桃園快餐 紅磡

桃園快餐 評價 相片

炸雞髀🍗$16咁啱響個頭做嘢😝諗住食埋個tea就返屋企😌結果去到紅磡廣場搵食☺️見到近門口有間小店😏其實都係諗住食少少野🤣結果就見到個餐牌🙃炸雞髀$16一隻…..😮講真$16竟然有一隻雞髀真係好抵😎咁當然都怕會好細隻🤣結果個size都正常🥸但就唔似平日食開嘅炸雞髀🤭似係滷水雞髀拎咗去翻炸😂炸完再落淮鹽🥸味道方面就普普通通🤣肉質比較乾，而且太油🤭但呢個價錢又合理嘅😉桃園快餐 (紅磡)紅磡馬頭圍道3739號紅磡廣場地下G56號鋪

全女班工作人員，嬸嬸姐姐們都非常主動有禮，親切友善，幫襯得滿意舒服。

格局保持舊式外賣店，還提供幾張摺檯給食客使用，有位坐差好遠啦。

有生菜魚肉，無碗仔翅，炸髀油髀，魚蛋燒賣腸粉，各式煎釀魚蓉類，基本車仔麵食材，還有雞牛豬扒餐腿腸蛋快餐，等等等等，包羅萬有港味濃。

估不到有車仔麵提供，收得太密喎﹗路經十多年來都並未發現，有機會試試，印象中廿十年前好似係紅磡廣場食過。

煎釀尖椒，只得面頭一篤仔淡味粉粉魚肉，整條尖椒都空心呢。

冰凍多水爽爽脆脆甜，辣椒籽微辣刺激。

煎釀紅腸，不過火的咸香中帶有肉甜味實屬難得。

煎釀豆腐，冷冰冰的外皮微脆香口，一趙爆水，散發油益味。

煎釀青椒，跟尖椒一樣只得一丁點薄薄魚蓉，跟本試不到質感與味道，外油內冷非常爽脆，有無炸過架？只係拖拖油？爽甜多汁半生青椒還可以。

炸鯪魚球，真的幾凍喎，冷氣好勁嗎？鯪魚球微腥，魚味濃又少少彈，過過口癮填飽肚算喇。

煎釀茄子，凍而軟棉，索油力強勁，一咬噴油好得意，滾上豉油食舒服好多了。

嬸嬸主動翻熱誠意可加，但油溫微弱，滾都唔滾，直頭唔熱，油浸三寶好野呀！滴晒油入口，真係十分潤澤。

豉油雞髀，先由我最愛開始，非髀不愛。

勁抵食 $16 蚊大大隻髀，嬸嬸還替我翻熱呢，唔該晒。

熱辣辣釋出滷水香氣，賣相不予置評，甩皮甩骨，入口硬實的感覺使人沮喪。

味道夾雜香料滷水，不過不失，免強下嚥，同場超記烹調得更可口味美喎。

咖哩魚蛋，麵粉魚蛋黏牙成口粉，最大益處係唔會腥，咖哩甜甜的微香不辣，似層相識的味道，便利店出品的咖哩味。

我問嬸嬸有否辣魚蛋？回應無喎，只有咖哩魚蛋呢。

我心諗咖哩唔辣的嗎？嬸嬸真係分得好開下喎，哈哈。

生菜魚肉，喜歡她的原汁原味，沒有麵粉、沒有馬蹄粉、沒有魚膠粉，質地天然無添加。

滑滑微腍夠純樸，淡淡鯇魚肉味道，清爽雞湯底混上胡椒粉及麻油，還帶著突出生菜味，簡單就是美。

望落十足自家製辣椒油，不過一般小食店無理由自己煮，唔化算、唔經濟，微辣夠香咸咸地，都可以添一點點風味既。

大腸豬紅雞中翼幼麵多汁，最初姐姐好慳比得一篤仔咖哩汁，我即時要求多汁，姐姐都係比多一篤仔，真係好慳喎。

還是怕太辣？怕太咸？清澈見底的湯汁，先來幾口。

意料之外的清爽可口，味道濃濃不水汪汪。

再來立即夾起幼麵掛著咖哩汁大力啜入口中，甜而不辣、香而不濁。

而且幼麵夠彈嚥韌，姐姐淥麵手藝不錯。

滷水雞中翼肉質而被浸到霉爛乾鞋，入口即散，無牙都可以食得到，味道過咸且濁，難食﹗豬紅充滿韌度，大力夾起都不會破損，醃過咸咸的，不過不失啦。

豬大腸，夠大膽用上豬大腸﹗難清洗，腥味濃濃難除去。

炆得軟棉的大腸，仍然保存腸裡面的絨毛，外彈內滑，味帶咸香不羶，蠻滿意啊﹗比雞翼及豬紅更好食。

燒賣腸粉，$8 蚊有四條腸粉，$6 蚊有五粒燒賣，市區價錢合理不過。

見嬸嬸係蒸爐內取出一個銻兜，原來已一早剪定，有 order 便可以即時反碗出貨慳時間。

我心頭突湧來一股寒意，感到非常不安，額頭滴汗了﹗梗係撈個混醬再撒上芝麻啦，夠晒香口。

最初嘗試將腸粉直接跟混醬撈均，但實在黏等實一實，唯有耐心地續一將每條腸粉分開。

硬實帶乾的腸粉，真的十分失望，有放棄的衝動，但唔能夠浪費食物，最終都硬著頭皮全部消滅。

燒賣都是同一命運，外層有點乾硬，裡面黏黏的，唔多想食都要食晒去﹗甜辣醬麻醬芝麻豉油混起來甜酸苦辣樣樣齊，味道豐富和味又有趣 ﹗味道一流，質地九流。

炸雞髀，只需 $16 蚊勁抵食 ﹗雖然明顯地翻炸，不過夠大隻夠肥美，加不少分數。

炸得金黃發熱發亮，閃閃立立令，已被香噴噴炸雞的氣味所迷倒，暈得我一陣陣。

新鮮出爐，雞皮仍然泛著油光，先用油紙索一索、壓一壓，可以減低油份。

我唔客氣喇，一咬一扯，雞汁發射噴出，甜美無窮。

輕煙在肉絲間滲出，氣味芬芳更添食慾。

雞皮炸得薄薄香脆，真係估您唔到呀﹗醃味甜美得宜，加上雞肉非常滑溜而充滿彈性，其貌不揚的十分好味道。

炸雞中翼炸餃子伴印尼撈麵，意想不到的配搭，效果來得不錯。

印尼撈麵， 堅係熱辣辣印尼即食撈麵。

醬汁沉底，幸好味粉醬油夠濃，麵彈乾爽，姐姐手藝到加。

炸雞中翼，內內外外都好似麥記，外層粉厚勁脆，厚厚皮但少少肉，試一次便夠。

炸餃子罕有地使我讚嘆，外脆內軟夠乾身，無咩肉汁亦無咩肉味，但非常香口。

豉油雞髀，嬸嬸話只會走走油翻熱，不會翻浸呢 ﹗我都未寫食評，嬸嬸點知我早前投訴浸到隻豉油雞髀乾硬鞋，仲甩皮甩骨呢？依隻就天淵之別喇。

巨髀啖啖肉，走走油好鬼香口，豉油味更突出，皮嫩滑帶爽彈。

外層熱熱的，裡面室溫白滑嫩肉，多汁美味。

牛腩豬皮蘿蔔粗麵咖哩湯，為何會那麼好味道的呢？咖哩豬皮棉滑帶爽，不乾硬不油益，咖哩味濃烈香辣，完全滲透十分滋味。

蘿蔔小方塊爽甜多汁，水潤無比，鮮嫩沒半點渣。

牛腩啖啖肉，不是一般車仔麵提供的牛腩碎牛腩邊皮，真正的牛腩。

鬆軟帶彈，牛味甜美可口，啖啖都係肉汁。

粗麵未算最差，有微弱蛋香微弱彈力，不過不失。

墨丸貢丸餃子冬菇莜麵咖哩湯， 迷你連蒂冬菇仔有趣，蒂爽菇肉滑彈，菇味蓋過蠔油味。

墨丸正常，強粉滑嘟嘟，有墨味。

餃子外購穩陣幾好食比炸餃子更好，滑滑嚥韌外皮包著少許肉餡少許肉汁滿意。

莜麵滑彈散發淡淡咸香，連咖哩湯大大力掃入口，濕潤兇湧，不錯不錯食得過。

點菜時見住有兩粒貢丸，阿叔外賣車仔麵都已經包好，臨走打劫埋我既，激鬼死﹗嬸嬸話即刻烚比我，心諗有排烚喎。

點知唔夠兩分鐘送到，果然心仍是冷 ﹗冰凍的內心，唯有咬成碎片再浸浸吧，味道平凡淡淡一般，不吃也吧。

已經刪除左炒烏冬及炒腸粉喇，無機會試添，再試試車仔麵。

四餸麵連凍奶茶 $36 蚊，堅抵啦 ﹗仲有兩皮生菜送喎。

黑椒汁雞扒豬扒斯華力腸飯，雞扒炸得皮脆肉嫩，肉汁沖滴出黎添喇 ﹗不過醃得太淡，白肉幾乎無味，您唔係打算想我食原味雪藏雞扒掛？幸好有黑椒汁打救，還可以。

煎豬扒鬆軟，保持原始質地，豬味甜美不羶，醃味溫和，可口舒服。

斯華力腸炸到皮開肉綻，腸肉腍劈劈，腸皮硬膠膠不爽脆，麻麻地。

白飯濕爛，使我有放棄的衝動，真的唔想食呢 ﹗黑椒汁十足透明咸咸的啫喱，超級得意 ﹗為左您，我免強爬兩啖爛飯啦。

蒜蓉汁豆腐斑腩飯，全部清色都幾搞笑幾齋下，顏色單調。

即炸豆腐斑腩新鮮出爐熱辣辣，玻璃蒜蓉汁富趣味性，脆皮滑豆腐無得頂，但沒什麼味道，沾上淡淡蒜蓉汁都好食喎。

得一舊斑腩似返斑腩，其他薄薄似斑塊，咬開冒煙感動萬分，外層微脆，內層結實彈牙射出肉汁。

整體有品味有質素，可以返轉頭添食。

鮮茄牛肉飯少飯，竟然最好食係鮮茄牛，綠份既野真係好難講  ﹗幾乎全部飯食晒，幾乎一點飯都無剩﹗味濃夠酸，茄香開胃，好食過地庫寶城出品鮮茄汁多多聲啦！牛嫩不韌，微鬆不過份，very good ﹗無從挑剔的讚美。

雖然飯後有點頸渴，濃味茄汁都好正常啫。

咖哩牛腩飯少飯，果然同車仔麵既牛腩一模一樣高檔次喎。

鬆化軟棉無渣入味，咖哩香濃黏稠，厚厚汁撈飯特別好味道。

好采唔夠汁乍，極有衝動食晒牛腩後仲想撈汁清晒白飯，危險危險﹗實在豈有此理，太過份﹗仲搭左舊粉腍香濃薯仔添，太好食咯 ﹗就連伴碟生菜都爽爽甜甜，毫不馬虎。

粟米汁魚柳飯，斑腩已經試過，輪到魚柳喇。

會唔會係同一樣野呢？果然不出我所料，係完全一樣的啊。

粟米斑塊、粟米魚柳、豆腐斑腩，全部都係用同一款青魚柳來的。

新鮮即炸真的滾熱辣，特別鮮味﹗蛋漿鬆化不油而乾爽，金黃香爽炸得好靚呢﹗一咬爆外，輕煙飄飄。

看得見的魚汁啊，先結實後滑溜，味道還不錯添﹗淋上粟米汁就更有風味，外濕內乾、外脆內嫩地品嚐。

我愛 creamy 又多粟米粒的粟米汁，這個汁只有零星落索的幾粒粟米加點點蛋花，感到有點心酸，瀰漫著窮困的感覺，不好受呢。

粟米味道極之微弱，幸好醬油味道夠濃，撈飯還不錯。

鮮茄吉列豬扒飯，即叫即炸，金黃鬆脆乾爽不油膩，真的炸得技巧超群，每一咬都發出索索的撕裂聲音，十分悅耳。

豬扒醃味偏淡，豬味、肉味都被厚的的麵包糠蓋過了，所以沒什麼味道，雖然口感一流，外脆內棉，但乾硬感濃厚，認真麻麻地。

鮮茄汁突然變得非常重要，滾上鮮茄汁再咬，舒服很多了 ﹗味道還好很多呢。

濃濃鮮茄汁都的好好味，夠酸帶鮮茄味道使到食慾倍增，不過飯後真的有點頸渴啊 ﹗不喜歡吉列食品的我真的為試而試，見我對您地桃園幾鬼好呀。

桃園快餐餐單提供港式, 車仔麵, 快餐店, 小食店等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「桃園快餐」有何 comment？

桃園快餐餐廳詳細資料：

• 桃園快餐地址:
  紅磡馬頭圍道37-39號紅磡廣場地下G5-6號鋪
  桃園快餐, Shop G5-6, G/ F, Hung Hum Square,37 Ma Tau Wai Road, Hung Hom
• 桃園快餐電話:  
• 桃園快餐價錢: $50以下
• 分類: 港式, 車仔麵, 快餐店, 小食店
• 座位: 未知
• 付款: 現金
• FB專頁: 桃園快餐 Facebook

更多桃園快餐相關資料:

• 桃園快餐分店
• Youtube
• Facebook
• Twitter
• Google