知味 紅磡

知味 評價 相片

有一天偶然光顧呢間日式燒烤店，一試難忘，已光顧左幾次，水準依然超好，而且十分抵食，好多串燒都是買三3送1,今次我點左 四季豆， 冬菇， 乾身惹味唔會油笠笠， 咸道適中，老闆話原來用料全是日本貨，細節到 鹽都係日本貨， 雞髀菇好 juice，最要推介是芝士焗茄子，濃濃的芝士 鋪滿茄子上， 每一口都有拉絲，超超超正，海鮮就點左半打帶子，帶子肉質嫩滑鮮甜好味，開邊蝦，十分入味好juice, 北寄貝用清酒煮，如果鐘意飲清酒的一定喜歡，因為真係好濃酒味， 辣汁黃金螺 ，用秘製醬汁煮，小小辣，超好味，好有層次感，呢間小食屋好多地方都做得好細心，（平時食燒烤d店舖通常只會俾紙碟仔，食到尾多數成隻碟透哂油，和隻手會食到好污糟）但呢間小食屋會用大大隻的碟上食物，食得好方便，串燒的竹籤好 乾淨唔會食到成手油，還有好多細心位不能盡錄，可見到2位年輕老闆那份熱誠和對食物質素的要求！

開張冇耐嘅地方串燒店，咁就去試下啦！喺土瓜灣差館里，都算易揾。

無地方泊車，環境都算偏僻。

一坐低，二話不說，因為天氣太熱，梗係叫啤酒先啦。

試咗差不多20款食品:燒雞中翼、魷魚 好香口燒牛舌、五花腩、韮菜、 絶對可以一試再試！燒金菇、雞軟骨、羊架 合格以上推介燒牛脷，燒油甘魚鮫同三文魚腩，原正日本來貨，特製醬汁，香口彈牙，真知味。

老闆仲細心地問我有咩唔食得，好感動。

老闆用心，食物出色，一路食，一路同兩位老闆密密傾，兩位老闆工作態度良好，加咗唔少分

上次食完同兩位師傅熟絡左今次玩大D，來個OMAKASE！睇下有冇驚喜先！又唔錯喎！第一道菜 : 蟹子沙律！簡簡單單都ok喎！第二道菜 : 燒赤魚，魚質幼滑，味道不錯第三道菜 : 燒牛舌，俾唔到意見，少食！少食！第四道菜 : 燒雞翼，夠曬香脆，味道濃郁一些更好第五道菜 : 燒和牛串，超好味之選，和牛幼滑，少酱油，突顯本身牛味第六道菜 : 北海道生蠔，美味香甜，大隻好食！跟日本漁市場即開即食沒有分別第七道菜 : 燒三文魚腩，驚喜之選，外面十分香脆，內裏油分極重！第八道菜 : 魷魚一夜干，十分好味，試過你就知！第九道菜 : 鰻魚炒飯，美味香濃第十道菜 : 澳洲大龍蝦兩食龍蝦鮮甜帶酒味，龍蝦湯甜到你唔信！

紅磡新開串燒，師傅仔即叫即做，好味又抵食。

最推介燒牛脷，厚薄適中，最緊要無筋！燒油甘魚鮫同三文魚腩，日本來貨，配上特製醬汁，夠晒香。

黑豚肉、雞軟骨、雞肉串都係日本返，大陸貨完全比唔上。

燒茄子、冬菇、翠玉瓜都好新鮮。

食材出色有驚喜;師父細心好感動師父烹調食物用心，食物質素出色，同師父一路食，一路傾，先知每種食材都經師父精挑細選，真係每種食材都有背後的故事，而且你諗到可以燒烤的食物都可以預先預訂，真係"估你唔到"，直頭可以做到為你"私房燒"另外師父都有細心位，食燒特大虎蝦時，師父一早串好兩邊，只要一拉就食得，完全唔洗自己同隻蝦脫殼，對我這種唔喜歡同蝦脫殼的人嚟講，簡直感動。

另一出色係燒甜蝦，可以成隻就咁食，殼也不用脫，爆正

知味餐單提供日本菜, 串燒, 小食店等推介美食位於紅磡區，餐廳座位數未知人均消費約$50以下，結賬可以用現金，Booking訂位可以電話致電 63352998 查詢。

您對於紅磡餐廳「知味」有何 comment？

知味餐廳詳細資料：

• 知味地址:
  紅磡差館里15B號地下5號舖
  知味, Shop5, G/ F,15 B Station Lane, Hung Hom
• 知味電話: 63352998
• 知味價錢: $50以下
• 分類: 日本菜, 串燒, 小食店
• 座位: 未知
• 付款: 現金
• FB專頁: 知味 Facebook

更多知味相關資料:

• 知味分店
• Youtube
• Facebook
• Twitter
• Google