摩豆 紅磡

摩豆 評價 相片

每次經過雞蛋仔檔總會有股衝動去買黎食今次經過紅磡呢間雞蛋仔檔真係比佢咁有創意的Menu吸引住當中有斑蘭雞蛋仔、積及橙朱古力雞蛋仔、宇治金時雞蛋仔等等而我地就叫左佢人氣第一的流心蜂蜜雞蛋仔($23)香噴噴即叫即整，外脆內軟，呢個蜂蜜雞蛋仔無我想像中的流心其實是用了一粒粒蜂蜜爆炸糖那樣的原理，雖然唔夠流，但勝在用料足又用心製作每口雞蛋仔都有很香的蜂蜜味，挺喜歡，下次定會試其他款式呢間雞蛋仔分店都挺多的，不妨試下喔！

本來今天下午去完飲茶之後已經飽但是經過見到有雞蛋仔 忍不住買了一底綠茶紅豆味雞蛋仔 雖然好飽只能吃三份一底但都覺得好味又足料👍雖然我自己都會整雞蛋仔又有家用雞蛋仔機但是我下次想再試肉鬆蝦乾味

一向都鐘意食雞蛋仔呢d傳統小食，今日約咗人傾嘢早咗到，見到呢間小食店，雞蛋仔有好多選擇，有原味、朱古力、宇治抹茶、凰梨、斑蘭等等，order咗一份芝士雞蛋仔，店員説可以加半價有特飲，所以就order咗杯白桃魔豆冰（$7）試下，等咗大約五分鐘左右，d雞蛋仔係即叫即做的，一攞上手好香好脆，食落口外脆內軟，d芝士味濃郁👍🏻，又唔會太甜，而杯魔豆冰原來即係沙冰，幾清甜解渴😋又夠白桃味，期待下次試埋個流心蜜糖雞蛋仔😋😋

我一向喜歡吃雞蛋仔，也以原味為主。

記得有一次在看戲前，朋友買了一客芝士味雞蛋仔，當我拿上手及咬了一口後，我很不開心，因為雞蛋仔是涼的，也不是外脆內軟。

自那之後，我對非傳統味道的雞蛋仔有所保留。

可是沒想到在我乘巴士到黃埔附近下車的地方，發現在小巷內有間門面光鮮賣雞蛋仔的店子。

除了旁邊有一把大大的太陽傘外，還有一幅大大而又精美的圖片牌。

當看過那多款不同味道的雞蛋仔及格仔餅照片後，我對自己說：我要食“宇治金時“!由於是平日下午的關係，在我光顧時未有其他客人排隊或等候，所以我跟店員落單時提出要求，希望能做到外脆內軟的雞蛋仔。

當時男店員回報以微笑及說了一聲ok。

大慨 8至10 分鐘後，熱烘烘又脆卜卜的雞蛋仔做好了!※ 宇治金時味道 ~ 這是以綠茶麵漿加紅豆而成。

粒粒飽滿的雞蛋仔表面顏色帶點啡黃， 搣開後內裡顏色有紅有綠好鮮明。

如店員所說的 ok, 雞蛋仔新鮮熱辣辣做得外脆內軟。

整體味道不會太甜，有紅豆粒之餘也帶點綠茶及香濃的雞蛋味，能令我一個接一個吃不停。

在我工作及住處附近並沒有摩豆。

這次能有機會遇上及品嘗這麼好吃的非原味雞蛋仔，確實令我難忘。

也要謝謝男店員的用心製作，才能做出好吃的街頭小食呢!

喺黃埔番工，如果唔行出黃埔新村，基本上無啖好食。

有日食完LUNCH後，見到新開了Modos，而且無咩人排！即夾同事買雞蛋仔食～ 咸甜款都好吸引，最後叫了一底「肉鬆蝦乾雞蛋仔」及「伯爵雞蛋仔」share食~雞蛋仔即叫即製，所以喺黃埔新村及差不多過哂 lunch hour 呢d比較少人嘅時間先唔駛等咁耐。

製作時已聞到好香嘅雞蛋仔味~~~「伯爵雞蛋仔」入口有好淡、好淡嘅伯爵茶香，但真係好淡。

要連續食２粒，落到喉嚨先食到茶香。

我自己麻麻地。

但同事話「食食下都ok」 「肉鬆蝦乾雞蛋仔」 外層脆口，肉鬆配蝦乾本身已是絕配，但原來意外地帶點微辣，令味道更豐富。

我勁鍾意食，一條友食咗半底。

總括都幾好食，下次要試羅宋湯味！

摩豆餐單提供港式, 小食店等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「摩豆」有何 comment？

摩豆餐廳詳細資料：

• 摩豆地址:
  紅磡德民街29號德民大廈地下B1舖
  Modos, Shop B1, Tak Man Building,29 Tak Man Street, Hung Hom
• 摩豆電話:  
• 摩豆價錢: $50以下
• 分類: 港式, 小食店
• 座位: 未知
• 付款: 現金
• FB專頁: 摩豆 Facebook

更多摩豆相關資料:

• 摩豆分店
• Youtube
• Facebook
• Twitter
• Google