滿堂樂滬京風味 紅磡

滿堂樂滬京風味 評價 相片

知道呢間舖頭好耐，一直都未有時間食。

環境方面，話到明係老店，對環境當然唔可以有太大期望。

現場見到員工即場手包餃子，保證係新鮮即煮。

食物方面，今天嗌左一個雙拼餃子，韭菜餃拼津白餃。

數量比想像中多，每一隻味有五隻，一共十隻。

而且佢個湯底都好清甜好好味，仲有幾條白菜仔同冬菜碎。

餃子都好入味，有肉汁，好juicy。

價錢方面，一碗雙拼餃子都只係$36，真心超級抵食。

聽講佢之前上新聞，好多人喺門口排隊食佢個粢飯，下次買來試吓先。

經過幾次間上海嘢都冇試過～睇個名就知道有D歷史～開咗好耐嘅老店～裏面嘅環境就知係老字號～次次經過都見佢有D熟客幫襯～款式都算多～有雲吞、炸水餃、排骨麵、粢飯、豆漿、油條、酸辣湯、雪菜麵、炸豬扒之類～今次試下佢個酸辣湯先酸辣湯睇落顏色比較紅～不過都幾多料～有：木耳絲、筍絲、豆腐、蕃茄、豬肚～仲有好多辣椒粒同核添～食落去夠酸夠辣又唔會太杰身～最驚係有D鋪頭加咗好多味精～食完要飲好多水～依間食完又唔會喎堂食外賣同價

从外面看，这是一家很平凡的家庭式小店，里面只有三张枱，而且有点乱。

但看到份店外不少人在等外卖，就进去吃晚餐。

其实店内真的很一般，地方有点小，不是太整洁，感觉有点乱。

餐牌就在墙上，简简单单的多种汤面，属街坊价格。

猪扒汤面是分开上，汤面只是一般。

猪扒是即炸的，上桌时还是热的。

香脆的外层再加上软滑的肉质，肉汁还是保留着，口感相当不错。

炸水饺是即点即煎，要略等点时间。

馅料是津白和猪肉，味道清甜，水准不差。

这里的食物水准不错，猪扒更是食不厌。

紅磡真係好多老店, 呢間滿樂堂都係紅磡街坊既心水之選。

就算過左午飯時間, 都總有街坊/ 學生/ 附近返工既人黎排隊。

我叫左個豬扒麵+冬菇 ($35 + $7) 冬菇好厚肉, 啖啖肉, 而且帶有濃郁既香菇味。

 炸豬扒係分開上, 仲好細心已經全部切件, 方便食用。

豬扒炸得好香脆, 醃得好入味, 肉質鬆軟而且帶有肉香, 果然係招牌菜。

麵條採用幼身既麵條, 仲有少量白菜, 配上清湯一齊食剛好中和左炸豬扒既油膩感。

凍豆漿 $7豆漿有少少甜, 帶有淡淡既黃豆香味, 唔錯。

店舖雖然裝修老舊, 但人流依然絡繹不絕, 靠既就係食物原味道。

紅磡明安街4號港鐵黃埔站 B 出口, 步行約5分鐘

最近呢間粢飯好出名下，專登行去買返公司當早餐食，落單一分鐘唔洗就有，係即叫即包既，份量比我想像中大。

十分鐘唔洗返到公司，仲熱。

下面這圖，是我食左幾啖覺得唔對路，料足不足，是不是粢飯應有的少飯多餡，大家可以看到。

飯，夠熱，但硬而散，絕對不是煙韌粘軟的糯米飯，食食下會成舊甩出黎，完全不結實，仲有D生飯感覺。

餡料，我期待的是脆卜卜，而不是兩大條硬繃繃、基本就黎咬不開、硬、乾、超熱氣，同飯一點都融合不來的油炸鬼。

再者，是一舊舊的硬飯。

硬飯Ｘ超硬油炸鬼飯跟肉鬆炸菜和油炸鬼的比例，配合得好差。

食左好多飯先見到中間的餡，然後就散開哂，見圖。

糯米飯我真的要講十次，不是煙韌粘軟，是硬。

味道方面，鹹味和素肉鬆的酥香是合格的，不是特別的鹹。

有很多賣粢飯的地方，並不是即叫即包的，但即刻包又點呢，咪又係難食。

不吐不快，這家店是不是一直都係咁樣的水準？價錢係22蚊一個，加豆漿27，早餐來講，有大把更好的選擇。

此時此刻同一日下午3:33，我係咪要多謝你幫我慳返餐午餐錢呢，因為我飽到未食到午餐，但同時，我個喉嚨乾左成日，佢個油炸鬼真係熱氣到不得了，就黎喉嚨痛咁濟。

好了，以後都唔會再幫襯。

滿堂樂滬京風味餐單提供滬菜, 上海, 雲吞, 餃子等推介美食位於紅磡區，餐廳座位數未知人均消費約$50以下，結賬可以用現金，Booking訂位可以電話致電 23636488 查詢。

您對於紅磡餐廳「滿堂樂滬京風味」有何 comment？

滿堂樂滬京風味餐廳詳細資料：

• 滿堂樂滬京風味地址:
  紅磡明安街4號
  滿堂樂滬京風味, 4 Ming On Street,, Hung Hom
• 滿堂樂滬京風味電話: 23636488
• 滿堂樂滬京風味價錢: $50以下
• 分類: 滬菜, 上海, 雲吞, 餃子
• 座位: 未知
• 付款: 現金
• FB專頁: 滿堂樂滬京風味 Facebook

更多滿堂樂滬京風味相關資料:

• 滿堂樂滬京風味分店
• Youtube
• Facebook
• Twitter
• Google