森美廚房 紅磡

森美廚房 評價 相片

短短一條青州街內就有四間食肆，除了經常去的越南菜館老許以外，其餘三間都是吃西菜為主。

是夜跟太座走到附近欲挑一間去解決晚飯，老許已吃過多次，不感興趣，對面的兩所小cafe好像又不太對路，剩下這間叫森美的，看上去是走較高檔路線，不過看見門外dinner menu又不是太貴，好像很抵吃，於是兩口子便推門而進。

怎知最後離開時，卻換來一臉失望....說這裡走的是偏高檔的風格，除了那簡潔怡人的佈置外，那年紀應是步入中年的侍者的一舉手一投足，竟跟在高級餐廳內的侍應是絕無兩樣的。

不過最奇怪的是，我們兩口子當晚叫的只是兩杯普通菓汁，店方竟用上高身的酒杯來剩着會不會是有點令人嘖嘖稱奇呢 ?說回這兩杯fruit juice，小弟的橙汁喝上去應是用上像Mr. Juicy那樣的貨色，甜味並不很自然沒有喝太座的蘋果汁，但看見她那喝後眉頭大皺的模樣，水準大概亦可以猜到了.....湯是最普通的粟米火腿忌亷湯。

老實上，味道真的跟平常在茶記喝到的並無兩樣而且是鹹得很，十萬個失望若果湯內有些切粒洋葱的話，那就好一些....變成千個失望啦....已開始對這餐飯沒有甚麼期望，只希望將之吃完便馬上"走人"而已看到那所謂的他他汁焗帶子的頭盤就更是惱人 那帶子無論看上去抑或是吃進口都感覺是像營養不良似的，肉不飽滿之餘又既削且韌，有如像在吃柴皮，只可以用"不知所謂"四個字去形容那他他汁反而還可以 雖然質感很稀，但起碼味偏甜酸，吃落頗醒胃，而且汁內下了不少的酸瓜進內，吃落帶點爽爽的口感，不錯。

不過可惜的是主角的表演太差勁了，浪費了配角的一番心血....主菜的水準跟前菜的很雷同叫了一味海蝦併鱸魚，一望見那顏色發黑的蝦頭，便知這些蝦是新鮮極有限吃進口是帶苦味的，肉質亦是帶脢，最離譜的是伴吃的汁的味道及濃稠度竟跟之前的忌亷湯有九成相似，真的忍不住說一句 : "有冇攪錯 ?"....鱸魚的皮帶少許微脆亦不過燶，應是這菜的唯一優點最弊的是魚肉是差不多全然沒有味的，而且肉質很"散"，是典型的雪藏貨....伴吃的capellini是繼那魚皮外另一吃得下的，質地不過淰又不會黐成一嚿嚿。

遇到一味比較似樣的，馬上狼吞虎嚥，將之一掃光...忘記了太座的主食，亦沒有興趣去記及吃了....甜品只是些賣相"溶溶爛爛"的桂花糕，胃口大倒吃了一口便將义放低.....連餐後的奶茶也是不堪的 不知何解已下了整包糖，亦用了匙羹拌勻，喝進口竟也是苦的看來這奶茶之味就正如小弟當時的心情一樣 是苦不堪言的了.....

首先有麵包同湯個包好鬆軟最鐘意 D 包係熱架蜆肉意大利粉紅咖喱雞肉意大利飯意大利好炒得好香蜆幾鮮個飯一食落去就食倒一大陣好香嘅椰汁味同個紅咖哩好 match飯同意大利粉嘅肉都唔多大量食肉人士請注意個甜品唔係普通一個甜品係即叫即焗心大軟呀好正呀1300 前埋單有 85 折仲要免加一呀

見OPENRICE食評唔錯，我又住係附近，上星期有日我12點未夠去到，諗住試下，去到門口唔見是日午餐牌，自己打開趟門，見好似老板的SAM&一位著住制服的WAITRESS&一位估做兼職的侍應阿姐，女WAITRESS很緊張地說我一定一定要12點9比返張枱才可以，他們點我坐門口張枱，我幾經要求下才答允讓我坐入面的位，重要討價還價唔比坐對正電視位，因為張枱留坐1點喎，淨係可以打側坐看電視，心諗當時全店都無人，使唔使咁緊張啊，第一印象已大打折扣。

上菜仲比我想像的來得更快更狠，一坐低就來餐包和一小碗的牛油+餐湯，杯牛油好明顯是不停REUSE的，都担心汚染，湯我飲了兩啖已又來了主菜，阿姐竟然問我仲要唔要，我說要的，她還是移開我的湯，放下主菜在我面前，我的火都開似有D來，自己搬開主菜，先飲完湯，跟住阿姐又來問我要咩甜品，然後一陣又上了甜品，總之成餐飯我一食完一樣OR未食完，佢地3人組都好快就來收碟，總之最好唔好阻住佢地做生意，我完全FEEL唔到食評寫的老板SAM的做飲食熱情，雖然食物唔錯，價錢平，但SERVICE就不敢公為，最離普是我仲飲緊凍濘茶時，阿姐竟然奉上賬單，擺明請客，好似牛牛公司都無咁出位，客人未叫埋單就趕客。

好同事生日, 所以想搵間未食過既餐廳同佢食個好d既lunch,諗起呢間前身係法國餐廳的sammy’s kitchen,上黎OR睇過~好似都唔錯~得知訂枱會有dessert送~於是即日先打去~原來lunch set已包甜品,而訂枱則會送碟小食.Lunch set有6款主菜選擇,兩個價錢, 分別係$43 & $52,睇menu的時候, waiter 會放上餐湯+麵包,真細心, 一來慳d時間,二來醫肚餓….今日既湯係甘荀忌廉湯.set我選了洋蔥西冷薯菜 $52, 同事要了茄汁蜆肉意大利飯.$43,甘筍忌廉湯:飲得出有甘筍味道, 但不是太濃烈, 都做得幾creamy, 相信平時接受唔到甘筍隻味道既人都會飲到呢個湯.牛油餐包有烘熱過, 所以有少少脆身,鍾意佢細細個既設計.另外呢間餐廳唔係俾獨立包裝牛油, 而係一杯牛油, 你要幾多就切幾多出黎搽, 冇錯~咁樣serve牛油係唔會浪費左, 但係點樣確保前一位客人冇加料污染左杯牛油呢…?之後放上小食:炸雞翼兩隻. 但因為我地唔食雞~所以就退番比waiter, 點知佢地竟然換上一小碟沙律~真係好喇~沙律有薯仔,甘筍,椰果…食緊salad既時候 ,main course就上lu…都好快~洋蔥西冷薯菜: 西冷的份量足, 落order時冇問要幾多成熟~但一切開, 好淋~唔韌, 控制得剛剛好~唯一係個薯菜竟然係薯餅,有少少特別~如果係薯條會更好..薯餅也炸得夠脆~但有半塊被洋蔥汁整淋左~我就唔鍾意喇~抵讚之處在唔係凍,似係即炸~如果可以諗個方法分開d汁同薯菜就好喇~因為好多時食扒都有呢個問題架…茄汁蜆肉意大利飯:賣相唔錯~我當然要幫手share下啦~嘻….好似有唔少蜆肉~但我食落就覺得茄汁味唔夠重,其實望到d飯既顏色唔係好茄汁色~至於d意大利飯真係控制得幾好, 飯有口感,但冇過硬或爛晒既悄況~份量唔少~同埋呢隻飯特別飽肚.因為時間既關係, 未食完主菜,甜品已經擺左上枱喇~焦糖燉蛋或心太軟, 我地一致揀左心太軟:size好迷你, 咁幾好~如果唔係之前食到咁飽仲邊食得落. 佢地既心太軟唔係平時咁樣一個倒轉左既形狀, 而係用焗杯裝住, 雖然我地等左娥57mins先食~ 但入面既朱古力依然呈流質狀態.朱古力濃度ok~可以再濃d更好~這裡店子小, lunch如多人建議先訂枱, 雖然waiter只有兩個, 但上菜速度快~ 唔駛驚遲到番office~同埋真係好抵食~冇加一, 但係湯,主菜, 甜品, 餐茶都有~值得再去…

老闆sam 哥好好人, 食過一次就記我地, 食過佢的lunch 同dinner, 每次都有驚喜!!dinner頭盤: 我至愛的翡翠螺兩大隻, 有時係辣酒煮, 有時係牛油焗, 兩款都好好味!!! 勁爆鍾意食翡翠螺!! 餐湯: 西蘭花忌廉湯, 金必必魚翅湯, 湯底好滑, 食得出廚師的用心!主菜: 黑豚肉, 羊架 同豬手, 直得推介, 尤其是燒豬手, 外層是脆卜卜的, 但內裡卻能保持肉質鮮嫩!! 薯菜有時都會有驚喜, 就係肉醬焗薯皮, 我至愛唷! 甜品: 甜品卻從沒馬夫, 師傅用心炮製, 焗軟心朱朱力布丁 朱朱力味香濃卻不覺膩, 細細杯份量剛好!! 士多啤利pancake, 香橙慕思, 真材實料粒粒橙肉及橙皮香!! 嘩!! 最值得稱讚的是, 登....登....登...登.....冰鎮拔絲萍果, 勁有心機製作的甜品!! 唔係成日有架!!! 要睇彩數, 哈哈!!餐茶: 咖啡, 可添飲!老闆話lunch 如果有訂枱仲會送甜品添呀!!!計我話, 食飯最緊要開心, 一路食飯一路感受到做菜者的用心, 同老闆sam 哥對經營餐廳的熱誠, 簡直令人驚歎, 佩服, 無得頂!!

森美廚房餐單提供西式等推介美食位於紅磡區，餐廳座位數未知人均消費約$51-100，結賬可以用現金。

您對於紅磡餐廳「森美廚房」有何 comment？

森美廚房餐廳詳細資料：

• 森美廚房地址:
  紅磡香港九龍紅磡青州街3號地舖
  SAMMY'S KITCHEN,  
• 森美廚房電話:  
• 森美廚房價錢: $51-100
• 分類: 西式
• 座位: 未知
• 付款: 現金
• FB專頁: 森美廚房 Facebook

更多森美廚房相關資料:

• 森美廚房分店
• Youtube
• Facebook
• Twitter
• Google