Bee Cafe 紅磡

Bee Cafe 評價 相片

走到紅磡差館里內一所小cafe吃西式早餐，發現水準還可以且十分的便宜，值得推薦一下....一份通粉，再加一小件牛角包及焗豆連咖啡一杯，竟只賣二＋大洋。

以現在的高昂物價指數來說，這個早餐已是十二分的抵食呢...牛角包當然不是自製的，但入口還算鬆軟且flaky，不是冷冰冰的劣貨色；焗豆只是一小匙的份量。

罐頭茄汁焗豆的味道，您與我從小至大應嚐過不知多少遍，恐怕也不用多說吧....二十大洋的ABC早餐，通粉內竟有鮑魚片及雞絲可吃，還想怎樣 ? 湯底說是加了蕃茄，但卻不見很有"茄香"，味是很甜得來很重"人工化"，是不能多喝的；雞絲亦只得聊聊數條，但勝在沒甚雪味；鮑魚片比起平常吃到的偏韌但又不至於咬不動；反而通粉用上的是較少見，有點像在麥記內食到的扭扭粉，咬進嘴帶咬勁又煙韌，很過癮....咖啡是一般cafe調出來的正常水平，不過不失。

沒有酸味，對我這個咖啡門外漢來說，已是覺很對味的了....早餐menu還有其他一系列的選擇的，下趟有機會的話，一定要逐一試試....

其實已經幫襯過好多次, 記得第一次幫襯, 店員都好細心服務, 叫凍檸茶走甜, 佢地會好細心舊檸檬插一半係杯邊, 等杯檸茶唔會因為無糖又浸住檸檬變苦~有食過佢地ge Tea同埋 dinner, Tea set 有好多選擇, 每個set 有好多野食, 但係同出面的茶餐廳又差唔多價錢, 仲要好味道, 坐得舒服, 仲提供免費雜誌睇~佢地仲有自制 cake 都好好味, 唔會太甜, 又香滑 !最鍾意食就係佢地ge蕃茄扭扭粉, 無論配牛扒/司華力腸定係豬扒, 都好好味, 好滿足 !開頭都係我鍾意食, 後黎男友都愛上左啦 !仲有最抵讚就係有禮貌又細心的店員, 絕對要繼續幫襯呀 ~

早前和姐姐到觀音廟拜神，想先在附近找間餐廳醫醫肚，走了很久都沒有一間可以坐得比較舒服的餐廳，直至走到市政大樓斜對面的這間Bee Café，這間餐廳細細，不過坐下來並無感到迫，坐下的時候已經是下午茶時間，就點了這個中東飽餐，有蛋有茄汁豆有腸仔，味道都幾好，最中意就係食呢D類似早餐嘅野，有蛋有腸有火腿，好似好嘆咁，very good! 再加埋杯熱朱古力，簡直要用豐富來形容。

姐姐叫了一個魚柳餐，味道也OK，擺得幾靚，不過相片遺失了…

今日再約埋d同事一齊黎食呢間café~因為佢地仲未試過呢~幸好有先打電話留位~如果唔係就冇位喇~因為真係好細間呢…而且真係有人等位~我諗呢度都開始會有一班熟客lu…我地3個都揀左哥布倫豬扒伴精選salad配扭扭粉另一位同事揀左清新之選米線, 即係黑木耳+鮑片蕃茄湯米線(配時菜一碟)餐湯:可選蕃茄湯/ 粒粒南瓜湯我當然要粒粒南瓜湯啦,my favorite~好多南瓜粒~好夠味,亦creamy,唔錯~Main course起碼等左10mins,但係賣相好靚同精緻,原以為係普通炸豬扒, 切開一睇, 豬扒竟然係夾住火腿片同芝士~嘩~好考功夫…而且幾有心思喎….究竟點可以做到夾d材料o係肉入面呢?精選salad係鮮果沙律: 唔好睇佢細細個杯仔,其實份量都唔少,有蘋果同椰果+一片生菜,鍾意佢唔會落好多沙律醬..因為o個塊哥布倫豬扒新鮮炸起熱辣辣~可以食住salad等佢攤一陣先~^^扭扭粉都絕對唔馬虎,預先撈左茄汁肉醬,所以扭扭粉好夠味,仲有幾片蘑菇片添.伴碟仲有生菜絲同車厘茄~咁用心去對待一個set lunch,難怪係需要d時間去整.所以~等係值得既~餐飲同上次一樣要熱咖啡, 因為係即磨,夠熱而且夠濃..幾好.食物水準比上次更好呢.即叫即製的小店, 加不錯的服務,當然會再黎啦~

Bee Cafe餐單提供西式, 麵包店等推介美食位於紅磡區，餐廳座位數20人均消費約$50以下，結賬可以用現金。

您對於紅磡餐廳「Bee Cafe」有何 comment？

Bee Cafe餐廳詳細資料：

• Bee Cafe地址:
  紅磡差館里9號協輝大廈地下
  Bee Cafe,  
• Bee Cafe電話:  
• Bee Cafe價錢: $50以下
• 分類: 西式, 麵包店
• 座位: 20
• 付款: 現金
• FB專頁: Bee Cafe Facebook

更多Bee Cafe相關資料:

• Bee Cafe分店
• Youtube
• Facebook
• Twitter
• Google