和味 紅磡

和味 評價 相片

第二次食,以前成日放工經過都只係去隔離買魚蛋燒賣,最近想轉下口味,搜尋openrice上面紅磡推薦,選擇佐呢間. 思華力腸大大塊,咬落去脆卜卜，正! (首選) 燒牛柳有陣蒜香味,滑嫩多汁,正! 雞中翼少少辣,唔會太乾,唔錯,燒雞肉串肉質新鮮,唔錯.太好食,無時間影相.下次再po上來服務態度值得表揚.雖然店鋪不大,但口味出乎意料好,價錢公道，下次帶朋友過來試試其他款,茄子同帆立貝已經列入list裡邊. 建議:如果有燒雞比就好啦

今次係第二次幫襯，服務好好，d串燒都唔算貴 而且燒得好細心 每舊肉上面都有均勻既蒜蓉/孜然粉 扺讚🤤🤤全部都好好味 推薦牛舌 豬頸肉 雞軟骨😆😆😆超級好味 真心推介😆😆

係紅磡呢區,夜晚宵夜必定係吃燒烤呢度附近幾條街加埋有成10間燒烤店夜晚幾條街都聞到陣陣燒烤味之前經常過黎吃宵夜既關係，基本上差唔多間間都試過曬。

呢間舖見新開，一於去試下！基本上燒烤野都不外乎雞翅，肉串，茄菜但呢度比較特別係有是日海鮮，噤啱今日有龍蝦，扇貝，蜆，生蠔，大蝦南非龍蝦58$ 半邊，燒得啱啱好，調味唔重，唔會蓋過蝦肉既鮮味，肉質爽，係新鮮貨，係街邊燒烤店都可以吃到龍蝦，真係幾驚喜！扇貝$18， 好大隻，肉質爽甜，坊間好多燒烤舖往往用大量蒜蓉調味，蓋過食材本身既鮮味，呢度只係用少少蒜蓉+味粉，還原食材既味道，唔錯！燒生蠔$22 兩隻，半殼燒，蠔味幾濃，無腥味，呢個價錢算好抵吃雞全翅$25/3隻，全部即叫即燒，生燒需時，但味道最好，皮脆肉嫩，咬落去有肉汁，係吃過噤多間中最好吃，真心推介羊架$20 醃過既羊架，蘇味唔重，肉質鮮嫩，鍾意吃羊既可以一試茄子$20, 吃燒烤必叫，大條抵食，蒜蓉入味其他野食都係大路野，燒韭菜，燒豬頸肉，燒生葵以往吃過其他舖都覺得好重口味重味精，吃完好口渴，而且覺得味粉蓋過曬d食材味，好似樣樣野都係一樣味，同埋d野有d係燒好再翻熱比客吃，味道係吃得出呢間係各方面都做得唔錯，值得推介希望下次去時有唔同既是日海鮮可試

串燒食得多，不過呢間的牛柳粒串燒幾有風味，而且非常香見有三幾個學生等串燒，店員/老闆燒好以後好細心提左兩次「好熱小心」到我嘅時候，燒嘅速度就同外面差唔多。

牛柳都食得出有牛嘅鮮味，而無咩雪藏味。

香料都幾特別，唔是普通串燒嘅沙爹醬。

我覺得幾用心，唔是普通嗰啲交貨。

牛肉嘅分量都算多，十蚊黎講算是非常抵食。

鋪頭細細，好似幾幾位店員定東主都好後生。

可能是初創業。

我覺得做到呢個水準，是值得支持。

這小店的除了有heart。

還十分有禮貌，令人喜出望外。

希望可以保持如是微風細雨中吃完牛柳串燒，忘了拍照~

發現新開左間串燒店 見佢可以坐街邊，好耐無試過呢種風味啦～係隔離買左幾罐啤酒坐底吹水慢慢食環境乾淨，坐街邊都唔覺污糟一黎係燒牛柳串同羊架 但我地呢班餓鬼實在太瘋狂，無影相就食哂牛柳串係 超 級 多 汁！！ 熱烈推介羊架都唔錯，但男友覺得少了點羊騷味，我就覺得好好味，因為太騷我就食唔到啦燒蠔唔大隻，但係8蚊就差唔多啦蒜好香，又食到有蠔味，唔錯聽老闆講，原來啲蒜係自己炒完再燒架佢仲有個泡菜味，下次要試下先燒九菜大大串 又唔油 平時出面食個啲重口味又成口油，真係怕怕 呢度係淡少少，但燒得岩岩好，讚！雞軟骨同墨魚咀 墨魚咀唔多地方有， 幾特別但相比之下就雞軟骨爽好多燒～雞翼～我鐘～意食燒到雞皮脆卜卜 ，食完要再encore司華力腸，記得問老闆拎埋茄汁，無得彈之後同老闆傾計（其實係我地飲左酒撩佢吹水） 原來有好多野都係佢地自己醃架，唔怪得啲牛柳咁正佢話一早返黎就要去入貨，醃野食，所以先開咁晏，同埋要保持水準，所以有時到夜晚就會賣哂就無啦，真係唔傾都唔知飲食業既辛苦 有Heart小店，值得支持

和味餐單提供港式, 串燒等推介美食位於紅磡區，餐廳座位數未知人均消費約$50以下，結賬可以用現金，Booking訂位可以電話致電 95898225 查詢。

您對於紅磡餐廳「和味」有何 comment？

和味餐廳詳細資料：

• 和味地址:
  紅磡明安街2號地下J1號舖
  和味, Shop J1, G/ F,2 Ming On Street, Hung Hom
• 和味電話: 95898225
• 和味價錢: $50以下
• 分類: 港式, 串燒
• 座位: 未知
• 付款: 現金
• FB專頁: 和味 Facebook

更多和味相關資料:

• 和味分店
• Youtube
• Facebook
• Twitter
• Google