一龍燒鵝專門店 紅磡

一龍燒鵝專門店 評價 相片

雖然坐落同一條街, 但係左右兩旁相對嘅鋪位, 係風水上已經唔同, 最起碼, 所對嘅東西南北方向已經唔同.好似一龍為例, 位處馬頭圍人流唔多嘅一邊, 相反對面紅磡廣場果一邊就旺得多.由於一龍位處人流較少嘅一邊, 中意食燒味嘅我都係等一龍開業一段時間先留意上, 襯 Lunch 即刻冲入去試試.我點肥叉鴨同叉油雞...."sorry, 我地無鴨, 只賣燒鵝!"都係自己衰, 人地寫明燒鵝專門店啦! 叫燒鴨擺明玩嘢啫! 於是轉為乳豬肥叉.乳豬係一種好奇怪嘅食品, 總係食極都唔夠喉,雖然一龍寫明燒鵝專門店, 但乳豬都唔錯, 肥豬肉唔多, 皮脆肉嫩, 唔需要點乳豬甜醬已經好香口好吸引.喂? 唔覺唔覺又食哂? 點解總係唔夠喉?我講明要肥叉, 上枱嘅都係肥叉, 對辦! 肥叉味濃夠甜, 入口夠軟夠冧而且juicy肉汁豐富, 滿意.對於我嚟講, 成碟飯嘅重中之中緊係蔥蓉啦! 一龍嘅蔥蓉雖然咸咗少少, 但仍然惹味, 蔥蓉配上香甜嘅叉燒簡直一絕.下次試下燒鵝, 食完再出寫評.

第一次光顧、慈雲山新開張店、買外買上庄烧鵝118元、望住明檔吾兄師傳斬鹅、暗檔取出細钣盒包装、回家,1望皮黑肉質系鸭肉、又霉、又咸、真想吾到新開張就欺世盗名、祝福佢生意日日升

因為湊住小朋友又夠近，所以幫襯過外賣好多次，我通常買乳豬飯，唔係度度有得食但每次嘅食感都係一樣：就係好鬼難食一係就俾哂啲肥到極嘅皮、叫佢哋唔好咁肥，就俾哂啲真係半點肥都冇、柴到無論嘅嚟，啲皮仲要有陣燒燶咗嘅苦澀味，又係難食到大半盒都食唔到另外都試過啲燒鵝，唔差但都唔特別，未去到值呢個價位囉⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

本來無諗住寫呢篇食評，因為都係咁啱去開附近，求其坐低食野既茶記，應該無咩好寫；不過呢，佢啲燒味又認真好味乳豬拼燒鵝（例）：已經食到一半先忍唔住覺得要寫食評同影相，個燒鵝做到皮香肉嫩，仲好香肉汁；相比之下，乳豬唔夠脆皮，切得又細片咗少少，不過味道都算係中上油菜：唉。

。

油菜我都寫埋。

。

明顯呃字數😂😂 還可以啦，啲菜上枱夠青綠，不過淥到淋咗少少餐廳真係茶記裝修架，不過燒味有水準，已經係短期內第二次幫襯，算抵食又好食

嗰日同老公漫無目的行落街，原本諗住去飲茶，點知過馬路睇到呢間 一龍 ，又心思思想試新嘢，俾到我驚喜。

冇味精住家湯，份量十足嘅切雞飯，有誠意又好服務！埋完單攞埋佢外賣紙，難得附近有咁樣間高質食肆，多左選擇。

一龍燒鵝專門店餐單提供粵菜, 廣東, 燒臘, 茶餐廳, 冰室等推介美食位於紅磡區，餐廳座位數未知人均消費約$51-100，結賬可以用AlipayHK,支付寶,現金,八達通，Booking訂位可以電話致電 28108098 查詢。

您對於紅磡餐廳「一龍燒鵝專門店」有何 comment？

一龍燒鵝專門店餐廳詳細資料：

• 一龍燒鵝專門店地址:
  紅磡馬頭圍道104-114號富恆閣地下C舖
  Long's Roast Goose, Shop C, G/ F, Full Hang Court,104-114 Ma Tau Wai Road, Hung Hom
• 一龍燒鵝專門店電話: 28108098
• 一龍燒鵝專門店價錢: $51-100
• 分類: 粵菜, 廣東, 燒臘, 茶餐廳, 冰室
• 座位: 未知
• 付款: AlipayHK,支付寶,現金,八達通
• FB專頁: 一龍燒鵝專門店 Facebook

更多一龍燒鵝專門店相關資料:

• 一龍燒鵝專門店分店
• Youtube
• Facebook
• Twitter
• Google