十三少 紅磡

十三少 評價 相片

黃埔呢間酸菜魚其實食咗好多次，但平時都係外賣多🤣🤣今次難得落嚟堂食就記錄返，佢既酸菜魚大份又好食，我隔一陣就會掛住佢又想食架啦😋😋滋味二人套餐 ($338)套餐有幾種唔同嘅配搭我哋就揀咗啲冇咁辣嘅選擇💁🏻‍♀️💁🏻‍♀️涼菜揀左蒜泥青瓜🥒🥒係好清新既選擇，呢個好香蒜味仲完全唔辣，中間食得太辣仲可以用佢黎清下添主菜係十三少酸菜魚🐟🐟黎食十三少一定要揀酸菜魚呀，佢個魚湯係每日新鮮熬製,叫咗小小辣唔太辣，但食得出酸菜既香味，魚片仲要勁多，仲有d 萵筍添小菜叫左麻辣滷豬手🐷🐷表面完全睇唔出辣既，但食落好有驚喜，滷得好入味，仲有d 辣味刺激一下，份量都幾多😙😙最後仲加埋紅糖糍粑 ($28)🍬🍬煙煙韌軔既紅糖糍粑係我食川菜勁鐘意既，佢呢份加配既都幾多，有成8條兩個分都好多😋😋📍 十三少 (紅磡)紅磡黃埔新村民泰街40號安華樓地下1F號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #food #foodie #foodstagram #foodblogger #berryfoodie #berry紅磡 #酸菜魚 #川菜

十三少呢間餐廳喺黃埔站一出嘅位置裝修唔算太顯眼，唯獨是門口對門比較特別😂所以吸引咗我過去睇佢個餐牌發現呢間酸菜魚同之前喺大角咀嘅一間嘅酸菜魚好似而且佢個晚市二人套餐都幾抵..所以決定試吓😂😂😂呢度嘅環境都幾唔錯 乾淨企理唯一係當日冷氣有啲唔夠 向店員查詢之後佢哋即刻攞兩把芭蕉扇俾我哋😂😂😂 二人套餐入面已經有前菜、小菜、主食同飯😝我哋揀咗《蒜泥青瓜》、《乾煸四季豆》蒜泥青瓜切到細細粒，易入口 酸酸凍凍係夏天必食嘅抖暑開胃菜❤️ 佢哋所用嘅青瓜都好新鮮而且仲好清甜🥰🥰《十三少酸菜魚》我哋問過有冇咩魚可以揀店員話佢哋舖頭採用鱸魚🐟咁就好了，因為鱸魚相對地冇咁多骨、冇腥味同埋肉質肥美🥰食個酸菜魚都知道佢哋嘅盤一定非常之有份量店員係上菜嘅時候不忘提醒我哋：一定要先飲一啖佢哋嘅湯 因為佢哋嘅湯係新鮮魚湯咁我當然都聽從佢哋嘅指示試吓 湯頭果然真係唔錯！而且中間夾雜着麻同埋酸嘅味道 令到成件事升華晒🥰 我最後起碼飲咗成碗有多🙈🙈🙈酸菜魚入面仲有萵筍、雞髀菇、四川酸蘿蔔等等緊配菜 配料都算多種類🤩另外 當日唔記得問下可唔可以加寬粉！因為食水煮魚同酸菜魚寬粉先係精華！ 但當然如果個湯好味嘅話撈飯都好正啦 哈哈哈哈哈哈😂同埋要多左份《川式口水雞》$78因為我哋想order小辣果時 店員話口水雞嘅辣度係fix咗 但係雞同汁可以分上 覺得佢哋都好貼心🤩🤩呢個川汁相對酸菜魚就比較失色，因為汁嘅味道比較單一 唔夠麻又唔係好辣😣我覺得可以多番啲麻嘅感覺就好好多 但係送飯都唔錯👌🏻仲加咗$28要埋《紅糖糍粑》即叫即炸！外脆內軟！ 入而軟熟煙韌🥰其實呢度仲有啲干鍋可以食，我見其他客人都有叫，但係因為我哋得兩個人嘅關係所以真係食唔落咁多😣😣同埋想讚吓呢度啲店員👍🏻每一個都非常之好禮貌同埋好主動幫我哋加水仲有換碟！真係唔該晒佢地👏🏻

今日突然想食辣，揀左呢間新開四川菜既餐廳，估唔到又幾好食，味道幾正宗，好啱鍾意食辣既我。

坐低已經有蒜泥青瓜前菜一小碟，同朋友叫左一個2人餐，酸菜魚大盤到我覺得4個人都夠食，呢個酸菜魚平時食都要2百幾，所以套餐$338好抵。

套餐仲包一個涼菜一個小菜同有2碗白飯，加$28仲有紅糖糍粑。

涼拌土豆絲 : 土豆絲爽口，辣味加麻油香，食到停唔到口土三少酸菜魚 : 個湯酸辣度啱啱好，魚肉鮮甜，配料又多乾煸四季豆 : 加左乾辣椒同胡椒粒，更惹味 送飯一流紅糖糍粑 : 糍粑外面脆卜卜，內裡軟棉棉，又煙韌，點紅糖食亦不會太甜

鐘意食川菜既真係一定要黎，依間係少數位於黃埔入面做得出色既川菜，地點好方便，黃埔站一出就見到。

前菜有涼拌土豆絲，口感爽脆，每一條既辣油都均衡，非常開胃尖椒皮蛋，基乎係我去親食川菜都必點既菜色，皮蛋非常高質，流心蛋黃加上大量椒蒜，絕對係必食。

川式口水雞，口水雞要整得好食一d都唔易，依度既口水雞加左大量芝麻，大大增加左佢既香氣，雞肉肉質比教結實，吸引哂醬汁後用黎送飯簡直一流。

水煮魚，絕對係用心制作，份量充足唔洗講，魚肉非常嫩滑，湯底調節得相當好，唔會過辣或過麻，加上寬粉同大量芽菜，食完包你滿足。

紅糖糍粑，高質甜品之一，新鮮炸起既糍粑，外脆內軟，食落唔會痴牙👍🏻👍🏻👍🏻

極力推介酸菜魚+紅糖糍粑呢餐飯集齊甜酸辣，三種味道，令人好滿足。

一坐低，就有兩小碟酸薯條仔，又脆又開胃！1. 前菜：蒜泥青瓜，好fresh啊青瓜爽翠，蒜泥比例剛剛好，唔會搶左青瓜的鮮味2. 主菜：酸菜魚煩惱左好耐，要酸菜魚好定係水煮魚好！好想食水煮魚，麻痹一日的工作量，但自己又唔係好食得辣🥲問問工作人員，佢建議我要酸菜魚！佢話酸菜魚是由新鮮鱸魚熬湯而成，除左酸辣，仲有食到魚的鮮！3. 口水雞 雞肉嫩滑，小小辣，配飯啱啱好，上面鋪有充足的芝麻，香香的4. 紅糖糍粑呢個唔食過就會後悔，新鮮炸起，外脆內滑，配上黑糖，甜度適中！呢個實在太好食啦！即使食完一碗飯飽飽的，都要食呢個！成個二人套餐包含左酸、辣、鮮、甜嘅味道，再加兩碗白飯，配合得啱啱好！最後要讚讚工作人員，佢地好貼心！知我地食辣，貼心加風扇仔，又給冰水我地解渴！👍👍👍👍

十三少餐單提供川菜, 四川, 中菜館等推介美食位於紅磡區，餐廳座位數未知人均消費約$101-200，結賬可以用Visa,Master,AlipayHK,支付寶,現金,微信支付，Booking訂位可以電話致電 57401710 查詢。

您對於紅磡餐廳「十三少」有何 comment？

十三少餐廳詳細資料：

• 十三少地址:
  紅磡黃埔新村民泰街40號安華樓地下1F號舖
  Master 13, Shop1 F, G/ F, On Wah Building,40 Man Tai Street, Hung Hom
• 十三少電話: 57401710
• 十三少價錢: $101-200
• 分類: 川菜, 四川, 中菜館
• 座位: 未知
• 付款: Visa,Master,AlipayHK,支付寶,現金,微信支付
• FB專頁: 十三少 Facebook

更多十三少相關資料:

• 十三少分店
• Youtube
• Facebook
• Twitter
• Google