀念日，老闆師傅及店員態度都很好，食物質數同樣有保證。

食量不大，只叫了三款，厚切三文魚刺身，浦燒三文魚定食及招牌火炙帶子卷三文魚腩刺生厚切，冇記錯賣$6*，份量唔多，但新鮮有質數!浦燒三文魚定食，唔算特別，但勝在即叫即做，燒得香口招牌火炙帶子卷，帶子鮮甜，配上芒果汁，感覺清新唔膩，強烈推介!

佢地嘅刺身係十分之新鮮，好多都係「當季」的，而且好肥美，食落好鮮甜！加上啲sauce唔係豉油，而係餐廳秘製嘅，所以好驚喜！熟食方面，啲款式都好多，份量好我覺較細，但係岩岩好。

佢地唔係一間傳統嘅日本餐廳，有好多野都係chef自創，比如帶子加洲卷。

擺碟方面，佢地唔會好日式，比較fushion左西式。

OVERALL都好滿意，因為有好多其他野都想試，所以會再光臨！

在紅磡工廠區的一條冷巷內新開了一間日本料理屋(約三個月前) 一直觀察了一段時間到最近卒之來此試了一次午餐, 店內面積很細如果要放一般正常嘅枱櫈, 項多放兩至三張枱,雖則店內呈四方形, 為了在細小的店內騰出多一點空間, 店方用上沒有靠背的中式木櫈但可惜的是這櫈跟枱的高度並不配合, 座上櫈時將手擺上枱時感覺特別奇怪, 而且當飯餸拿上枱, 客人食的時候要將身偎前稍稍彎腰食, 坐姿上令人坐得唔舒服, 一定唔會在這環境下慢慢磨啦,當日叫了:雜綿壽司拼烏冬set /$55, 壽司七件, 之前來一個味噌湯 普通! 前菜是少少豆角粒加海螺肉,調味都係嗰d最傳統的甜加埋咸味, 但份量真的超少, 海螺肉就話”貴”啫,豆角粒唔通又好貴?? 味噌湯亦只是一般, 壽司飯都係屬於軟熟嗰種, 但上面件魚生就只有三文魚質地比較上新鮮, 其他的魚肉則唔算太新鮮嗰隻, 不過魚肉也只不過兩種, 而雜綿壽司竟然沒有蛋的壽司就有點出奇! 烏冬就有兩片極之考刀功的極簿紅白色相間魚片, 個烏冬湯好淡, 而菜則是1/16小棠菜, 賣相顯得好小家, 即使百物騰貴但1/2棵小棠菜佔不了多少成本吧?!總括來說: 小店有心無力, 捱得過一個租約已經算有幸褔之神幫比忙了,

今次係好友共聚，也早已訂好位，店主已排好座位等我們！雖然舖面細細，但接觸店主機會較多，用心地為我們介紹每度菜式的做法與食法！讓我們體會到如何去“享用日本食品”的內涵！

金來家刺身壽司餐單提供日本菜, 壽司, 刺身等推介美食位於紅磡區，餐廳座位數26人均消費約$101-200，結賬可以用現金。

您對於紅磡餐廳「金來家刺身壽司」有何 comment？

金來家刺身壽司餐廳詳細資料：

• 金來家刺身壽司地址:
  紅磡馬頭圍道23-35號H隆基大樓48號地下
  Kinkuluya Japanese Cuisine, Shop48, G/ F, Loong King Mansion,23-35 H Ma Tau Wai Road, Hung Hom
• 金來家刺身壽司電話:  
• 金來家刺身壽司價錢: $101-200
• 分類: 日本菜, 壽司, 刺身
• 座位: 26
• 付款: 現金
• FB專頁: 金來家刺身壽司 Facebook

更多金來家刺身壽司相關資料:

• 金來家刺身壽司分店
• Youtube
• Facebook
• Twitter
• Google